دەرگای شارۆچكەیەكی عێراق بە رووی سوودانی داخراوە
نوچه‌نێت
رۆژنامەی مەدای عێراق لە راپۆرتێكدا كە دوێنێ دووی نیسانی 2023 لە ماڵپەڕی خۆی بڵاویكردووەتەوە، باس لەوە دەكات تا ئێستا "گرێكوێرە"ی شارۆچكەی جورف سەخەر نەكراوە و تەنانەت محەمەد شیاع سوودانیش ناتوانێ لەم دۆسیەیە نزیك ببێتەوە، لە ترسی ئەوەی كێشەی گەورەتر دروست بێت و دۆسیەی ئاڵۆزتر ئاشكرا بن.
جورف سەخەر شارۆچكەیەكی سەربە پارێزگای بابلە و دەكەوێتە باشووری بەغدا، دانیشتووانی ئەو شارۆچكەیە سوننە مەزهەب بوون، لە شەڕی داعشەوە شارەكەیان جێهیشتووە و شارەكە لەلایەن میلیشیاكانی حەشدی شەعبی لە ساڵی 2014وە دەستی بەسەر داگیراوە وكراوەتە سەربازگەیەكی گەورە.
هەر یەكە لە حەیدەر عەبادی و عادل عەبدولمەهدی و دواتریش مستەفا كازمی سەرۆك حكومەتەكانی پێشووی عێراق، هەوڵیان داوە ئەو كێشەیە چارەسەر بكەن، شارەكە بكەنەوە و خەڵكەكەی بگەڕێنەوە سەر زێدی خۆیان كەچی تەنانەت نەیانتوانیوە سەردانی ناو شارەكەیش بكەن.
محەمەد حەلبووسی سەرۆكی پەرلەمانی عێراق لە دیمانەیەكی تەلەڤزیۆنی دەڵێ، "جورف سەخەر نهێنیەكە تا ئێستا كۆدەكانی نەكراوەتەوە و تەنانەت گەورەترین لایەنی سەربازی ناتوانی بچێتە شارەكەوە و تەنانەت ناتوانێ وێنەیەكیش بگرێت". لە راپۆرتەكەی مەدا باس لەوە كراوە چەندان جار بەرپرسانی سوننە ویستوویانە لەگەڵ ئێران بدوێن و لەوانەیش لە 2021 خەمیس خەنجەر یەكێك لە سەركردە سیاسییەكانی سوننە، قسەی لەگەڵ جەواد زەریف كردووە كە ئەو كات وەزیری دەرەوەی ئێران بوو.
بەگوێرەی چەندان راپۆرتی عەرەبی و جیهانی ئێران ئەو شارەی كردووەتە، سەربازگەیەكی داخراوی خۆی تەنانەت نەوەك بۆ عێراق، بەڵكو وەك ناوەندێكی گرنگ بۆ ئۆپراسیۆنەكانی خۆی لە رۆژهەڵاتی ناوەڕاست بەكاری دەهێنێ
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment