پێشبینى ده‌كرێت نرخى زێڕ زیاتر دابه‌زێت
چنار خۆشناو -تایبه‌ت به نوچه‌نێت
ئه‌مڕۆ چوارشه‌ممه شه‌شى ته‌مووزى 2022 نرخى زێڕ له بازاڕه‌كانى كوردستان دابه‌زی، نرخى مسقاڵێك زێڕى عه‌یار 21 بوو به 375 هه‌زار دینار. هه‌ندرێن وه‌رتى گوته‌بێژى سه‌ندیكاى زێڕنگرانى كوردستان له لێدوانێكى بۆ نوچه‌نێت گوتى، "له‌گه‌ڵ دابه‌زینى نرخى زێڕ جموجۆڵێكى زۆر له بازاڕى زێڕنگران دروست بووه و خه‌ڵك زۆر زێر ده‌كڕێت، به به‌راورد له‌گه‌ڵ ماوه‌ى رابردوودا".
هه‌ندرێن وه‌رتى له درێژه‌ى لێدوانه‌كه‌ى بۆ نوچه‌نێت، دووپاتى كرده‌وه دابه‌زینى نرخى زێڕ ئێستا په‌یوه‌ندى به بازاڕى فۆرێكسى جیهانییه‌وه هه‌یه، به تایبه‌تى په‌یوه‌ندى به سیاسه‌تى دارایى ئه‌مریكاوه هه‌یه، چونكه ئه‌مه له‌لایه‌ن جێرمى پاول سه‌رۆكى بانكى فیدڕاڵى ئه‌مریكاوه وه‌ك چاره‌سه‌رییه‌ك پێشنیار كراوه.
هه‌ندرێن وه‌رتى باس له‌وه ده‌كات كاتێك نرخى دۆلار له بازاڕى فۆرێكس به‌رانبه‌ر به دراوه‌كانى تر دابه‌زى، ئه‌وا بۆ ئه‌مریكا خراپه، بۆیه ئه‌وان بیریان له‌وه كرده‌وه نرخى زێڕ دابه‌زێنن. به‌گوێره‌ى زانیارییه‌كانى گوته‌بێژى سه‌ندیكاى زێڕنگران تا چوار رۆژ له‌مه‌وبه‌ر نرخى مسقاڵێك زێڕ به 395 دینار بوو، به‌ڵام له‌و كاته‌وه دابه‌زى ئێستا 375 دیناره و پێشبینى ده‌كرێت چه‌ند هه‌زارێكى تر دابه‌زێت.
به‌ڵام هه‌ندرێن وه‌رتى له هه‌مان كاتدا دووپاتى كرده‌وه كه پێشبینیه‌كى دوورمه‌ودا بۆ زێڕ هه‌یه، بۆیه ئه‌و پێشبینى ده‌كات سه‌ره‌تاى ساڵى داهاتوو نرخى مستقاڵێك زێڕ بۆ 420 دینار به‌رز بێته‌وه. دانا عه‌بدوڵره‌حمان وه‌رتى وه‌ك شاره‌زاییه‌كى ئابوورى قسه‌ى بۆ نوچه‌نێت كرد و پێشبینى كرد، نرخى زێڕ له چه‌ند رۆژى داهاتوودا نزیكه‌ى 10 دۆلارى تریش بۆ هه‌ر مستقاڵێك دابه‌زێ.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment