قوباد تاڵەبانی: پێویستە 349رۆژ بەرەنگاری توندوتیژی ببینەوە
.jpg)
نوچەنێت
ئەمڕۆ یەکشەممە( 28/تشرینی دووەم/2021 ) قوباد تاڵەبانی، جێگری سەرۆکی حکومەتی هەرێمی کوردستان لە میانەی کۆنفرانسی یەکسانی جێندەری و ستراتیژی هێزی ژنان وتەیەکی پێشکەشکرد و گوتی: ئەو راسپاردانەی لە کۆنفرانسەکان رادەگەیەندرێن تەنیا قسەیە و نابن بە کردار.
جێگری سەرۆکوەزیرانی هەرێمی کوردستان، لە کۆنفرانسی یەکسانی جێندەری و ستراتیژیی هێزی ژنان، لە بەشێک لە قسەکانیدا لەبارەی پرسی جێندەر و تووندوتیژی دژی ژنان و گێچەڵی سێکسی لە دامودەزگا فەرمی و نافەرمییەکان و کێشەکانی دیکەی بەردەم خانمان دەڵێت: ئێمە لە قسەکردندا عەیبمان نییە. بە جوانی کێشەکان دیاریدەکەین. جوانترین چارەسەریان دەدۆزینەوە، بەڵام بە کردار رەنگدانەوەیەکی ئەوتۆ نابیندرێت. سەرلەنوێ و بۆ ساڵێکی دیکە هەمان قسەکانی پێشووتر دووبارە دەکەینەوە.
قوباد تاڵەبانی، سەبارەت بە هەڵمەتی هەفتەی توندوتیژی دژ بە ئافرەتان رەخنەدەگرێت و دەڵێت: چەندین ساڵە لە دوو هەفتەی بەرەنگاربوونەوەی تووندوتیژی دژی ژنان، داوا لە وەزارەتی پەروەردە دەکرێت وانەی جێندەرناسی بەگشتی و مافەکانی ژنان بەتایبەت بکرێتە بەشێک لە پرۆسەی خوێندن، هەر لە سەرەتاییەوە تاوەکو دەگاتە ئامادەیی، داوا لە وەزارەتی خوێندنی باڵا دەکرێت زیاتر گرنگی بە سەنتەرەکانی جێندەرناسی زانکۆکان بدات و لێکۆڵینەوە و توێژینەوەی زانستی زیاتر بکەن. داوا لە وەزارەتی رۆشنبیری دەکرێت ئاگاداری بەرنامە و دراما تەلەڤیزیۆنییەکان بن کە ژنان وەکو کاڵا بەکاردەهێنن و رێگەیان پێنەدەن. داوا لە وەزارەتی ناوخۆ دەکرێت بەشی جێندەرناسی لە بنکەکانی دەزگا ئەمنییەکان بکاتەوە، بەتایبەت پۆلیس و راهێنان بە کارمەندەکانی بکات لەسەر چۆنێتیی مامەڵەکردن لەگەڵ کەیسی ژناندا. داوا لە وەزارەتی ئەوقاف و دادگەکانی کوردستان و دادوەرە بەڕێزەکان دەکرێت نەبنە هۆکاری سستیی بەڕێوەچوونی کەیسەکانی تایبەت بە تووندوتیژی دژی ژنان و گۆڕانکاریی ریشەیی لە رێکارە یاساییەکاندا بکرێت. داوا لە پەرلەمانی بەڕێز دەکرێت یاسا کۆنەکان، تەنانەت یاسای بەرەنگاربوونەوەی تووندوتیژی دژی ژنان هەموار بکرێتەوە. ئەو داواکارییانە داواکاریی ساڵانەیە و هەموومان، بە منیشەوە، هەمیشە دووبارەیان دەکەینەوە، بەڵام پرسیاری جیددی ئەوەیە کە چەند لەو داواکارییانەمان جێبەجێ کردوون؟ من شتێکی وا نابینم. سەلمێنەری قسەکانیشم ئەوەتا ئەمساڵیش هەمان قسە کراوە و هەمان راسپاردەش دەکرێنەوە.
لە وتەکەیدا قوباد تاڵەبانی، داوایەکی پێشکەشکرد و گوتی: داوا دەکەم لە ساڵی داهاتوودا لەبری ئەوەی 16 رۆژ هەڵمەتمان هەبێت بۆ بەرەنگاربوونەوەی تووندوتیژی، با 349 رۆژ هەڵمەتمان هەبێت بۆ رووبەڕووبوونەوەی تووندتیژی و 16 رۆژ پشوومان هەبێت.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment