سەرۆک نێچیرڤان بارزانى: داعش هەڕەشەیەکى ڕاستەقینەیە بۆ سەر ناوچەکە و ئاسایشى جیهانیش
نوچەنێت:
ئێوارەى ئەمڕۆ یەکشەممە پێنجى کانوونى یەکەمى (2021)، سەرۆک نێچیرڤان بارزانى لە کۆبوونەوەکەیدا لەگەڵ ئێریك شوڤالیێ باڵیۆزى فه‌ره‌نسا له عیراق، "ڕاسته‌ڕێكردنى پرۆسه‌ى سیاسى له وڵات و بوونى سه‌قامگیریى سیاسى به پێویستییه‌كى له‌پێشینه بۆ به‌ره‌نگاربوونه‌وه‌ى تیرۆر و تێكشكاندنى یه‌كجاره‌كیى داعش له قه‌ڵه‌م دا."
بەپێى ڕاگەیێندراوى سەرۆکایەتیى هەرێمى کوردستان، "له كۆبوونه‌وه‌كه‌دا دوا پێشهاته سیاسى و ئه‌منییه‌كانى عیراق، هه‌ڵبژاردنى ئه‌نجومه‌نى نوێنه‌ران و په‌سه‌ندكردنى ئه‌نجامه‌كانى، هه‌نگاوه‌كانى داهاتوو بۆ پێكهێنانى كابینه‌ى نوێى حكوومه‌تى فیدراڵى عیراق و پته‌وكردنى په‌یوه‌ندییه‌كانى فه‌ره‌نسا له‌گه‌ڵ عیراق و هه‌رێمى كوردستان، تاوتوێ كران."
سەرۆکى هەرێمى کوردستان و باڵیۆزى فەرەنسا، هه‌ردوولا هاوڕا بوون "كه بۆ به‌ره‌نگاربوونه‌وه‌ى تیرۆر و تیكشاندنى داعش، هاریكارى و هه‌ماهه‌نگیى سه‌ربازیى پێشمه‌رگه و سوپاى عیراق و به‌رده‌وامیى پشتگیریى هاوپه‌یمانیى نێوده‌وڵه‌تى بۆ عیراق و هه‌رێمى كوردستانى پێویسته."
هەروەها باڵیۆزى فەرەنسا سه‌ره‌خۆشى لە بنەماڵەى شه‌هیدانى ئه‌م دواییه‌ى ده‌ستى تیرۆر له پێشمه‌رگه و هاووڵاتیان کرد و "به‌رده‌وامیى هه‌موو هاوكارى و پشتگیرییه‌كى وڵاته‌كه‌ى بۆ عیراق و هه‌رێمى كوردستان دووپات كرده‌وه."
ڕاگەیێندراوەکەى سەرۆکایەتیى هەرێم دەشڵێت، لەسەر حکوومەتى داهاتووى عێراق هه‌ردوولا جه‌ختیان له "گرنگیى هاتنه‌كایه‌ى حكوومه‌تێك كرده‌وه كه مایه‌ى ڕه‌زامه‌ندى و كۆكه‌ره‌وه‌ى هێز و پێكهاته‌كانى عیراق و وه‌ڵامده‌ره‌وه‌ى چاوه‌ڕوانى و داواكارییه‌كانى هاووڵاتیان له ئارامى و ژیانێكى باشتر بێت."
هەروەها په‌یوه‌ندییه‌كانى هه‌ولێر ـ به‌غدا، دۆخى ناوخۆى هه‌رێمى كوردستان، گرنگیى یه‌كڕیزیى لایه‌نه كوردستانییه‌كان و هاوبه‌شیى كارایان له به‌غدا، په‌تاى كۆڤید_19 و لێكه‌وته‌كانى، پرسى كۆچ و دۆخى په‌نابه‌ران له بیلاڕووسیا و پۆلۆنیا، ڕه‌وشى ئاواره و په‌نابه‌ران له هه‌رێمى كوردستان، دۆخى ده‌شتى نه‌ینه‌وا و شه‌نگال، ئاماده‌یى و ڕۆڵى فه‌ره‌نسا له ناوچه‌كه به‌گشى، دوایین پێشهاته‌كانى سووریا لە کۆبوونەوەکەدا تاوتوێکران.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment