کتێبی (مێژووى ماسۆنییەت) بە زمانى کوردى بڵاوکرایەوە
لاڤین عومەر: تایبەت بە نوچەنێت
ئەمڕۆ سێشەممە (20/ کانوونی یەکەم/2022) رەسوڵ عەزیز نووسەر و وەرگێڕ، دەربارەی کتێبی مێژووى ماسۆنییەت رایگەیاند، "ئەم کتێبە باس لە مێژووی ماسونییەت دەکات، هەر لە دامەزراندنیەوە تا ئەمڕۆ، واتە ئەو کاتەی کۆمەڵێک کەس ویستیان رێکخراوێک دروست بکەن، هەموو کار و چالاکییەکانیان نهێنی بێ، پلان دابنێن بۆ ئەوەی کارەکانیان سەرکەوتوو بێ، خودی ماسۆنییەت بە مانای بنیاتنەرە ئازادەکان دێ، بە تایبەت ئەوانەی هەیکەل و پەرستگە و قەڵاکان بنیاتدەنێن."
رەسوڵ عەزیز، ناوەڕۆک و نووسەرى کتێبەکە زیاتر دەناسێنى و دەڵێت، "بەپێی زۆرێک لە نووسەرەکان جەخت لەوە دەکەنەوە، خودی نووسەر جرجی زێدان یەکێکە لە ماسۆنییەکان بووە کاری زۆری بۆ ماسۆنییەت کردووە، بۆیە لە زۆربەی ئەو وتار و توێژینەوە و لێکۆڵینەوانەی باس لە هێزێکی شاراوە دەکەن، ناوی ئەم نووسەرە و کتێبەکەی وەک سەرچاوەیەکی گرنگ دێ."
سەبارەت بە مێژووى ماسۆنییەت کاریگەرى ئەو ڕێکخراوە لەسەر جیهان، رەسوڵ عەزیز گوتى، "لە دنیای نووسیندا زۆرێک باس لە ماسۆنییەت دەکەن، هەر رێکخراوی نهێنی ماسۆنییەت بە تارمایی و شاراوە دەزانن، زۆرێک لە کێشە و گرفتەکانی جیهان بە تایبەتی کودەتا و شۆڕەشەکان بەدەستی ماسۆنییەت دەزانن، تا هەر چۆنێک هیوا و ئامانجەکانیان بەدەست بێنن. هاوکات لەم کتێبەدا هەموو مێژوو و رێککەوتەکان و ئەو کارەساتانەی رووبەڕووی بوونەتەوە خراوەتەڕوو، نووسەر لایەنە شاراوەکان زیاتڕ دەشارێتەوە، بەڵام هەردەم بەدروشمی برایەتی و یەکسانی و ئازادی دێڕەکانی دەڕازێنێتەوە، وا لە خوێنەر دەکات بەدوای بابەتەکان بچێ."
رەسوڵ عەزیز نووسەر و وەرگێڕ، ئاماژە بەوە دەکات خوێنەران زیاتر بەو بابەتانە دەکات و هەروەک خۆى ئاماژەى پێدەکات، "گرنگیدان بەمجۆرە بابەتانە، زیاتر بۆ زانینی هەموو ئەو بابەتانەیە، کە لەدەورمان دەگوزەرێ، مرۆڤ هەردەم دەیەوێ نهێنییەکان بزانێ، هەندێکجاریش ئەو باسانە لە چوارچێوەی خەیاڵدا دەسوڕێتەوە، لە دنیای نوێی تەکنەلۆژیادا، هەموومان بووین بەکۆیلەی تەکنەلۆژیا، لێرە پرسیارەکە ئەوەیە ئەم تەکنەلۆژێایە سەرەڕایی سوودی، بەڵام هەر لەخۆتەوە هەست دەکەی چاودێری دەکرێیت، بابەتی ماسۆنییەت و کێشە و گرفت و چالاکییەکان ئێستا لەجیهاندا وا دەزانیت رێکخراوێک هەیە زۆر بە شاراوەیی و نهێنی بەڕێوەی دەبات."
ره‌سوڵ عه‌زیز ساڵانێكى زۆر وه‌ك رۆژنامه‌نووس كارى كردووه، جگه له كارى رۆژنامه‌وانى چه‌ند كتێبێكیشى نووسیوه. ساڵانێكه زۆریشه خه‌ریكى وه‌رگێڕان و تا ئێستا به ده‌یان كتێبى وه‌رگێڕاوه. جگه له‌و كتێبه كتێبێكى ترى گه‌وره‌ى له باره‌ى ماسۆنیه‌ت وه‌رگێڕاوه، به ناونیشانى "ماسۆنیه‌ت ئه‌و هێزه شاراوه‌ى كه جیهان به‌ڕێوه‌ده‌بات".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment