حکومەتى عێراق رەزامەندى لەسەر خەرجکردنى تێچووى هەناردەى نەوتى هەرێم دەربڕى
نوچە نێت
ئەمڕۆ سێشەممە (پێنجى تشرینى دووەم/2024) ماڵپەڕى (واع) بڵاوى کردەوە، ئەنجوومەنى وەزیرانى عێراق ئەمرۆ بە سەرۆکایەتى محەمەد شیاع سوودانى کۆبووەوە، لەو کۆبوونەوە چەند بڕیارێک درا، بەشێک لەو بڕیارانە پەیوەست بوو بە هەرێمى کوردستان.
لە راگەیێندراوەکە هاتووە ئەنجوومەنى وەزیران بەدواداچوون بۆ ئامادەکارییەکانى رێکارى سەرژمێرى دانیشتوانى عێراق دەکات، کە بڕیارە لە (20) ئەم مانگە دەست پێبکات.
لە خاڵى دووەمى راگەیێندراوەکە هاتووە، سەرژمێرى لە ناوچە جێناکۆکەکان لەلایەن تیمى هاوبەشى نەتەوەکانى عەرەب و کورد تورکمان دەبێت، هەروەها کەسێک لە مەسحیەکان بۆ تیمى ناوچەکانى زۆرینە مەسیحى زیاد دەکریت.
لە خاڵى سێیەم، هاتووە دەستەى ئامار بە دەستەى ئامارى هەرێمى کوردستان بە هەماهەنگى لەگەڵ وەزارەتى ناوخۆى عێراق بەراوردى تۆمارى وەزارەتەکان دەکەن لە:
أ ــ تۆمارى وەزارەتى ناوخۆ سەرژمێرى (1957) و نوێکردنەوەکانى
ب ــ تۆمارى وەزارەتى بارزگانى و داتاکانى وەزارەتى کۆچ و کۆچبەران.
لە خاڵى چوارەم ئەنجامەکانى سەرژمێرى گشتى و بەشەکانى تایبەت بەو سەرژمێریانەى لە ماددەى (3) لە تایبەتمەندى وەزارەتى پلاندانانى حکومەتى ناوەند و وەزارەتى پلاندانە لە هەرێمى کوردستان، بەگوێرەى رێککەوتنى هاوبەش.
سەبارەت بە ئاوارەکان، لە خاڵى پێنجەم هاتووە، پابەندى بە رێکخستنى خشتەى سەرژمێرى سەبارەت بە ئاوەرکان و پەنابەران لە ناوچە جێناکۆکەکان و پارێزکاکانى دیکە بەگوێرەى بەڵگەنامە فەرمییەکان دەبێت.
لە خاڵێکى دیکە هاتووە دەستەى ئامارى هەرێمى کوردستان تیمێکى تەکنیکى رەوانەى ژووى چالاکییەکان دەکات بۆ ئاگاداربوون و چاودێرى بەڕێوەچوونى سەرژمێرى و دڵنیایى لە بەرێوەچوونى رێکارەکان بە شێوەى بەردەوام تاکۆتایى ئەو پڕۆسەیە.
دەستەى ئامارى هەرێم پابەندە بە دەستپێکردنى دەستبەجێ بۆ راهێنان و ئامادەکارى دەورەى چڕ، ئەوەش وەک ئامادەسازیى رێکارەکانى سەرژمێرى دانیشتوان لە (20)ى تشرینى دووەمى (2024).
هەر لەو دانیشتنە ئەنجوومەنى وەزیران هەموارى ماددەى (12/ دووەم/ج) لە یاساى بوودجەى پەسەند کرد، کە ئەو خاڵانەى لەخۆى گرتووە:
1ـ وه‌زاره‌تی دارایی فیدراڵ قه‌ره‌بووی حکوومەتی هەرێمی کوردستان لە خەرجییە سیادییه‌كان بۆ تێچووی بەرهەمهێنان و گواستنەوەی نه‌وت ده‌كاته‌وه، بۆ ئەو بڕە نەوتەی لە هەرێمی كوردستان بەرهەم دێت کە لە لایەن کۆمپانیای بەبازاڕکردنی نەوت (سۆمۆ)ـوە، یان له لایه‌ن وه‌زاره‌تی نه‌وتی فیدراڵییه‌وه به پێی بڕگه‌كانی (أ) و (ب)ـی مادده‌ی (12/ب2) وەردەگیرێت، بە مەرجێک تێچووی دادپەروەرانەی خەمڵێنراوی بەرهەمهێنان و گواستنەوەی نەوت بۆ هەر کێڵگەیەک لە لایەن دەزگا‌یەکی ڕاوێژکاریی تەکنیکی نێودەوڵەتی تایبەتمەندەوه كه وه‌زاره‌تی نه‌وتی فیدراڵ به ڕێككه‌وتن له‌گه‌ڵ وه‌زاره‌تی سامانه سروشتییه‌كانی حكوومه‌تی هه‌رێمی كوردستان بۆ ئه‌م ئه‌ركه ده‌ستنیشانی ده‌كه‌ن، بە جیا حیسابی بۆ بکرێت و لە ماوەی (60) ڕۆژدا لە چوونە بواری جێبەجێکردنی ئەم یاسایەوە، هاوكات له ئه‌گه‌ری ڕێكنه‌كه‌وتن له ماوه‌ی ئه‌و شه‌ست ڕۆژه‌دا، ئه‌نجوومه‌نی وه‌زیرانی فیدراڵ ئه‌و لایه‌ن یاخود ده‌زگه ڕاوێژكارییه بۆ ئه‌و ئه‌ركه ده‌ستنیشان ده‌كات.
2ــ ئه‌و ده‌زگه ڕاوێژكارییه‌ی له خاڵی یه‌كه‌مدا ئاماژه‌ی بۆ كراوه، تێچووی خەمڵێنراوی بەرهەمهێنان و گواستنەوەی نه‌وت پێشکەش بە هه‌ر دوو وه‌زاره‌تی نەوت و دارایی فیدراڵ و حکوومەتی هەرێمی کوردستانی دەکات و بۆ مەبەستی هه‌مواركردنه‌وه‌ی یاساكه پشتی پێ ده‌به‌سترێت، هه‌روه‌ها قه‌ره‌بووكردنه‌وه‌ی هه‌رێمی كوردستان له‌سه‌ر ئه‌و تێچووه خه‌مڵێندراوه ده‌بێت كه ڕۆژانه چه‌ند به‌رمیل ڕاده‌ستی کۆمپانیای بەبازاڕکردنی نەوت (سۆمۆ) یان وه‌زاره‌تی نه‌وتی فیدراڵیی ده‌كات، ئه‌مه‌ش به پێی هه‌ر دوو بڕگه‌ی (أ) و (ب)ی مادده‌ی (12/ب2) و وه‌زاره‌تی دارایی فیدراڵ بڕی ئه‌و پاره‌یه ده‌داته حكوومه‌تی هه‌رێمی كوردستان.
3ـ به پێی هه‌ر دوو بڕگه‌ی (أ) و (ب)ى مادده‌كه، ڕاسته‌وخۆ نه‌وتی به‌رهه‌مهێنراوی هه‌رێمی كوردستان ڕاده‌ستی کۆمپانیای بەبازاڕکردنی نەوت (سۆمۆ) یان وه‌زاره‌تی نه‌وتی فیدراڵیی ده‌كرێت و تێچووی بەرهەمهێنان و گواستنەوەی نه‌وتی هه‌رێمی كوردستان وه‌كوو (پێشه‌كی – سولفه) به بڕی (16) دۆلار بۆ هه‌ر به‌رمیلێك له لایه‌ن وه‌زاره‌تی دارایی فیدراڵه‌وه به حكوومه‌تی هه‌رێمی كوردستان ده‌درێت. هه‌روه‌ها دوای تەواوبوونی ڕاوێژکاری تەکنیکی پسپۆڕ کە لە خاڵی یه‌كه‌مدا باس كراوه، ئه‌م بابه‌ته یه‌كلایی ده‌كرێته‌وه.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment