سەرۆک نێچیرڤان بارزانی: ئەگەر ھاوھەڵوێست و یەکڕیز باین دۆخەکە بە ئەمڕۆ نەدەگەیشت
نوچەنێت:
ھەروەھا سەرۆکی ھەرێمی کوردستان لە پەیامەکەیدا ڕوو لەلایەنە سیاسییەکان کردووە و دەڵێت، "ھەمووان لە ھەمان کەشتیداین و ئەگەر ھاوھەڵوێست و یەکڕیز باین، دۆخەکە بە ئەمڕۆ نەدەگەیشت."
دەقى پەیامەکەى سەرۆک نێچیرڤان بارزانى، سەرۆکى هەرێمى کوردستان:
نەورۆز، جەژنی نەتەوەیی و سەری ساڵی تازەی کوردی، بە گەرمی لە خێزان و کەسوکاری سەربەرزی شەھیدان، لە ھەر کوردێک و ھەموو پێکھاتەکانی گەلی کوردستان لە ھەرکوێ بن، پیرۆز دەکەم. ھیوای ساڵێکی تازەی پڕ لە خۆشی و تەندروستیی باش، ئارامی و ئاسوودەیی و سەرکەوتن بۆ ھەمووان دەخوازم.
ئەمڕۆ کە بە دۆخێکی ھەستیاردا تێدەپەڕین، داوا لە لایەنە سیاسییەکانی کوردستان دەکەم، بە گیانی بەرپرسیاریەتیی نیشتمانی و بە لێکگەیشتن، ناکۆکییەکان چارەسەر بکەن تا بتوانین پێکەوە ڕووبەڕووی ھەڕەشە و ئاڵنگارییەکان ببینەوە و فیدراڵی و قەوارەی سیاسی و ماف و دەسکەوتە دەستوورییەکانمان بپارێزین. ھەمووان لە ھەمان کەشتیداین و ئەگەر ھاوھەڵوێست و یەکڕیز باین، دۆخەکە بە ئەمڕۆ نەدەگەیشت.
گەلی کوردستان ھەرگیز واز لە ئازادی و مافەکانی ناھێنێت. مێژوو سەلماندوویەتی تا نکۆڵی لە کورد و کوردستان بکرێت و مافەکانی پێشێل بکرێت، عێراق خۆشی و سەقامگیری بەخۆیەوە نابینێت. با ھەموومان لە عێراق لە ھەڵەکانمانەوە فێر ببین. جێبەجێنەکردنی دەستوور و فیدراڵی و ڕێککەوتنە سیاسییەکان، دەستیدەستیکردن بە شایستەکان و ھەوڵی بچووککردنەوەی ھەرێمی کوردستان و پێشێلکردنی مافە دەستوورییەکانی، جگە لە زیان ھیچ سوودێکی بۆ عێراق نابێت.
لەم جەژنە پیرۆزەدا جەخت لە بڕوا و سیاسەتی نەگۆڕمان دەکەینەوە کە ھەرێمی کوردستان وەک ھەمیشە لە ناوچەکە فاکتەری ئارامی و سەقامگیری دەبێت. خوازیاری پەیوەندیی باش و دۆستانە و دراوسێیەتیی باشە لەسەر بنەمای ڕێز و بەرژەوەندیی ھاوبەش. ھەر لەم بۆنەیەدا پیرۆزبایی لەو گەلانەش دەکەین کە جەژنی نەورۆز دەگێڕن و ئەم یادە دەکەنەوە.
سوپاسی تێگەیشتن و گیانی بەرپرسیاریەتی و خۆڕاگریی فەرمانبەران و خەڵکی کوردستان دەکەم. لە نزیکەوە ئاگاداری باری ژیان و گوزەرانیانین. چارەسەرکردنی ئەم دۆخە، کاری لەپێشینەی ھەموومان لە ھەموو دامەزراوەکانی ھەرێمی کوردستانە. دڵنیایان دەکەمەوە کە ئەم سەختیانەش تێدەپەڕن و دەبنە ڕابردوو. بە ئومێدەوە بەرەو ژیان و داھاتوویەکی باشتر ھەنگاو دەنێین و کوردستان بۆ ھەمیشە وڵاتی پێکەوەژیان و لێبوردەیی و فرەیی دەمێنێتەوە.
نەورۆز و سەری ساڵی تازەتان پیرۆز.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment