سەرۆک نێچیرڤان بارزانى: چاودێریى پێشهاتەکانى بەغدا و لێکەوتە نەخوازراوەکانى دەکەین
.jpg)
نوچەنێت:
ئەمڕۆ یەکشەممە حەوتى تشرینى دووەم (2021)، سەرۆک نێچیرڤان بارزانى، سەرۆکى هەرێمى کوردستان، دەربارەى گرژیى و خۆپیشاندانەکانى بەغدا لە ڕاگەیێندراوێکدا دەڵێت، "توندوتیژى و كه‌وتنه‌وه‌ى قوربانى، مایه‌ى داخ و نیگه‌رانییه و مه‌ترسیى ئاڵۆزبوونى زیاترى دۆخه‌كه ده‌هێنێته ئاراوه. وێڕاى هاوخه‌مى بۆ خانه‌واده‌ى قوربانییان، داوا له هه‌موو لایه‌ك ده‌كه‌ین دان به خۆیاندا بگرن و كارێكى وا نه‌كرێت دۆخه‌كه به ئاقارێكى خراپتردا بڕوات."
بەپێى ڕاگەیێندراوى سەرۆکایەتیى هەرێمى کوردستان، سەرۆک نێچیرڤان بارزانى ڕایدەگەێنێت، "ده‌ستوور و یاسا مافى خۆپیشاندان و ده‌ربڕینى ناڕه‌زایى به شێوه‌یه‌كى مه‌ده‌نى و ئاشتیانه دیارى كردوو‌ه و ده‌یانپارێزێت، به هه‌مان شێوه ڕێگه‌ى له ئاڵۆزى و پشێوى و توندوتیژى گرتووه. داوا ده‌كه‌ین خۆپیشاندان و ناڕه‌زایى و مامه‌ڵه‌كرنیش له‌گه‌ڵیاندا له چوارچێوه‌ى یاسادا بێت و هه‌مووان ئارامى بپارێزن و ڕه‌چاوى به‌رژه‌وه‌ندیى گشتیى وڵات بكه‌ن."
دەقى پەیامى سەرۆک نێچیرڤان بارزانى، سەرۆکى هەرێمى کوردستان:
له نزیكه‌وه چاودێریى ڕووداو و پێشهاته‌كانى به‌غدا و خۆپیشاندانه‌كان و لێكه‌وته نه‌خوازراوه‌‌كانى ده‌كه‌ین. توندوتیژى و كه‌وتنه‌وه‌ى قوربانى، مایه‌ى داخ و نیگه‌رانییه و مه‌ترسیى ئاڵۆزبوونى زیاترى دۆخه‌كه ده‌هێنێته ئاراوه. وێڕاى سه‌ره‌خۆشى و هاوخه‌مى بۆ خانه‌واده‌ى قوربانییان، داوا له هه‌موو لایه‌ك ده‌كه‌ین دان به خۆیاندا بگرن و كارێكى وا نه‌كرێت دۆخه‌كه به ئاقارێكى خراپتردا بڕوات.
ده‌ستوور و یاسا مافى خۆپیشاندان و ده‌ربڕینى ناڕه‌زایى به شێوه‌یه‌كى مه‌ده‌نى و ئاشتیانه دیارى كردوو‌ه و ده‌یانپارێزێت، به هه‌مان شێوه ڕێگه‌ى له ئاڵۆزى و پشێوى و توندوتیژى گرتووه. داوا ده‌كه‌ین خۆپیشاندان و ناڕه‌زایى و مامه‌ڵه‌كرنیش له‌گه‌ڵیاندا له چوارچێوه‌ى یاسادا بێت و هه‌مووان ئارامى بپارێزن و ڕه‌چاوى به‌رژه‌وه‌ندیى گشتیى وڵات بكه‌ن.
سه‌ركه‌وتنى پرۆسه‌ى ده‌نگدان و هه‌ڵبژاردن، سه‌ركه‌وتنى عیراقه و هه‌ر تانه و سكاڵا و تێبینییه‌كیش له‌سه‌ر ئه‌نجامه‌كانى هه‌بێت، ده‌بێ به ڕێكاره یاسایییه‌كان یه‌كلایى بكرێنه‌وه. ده‌بێ هه‌موومان له عیراق له ئاستى به‌رپرسیاریه‌تیى نیشتمانیدا بین و پێكه‌وه، یه‌كڕیز و ته‌با، ئاشتیانه كێشه‌كان چاره‌سه‌ر بكه‌ین، ڕووبه‌ڕووى مه‌ترسییه‌كان به‌تایبه‌تى تیرۆر ببینه‌وه، ئارامى و ژیان و گوزە‌ران و خزمە‌تكردنی ھاووڵاتییان ئامانجی سە‌رە‌كیی ھە‌مووان بێت.
نێچیرڤان بارزانى
سه‌رۆكى هه‌رێمى كوردستان
2021/11/6
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment