Nuce Logo

بیركردنەوە لە شكستپێهێنانی سەركردەیەكی جەماوەری وەك ئەردۆغان پێویستی بە هاوئاهەنگی هەموو پارتە ئۆپۆزیسیۆنەكانى ئەو وڵاتە هەیە، كەمال كلیچدار ئۆغلۆ، سەرۆكی پارتی گەلی كۆماری (جەهەپە) كە لە ساڵی (2010) ئەو پۆستەی وەگرتووە، دەتوانێت ئەو ئەو هێزانە كۆبكاتەوە.

دروستكردنەوەی هاوپەیمانی ئومەت بۆ گێرانەوەی توركیايە وەك وڵاتێكی دیموكراسی و دامەزراوەیی كە هێزە ئۆپۆزیسیۆنەكان سەرزەنشتی ئەردۆغان دەكەن و بەوە تۆمەتباری دەكەن پاشەكشەی بە دیموكراسی كردووە. 

سەبارەت بە كاندیدی ئۆپۆزیسیۆن لەبەر یەك هۆكار هاوپەیمانی ئومەت ناتوانێت باشترین كاندید بۆ شكستپێهێنانی ئەردۆغان دیاری بكات، چونكە كلیچدار ئۆغلۆ سوورە لەسەر ئەوەی دەبێت ئەو كاندیدی هاوپەیمانی ئومەت بێت بۆ ئەو پۆستى سەرۆك كۆمار.”

هەرچەندە جەهەپە گەورەترین پارتی ناو ئەو هاوپەیمانییەیە، بەڵام مەرج نییە سەرۆكی ئەو پارتە كاندیدی هاوپەیمانی بێت، رەخنەگران گفتوگۆ لەسەر ئەوە دەكەن ئەگەر ئەو هاوپەیمانییە دەرفەتێكی راستەقینەی بۆ لادانی ئەردۆغان لە پۆستەكەی لەبەر دەست بێت، ئەوە پێویستە هەموو هەوڵەكانی بۆ دیاریكردنی باشترین كاندید بخاتەگەڕ."

دیاریكردنی ئەكرەم ئیمامئۆغلۆ، سەرۆكی شارەوانی ئیستەنبۆڵ، كە لە پارتی گەلی كۆمارییە، ئۆغلۆ كەسێكی كاریزمایە، بۆتە مۆتەكەی ئەردۆغانە بۆ رووبەڕووبوونەوەی، ئەو كەسێكی قسەخۆش و گەنجە، ئەوە جگە لەوەی ساڵی (2019) لە هەڵبژاردنی شارەوانییەكان شكستی بە ئاكپارتی هێناوە، توانی ببێتە سەرۆك شارەوانی ئیستەنبۆڵ.

هیچ هۆكارێكی راستەقینە نییە ئەكرەم ئیمامئۆغلۆ لە بەرانبەر ئەردۆغان نەكرێتە كانيد، تەنیا سەركەشی كەمال كلیچدار رازى نييە ئيمامئۆغلۆ ببێتە ركابەرى ئەردۆغان، ئەوەش لەكاتێكدایە بەردەوام ئیمامئۆغلۆ لە راپرسییەكان لە پێش كلیچدار ئۆغلۆیە، لە لایەكی تریشەوە كلیچدار ئۆغلۆ ماندوو بووە، لە ساڵی (2010) سەركەوتنەكانی لەرانبەر ئەردۆغان زۆركەمە.

ئەو هاوپەیمانییە لەكۆتایيدا لە گەیاندنی پەیامەكەی تووشی كێشەیەك دەبێت، ئەویش ئەوەیە دوای شكستپێهێنانی ئەردۆغان نوێنەرایەتی چ شتێك دەكات، وەڵامەكە روون نییە، كێشەكانی توركیا گەورەن، كاتێك ئاكپارتى لە یەكەمجار لە ساڵی (2002) دەستەڵاتى گرتە دەست كارى زۆرى لەبەردەست بيكات.

بڕیارە لە (18) حوزەیرانی ساڵی داهاتوو هەڵبژاردنەكانی توركیا ئەنجام بدرێت، ئەردۆغان كانديدى هاوپەيمانى جمهورە، كە لە مەهەپە و ئاكپارتى پێكهاتووە، لە ساڵی (2014) بووە سەرۆكی توركیا، لە هەڵبژاردنی ساڵی (2018) سەركەوت حكومی وڵاتی لە پەرلەمانییەوە بۆ سەرۆكایەتی گۆڕی.