عێراق ناتوانێ هەشت هەزار سزادراوەكە لەسێدارە بدات
نوچه‌نێت
ئەمڕۆ پێنجشەممە 13ی ئاداری 2023 كەناڵی جەزیرە لە راپۆرتێكدا باس لەوە دەكات جێبەجێكردنی بڕیاری لەسێدارەدان لە عێراق كاردانەوەی سیاسی لەناوخۆ و دەرەوە دەبێت و بۆیە عێراق چەندان ساڵە ئەو دۆسیەیەی دواخستووە.
لە راپۆرتەكە چەند ئامارێكی وەزارەتی دادی عێراق خراونەتەڕوو لەوانە هەشت هەزار كەس لە عێراق بڕیاری لەسێدارەدانیان بۆ دەرچووە، زیاتر لە 60 هەزار زیندانی لە عێراق هەن كە 20 هەزاریان بە تۆمەتی تیرۆر گیراون و ئەوانی تریش لەسەر تاوانەكانی تر لە 28 گرتووخانە راگیراون.
لەدوای كەوتنی رژێمی لە ساڵی 2004 جێبەجێكردنی سزای لەسێدارەدان وەستا، كەچی لە ساڵی 2014 دەستی پێكردەوە و لەو ساڵە تا 2020 سزای لەسێدارەدان بەسەر 340 تاوانبار جێبەجێكراوە. لەسەر ئەم دۆسەیەی چاودێرانی سیاسی بۆچوونی جیاوازیان هەیە. عەلی بودێر چاودێری سیاسی باس لەوە دەكات لەسێدارەدانی هەشت هەزار كەس هەنگاوێكی تۆقێنەرە لەڕووی سیاسی و كۆمەڵایەتییەوە كاردانەوەی زۆری دەبێت. بە تایبەتی دەزانرێت محەمەد حەلبووسی سەرۆكی پەرلەمان لەگەڵ ئەم هەنگاوە نییە و كار بۆ دەركردنی "لێبوردنی گشتی" دەكات.
بە بڕوای ئەم چاودێرە لە رووی نێودەوڵەتیشەوە، ئەم دۆسیەیە لە حاڵەتی جێبەجێكردنی بڕیارەكە، ئەوا كاریگەری خراپی بۆ عێراق دەبێت لە رووی مافەكانی مرۆڤەوە. بە پێچەوانەوە ئوسامە سەعیدی چاودێری سیاسی پێیوایە بڕیارەكانی لەسێدارەدان بە بەڵگە و رێكاری یاسای دەركراون، كاتێكیش جێبەجێ ناكرێن و فەرمامۆش دەكرێت ئەوا بازدانە لەسەر كاروباری دادوەری لەعێراق.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment