قوربانیانى سووتانى نه‌خۆشخانه‌كه‌ى زیقار بۆ 114 كه‌س به‌رز ده‌بێته‌وه
نوچه‌نێت
شه‌وى رابردوو نه‌خۆشخانه‌ى حوسێن له زیقار “ناسرییه”كه تایبه‌ت بوو به تووشبووانى كۆرۆنا سووتا. ئه‌مڕۆ سێشه‌ممه 13ى ته‌مووز فه‌رمانگه‌ى ته‌ندروستى زیقار له راگه‌یێندراوێكدا كه له لایه‌ن ئاژانسى هه‌واڵى عێراقى "واع" بڵاوكراوه‌ته‌وه، ئاشكراى كردووه به مردن و برینداره‌كان 114 كه‌س بووه‌ته قوربانى رووداوه‌كه.
وه‌ك ئاماژه‌ى بۆ ده‌كرێت 70 مردوو و 44 بریندار هه‌یه و نزیكه‌ى 30 مردوویش هێشتا ته‌رمه‌كانیان نه‌ناسراوه‌ته‌وه. له‌باره‌ى هۆكارى رووداوه‌كه لێكۆڵینه‌وه به‌رده‌وامه و له ئێستادا ته‌نیا باس له ته‌قینى بوتڵى ئۆكسجین ده‌كرێت.
له‌سه‌ر رووداوه‌كه مسته‌فا كازمى سه‌رۆك وه‌زیرانى عێراق كۆبوونه‌وه‌یه‌كى له‌ناكاوى كردووه و شه‌ش بڕیارى ده‌ركردووه كه ئه‌مانه‌ن:
یه‌كه‌م: له‌سه‌ر ئاستى باڵا لێكۆڵینه‌وه له هۆكارى رووداوه‌كه بكرێت.
دووه‌م: شاندێكى باڵاى حكومه‌ت كه له چه‌ند وه‌زیرێك پێكهاتووه به‌ره‌و زیقار به‌ڕێ ده‌كه‌وێت، بۆیه‌وه له نزیكه‌وه چاودێرى بكات.
سێیه‌م: به‌ڕێوه‌به‌رى نه‌خۆشخانه‌كه و به‌ڕێوه‌به‌رى فه‌رمانگه‌ى ته‌ندروستى و به‌رێوه‌به‌رى به‌رگرى شارستانى له شاره‌كه، له پۆسته‌كانیان لاده‌درێت و راده‌گیرێن.
چواره‌م: هه‌موو وه‌زاره‌ته‌كان به هاناى زیقاره‌وه ده‌چن.
پێنجه‌م: قوربانیانى مردوو به شه‌هید هه‌ژمار ده‌كرێن و برینداره‌كان ئه‌وانه‌ى له عێراق چاره‌سه‌ر ناكرێن ره‌وانه‌ى ده‌ره‌وه ده‌كرێن.
شه‌شه‌م: ماته‌مى گشتى له عێراق راده‌گه‌ینرێت.
ئه‌مه دوو رووداوى سووتانى نه‌خۆشخانه ده‌بێت له ماوه‌ى كه‌متر له سێ مانگ روو بدات، له 24ى نیسانى رابردوو نه‌خۆشخانه‌ى بن خه‌تیب له به‌غدا سووتا و له ئه‌نجامدا 90 كه‌س مردن و 110 كه‌سیش بریندار بوون.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment