Nuce Logo

حەمەھاشم

قەتەر پارەیەکی زۆری بەخشی بۆ پێشکەشکردنی کولتووری پێش مۆندیالی 2022 بە تەلارسازی سەرنج راکێش و ھونەری باڵا لەلایەن هەندێک لە گەورەترین تەلارسازەکانی جیهان. 

لە ساڵی 2010ەوە کە دەوڵەتی کەنداو لە هەوڵی میوانداریکردنی مۆندیالدابوو و سەرکەوتنیشی بەدەستهێنا، سەرنجی زۆری لەسەر گۆڕینی ژیان و سیستەمی پێشکەوتنی خۆی بووە بۆ "چرایەکی هونەر و ڕۆشنبیری".

تەلارسازە پێشەنگەکانی جیهان خەریکی دروستکردنی مۆزەخانە و ئەرشیف و پارکی گەورە و هۆتێلی نوێ بوون بۆ وڵاتەکە، هەروەها زنجیرەیەک یاریگای تۆپی پێی زۆر نایابیان درووستکرد، کە بە کۆی گشتی تێچووی ناوچەکەیان بە 165 ملیار پاوەند (200 ملیار دۆلار) مەزەندە دەکرێت.

مۆزەخانەی نیشتمانی قەتەر کە لەلایەن تەلارسازێکی خاوەن خەڵاتی تەلارسازی پریتزکەر جین نوڤێلەوە دیزاین کراوە، بینایەکی 52 هەزار مەتر چوارگۆشەیە و دیزاین کراوە بۆ ئەوەی مێژووی ڕابردوو و ئێستای وڵاتەکەی تێدا نمایشبکرێت و دیکیۆمێنت و مێژووی تازەی تێدا بنووسێتەوە.

فۆڕمە جیاوازەکەی لە سەرپێچێکی پۆڵا دروستکراوە کە پشتگیری لە زنجیرەیەک دیسکی ڕەنگی خۆڵی کاڵ دەکات، کە بەیەکەوە گرێدراون بۆ ھارمۆنی درووستکردن بە کانزا لە رەنگی بیابان.

بیناکە لە ساڵی 2019 لە گەڕەکێکی میللی درووستدەکەن لەگەڵ چەندین دامەزراوەی ڕۆشنبیری دیکەدا تەواو بووە لەوانە مۆزەخانەی هونەری ئیسلامی ئای ئێم پێی.

لە ناوەوە، گەلەرییە شێوە ناڕێکەکان لە دەوری حەوشەیەک ڕێکخراون، شانبەشانی جووتێک مۆڵ لەسەر شێوەی ئەشکەوت کە لەلایەن تەلارسازەکانی کۆیچی تاکادا بە ڕووی دارێکی شەپۆلاوییەوە درووستکراوە.

هەروەها سەردانیکەرانی یاریگای نێودەوڵەتی خەلیفەی قەتەر لە دۆحە مۆزەخانەیەکی وەرزشی ستوونی دەبینن کە کارێکی ھونەری ناوازەیە، لەلایەن تەلارسازی ئیسپانی جوان سیبینا دیزاین کراوە.

ناوی مۆزەخانەی ئۆڵۆمپی وەرزشی قەتەرە، کە فۆرمێکی شووشەیی هەیە بە ئەڵقە پێچراوەتەوە و سەرەکەی ئەڵقە یەکگرتووەکانی هێمای ئۆڵۆمپیاد دەسەلمێنێت.

لە ناوەوەیدا حەوت شوێنی پێشانگای تێدایە کە بە کۆڵەکە جیاوازەکان جیاکراونەتەوە، هەروەها کافێ و چێشتخانە و دوکانی دیاریشی تێدایە.

بینایەکی دیکە کە سەنتەری کۆنگرەی نیشتمانی قەتەرە، لەلایەن تەلارسازی ژاپۆنی ئاراتا ئیسۆزاکی لە ساڵی 2011 تەواو بووە.

ناوەندەکەی بە ستوونە زەبەلاحەکانی شێوەی دار دەناسرێتەوە، کە لە ناوەوە و دەرەوە دیارن، کە پشتگیری سەقفی سەرەوەی بیناکە دەکەن.

بەئایدیای دیزاینەرەکەی، مەبەست لێی لاسایی سیدرەتی مونتەحەیە، کە درەختێکی ئیسلامی پیرۆزە و پێدەچێت هێمای کۆتایی بەهەشتی حەوتەم بێت.

چەندە سەیرە بۆ یەکەمجار تووشی یاریگای ئەل بەیت بیت، کە چادرێکی زەبەلاحی ستایلدارە و بە هێڵی ڕەش ڕازاوەتەوە. ئەل بەیت کە بۆ مۆندیال دیزاین کراوە وەک ڕێزلێنانێک بۆ شوێنی نیشتەجێبوونی نەریتی کۆچەری، ناوەندی پارکێکی مانیکۆرکراو لە 22 میل لە باکووری دۆحەوە دوورە، بەرز دەبێتەوە و لە یەک کاتدا پێدەچێت گونجاو و ناتەبا، سەرنجڕاکێش و جیهانێکی دیکە بێت - ھێمایەکی نەریتییە لە بیابان ، یان ڕەنگە تەنها سەرابێک بێت.

ئەلبەیت کە تەنها ساڵی ڕابردوو تەواو بووە، یەکێکە لەو حەوت یاریگایە نوێیەی کە بۆ مۆندیال دروستکراون لە دۆحە و دەوروبەری پایتەختی قەتەر. (هەشتەمیان وەشانێکی جوانکارییە لە یاریگایەکی کۆن.) هەریەکەیان سەرنجڕاکێشترن لەوەی دیکە، چاوەڕواننەکراوترن لە یاریگای داهاتوو. هەریەکەیان بەشدارن لە هەستی بێوچانی ناتەبایی مەعریفی کە لەم مۆندیالەدا نمایشکران.

قەتەر بڕی 220 ملیار دۆلاری خەرجکردووە بۆ ئامادەکاری بۆ پاڵەوانێتییەکە، بینای نوێ و گەڕەکی نوێ و تەنانەت شارێکی تەواو نوێیشی درووست کردووە، شوێنێک کە هەموو شتێک تێیدا نوێتر و باشترە، و بوونی هەیە، بۆ ئێستا.

لە ڕۆژانی یارییەکاندا، نزیکەی کاتژمێرێک بە پاس دەبێت تا دەگەیتە ئەل بەیت. هەموو یاریگاکانی تر بە ئاسانی دەتوانرێت بە سیستەمی میترۆی ژێرزەوی پێیان بگەییت، یان بە پاسی بێبەرامبەر بەستراوەتەوە، ڕووداوێک کە زیاتر ئۆڵۆمپیادت بیردەخاتەوە لە چاو پاڵەوانێتییەکانی پێشوو. بۆ نموونە لە ڕووسیا لە ساڵی 2018دا هەندێک لە هاندەران ناچار بوون بۆ چەند یارییەکی کەم گەشت بکەن بۆ شاری یکاتێرینبۆرگ کە نزیکەی هەزار میل لە مۆسکۆوە دوورە. لە بەرازیل چوار ساڵ پێشتر گەشتەکە لە ماناوسەوە بۆ پۆرتۆ ئەلێگری زیاتر لە دوو هێندە زیاتر بوو.

زەها حەدید تەلارسازی کۆچکردووی عێراقی ئیلهامی دیزاینی بۆ بینای مۆندیال لە مێژووی کۆنی دەریایی شاری ئەلوەکرە وەرگرتووە کە هەمیشە پەیوەست بووە بە ماسیگرتن و دەریاوانی و دەرهێنانی مرواری، بۆیە شاکارێکی تەلارسازی ناوازەی دروستکردووە کە لە دەربڕیندا شایەکان بەیەکەوە دەبەستێتەوە لە ڕابردوو لەگەڵ ڕەسەنایەتی قەتەڕی ئێستادا.

مێژوو و تایبەتمەندییەکانی ئەم ستادیۆمە لەبەر ڕۆشنایی پەیوەستبوونی مێژووی شاری ئەلوەکرا بە ماسیگرتن و بازرگانی مرواریەوەیە، بۆیە ئیلهامەکەی لە دیزاینەکەدا بەکارھێناوە لە شێوەی توێکڵێکی دەرەوەی مرواری و چەند بەلەمێکی تەقلیدی.

یاریگای ئەلجەنوب دەتوانێت زیاتر لە 40 هەزار بینەر لەخۆبگرێت، هەروەها پلانی هەیە 20 هەزار کورسی لە ستاندەکانی سەرەوە هەڵبوەشێنرێتەوە، و بیبەخشێتە پڕۆژە وەرزشییەکان لە سەرانسەری جیهان، دواتر سوود لە یاریگاکە وەربگیرێت لەگەڵ ئەو کورسییانەی کە دەمێننەوە بۆ میوانداریکردن پێشبڕکێکانی تۆپی پێ و بۆنە وەرزشییەکانی تر، بەجۆرێک یاریگاکە لە قۆناغی دوای مۆندیالدا دەبێتە ناوەندێکی وەرزشی بۆ خزمەتکردنی دانیشتوانی ناوچەکانی دەوروبەری.

ناوچەی دەوروبەری یاریگاکە ئێستا پارکێکی گشتی لەخۆدەگرێت کە بە ناوچە سەوزە فراوانەکانی و دیمەنە سەرسوڕهێنەرەکانی تایبەتمەندە، هەروەها تێنس و تۆپی باسکە لەخۆدەگرێت یاریگاکان، شوێنی وەرزشکردن، شوێنی یاریکردنی منداڵان، و ڕێڕەوی ڕاکردن و پاسکیلسواریشی تێدایە.

لەکاتی کارپێکردنی یاریگاکەدا بەتایبەت لە سەقفی کشانەوەکەدا کە درێژیەکەی 92 مەترە، و ڕێگە دەدات بۆ کەمکردنەوەی تیشکی خۆر و سێبەرکردنی یاریگاکە بەتەواوی، جگە لەوەی لە ناوەوە دەیپارێزێت، لە کەشوهەوای گەرم، ئەمەش یارمەتیدەر دەبێت بۆ بەرزکردنەوەی کارایی سیستەمی ساردکەرەوەی ناو یاریگاکە.

یەکەم یاریگای مۆندیالی 2022ی قەتەرە کە بڕوانامەی سیستەمی هەڵسەنگاندنی بەردەوامیی جیهانی (GSAS) بەدەستبهێنێت کە لەلایەن ڕێکخراوی کەنداو بۆ توێژینەوە و گەشەپێدان (GORD) پێبەخشراوە، کە تێیدا سێ بڕوانامەی لە بواری بەردەوامیی بەدەستهێناوە، لەنێویاندا دیزاین و بیناسازی چوار ئەستێرە، و بەڕێوەبردنی بیناسازی نمرەی یەکەم، و ڕێژەی کارایی وزەی وەرزی بۆ ناوەندی وزە.

یاریگای ئەلجەنوب دەکەوێتە 23 کم لە ناوەندی شاری دۆحە، و بە ئاسانی دەتوانرێت بە میترۆ بگات، بەو پێیەی مەودای نێوان یاریگاکە و وێستگەی ئەلوەکرا لەسەر هێڵی سوور لە 4.5 کیلۆمەتر زیاتر نییە، پاسەکانیش هاندەران لە وێستگەی میترۆوە دەگوازنەوە بۆ یاریگاکە بەخۆڕایی.

بەڵێندەری سەرەکی پڕۆژەی یاریگای ئەلجەنوب لەلایەن کۆمەڵەیەکەوە ئەنجامدرا کە بریتی بوون لە میدماک و پۆرت قەتەر، لەگەڵ کۆمپانیای سێکسکۆی بەلجیکی و ئەرکی سەرپەرشتیکردنی پڕۆژەکە بە کۆمپانیای Q International Consultants سپێردرا.

جێگای سەرنجە کە یاریگای جنۆب میوانداری حەوت یاری قۆناغی کۆمەڵەکان و قۆناغی شانزدەی کرد لە کاتی مۆندیالەکەدا.

ئەوەی جێگای سەرنجی زۆرێک لە ھونەرمەندان و رەخنەگرانی ھونەرە ئەو جموجۆڵ و تابلۆ جولاوە ھونەرییانە بوون کەـلە دەسپێک و کۆتایی مۆندیالدا نمایشکران، کەتێکڕایان وەک ھونەرێکی باڵای پێرفۆرمانس و کاری ئەنیستەلاسیۆنی ئاست بەرزبوون.