به‌هۆى سووتانى دارستانه‌كان سكاڵا له‌سه‌ر ئه‌ردۆغان تۆمار ده‌كرێت
نوچه‌نێت
ئه‌مڕۆ سێشه‌ممه سێى ئاب رۆژنامه‌ى شه‌رق ئه‌وسه‌ت راپۆرتێكى له‌سه‌ر سووتانى دارستانه‌كانى توركیا بڵاوكردووه‌ته‌وه و له به‌شێكدا ئاماژه‌ى بۆ ئه‌وه كردووه پارتى رزگارى گه‌ل كه پارتێكى چه‌پڕه‌وى ئۆپۆزسیۆنى توركیایه، سكاڵاى له‌سه‌ر ره‌جه‌ب ته‌یب ئه‌ردۆغان و وه‌زیرانى ناوخۆ و كشتوكاڵ و چه‌ندان پارێزگار و به‌ڕێوه‌به‌رى گشتى تۆمار ده‌كات، به‌هۆى ئه‌وه‌ى له كۆنتڕۆڵكردنى سووتانى دارستانه‌كان شكستیان هێناوه.
رۆژنامه‌ى ئه‌حوالی توركی هه‌مان زانیارى بڵاوكردووه‌ته‌وه و ئاماژه‌ى بۆ ئه‌وه كردووه، ئه‌و حزبه ئۆپۆزسیۆنه كه له هه‌ندێك قۆناغ له توركیا به "تیرۆر" تۆمه‌تبار كراوه، پارێزه‌ره‌كانى ده‌ستیان به رێكاریى یاسایى كردووه و داواكانیان تۆمار ده‌كه‌ن.
شه‌رق ئه‌وسه‌ت نووسیویه‌تى، ئه‌ردۆغان رووبه‌ڕووى چه‌ندان ره‌خنه ده‌بێته‌وه، له‌وانه كه‌مال كلیچدارئۆغڵو سه‌رۆكى پارتى گه‌لى كۆمارى "جه‌هه‌په" كه گه‌وره‌ترین پارتى ئۆپۆزسیۆنى توركیایه، ئاشكراى كردووه ئه‌و كاته‌ى ئاكپارتى له‌ساڵى 2002 ده‌سه‌ڵاتى گرتووه‌ته ده‌ست توركیا 19 فڕۆكه‌ى ئاگركوژێنه‌وه‌ى هه‌بووه، به‌ڵام دواتر هیچیان دیار نه‌ماون. كلیچدارئۆغڵو ده‌ڵێ، "19 ساڵه ساڵه له ده‌سه‌ڵاتن ئه‌گه‌ر هه‌ر ساڵێك فڕۆكه‌یه‌كیان بكڕیبووایه ئه‌وا ئێستا 19 فڕۆكه‌ى ئاگركوژێنه‌وه‌مان ده‌بوو، به‌ڵام ئه‌ردۆغان 13 فڕۆكه‌ى تایبه‌تى له‌و ماوه‌یه كڕیوه".
به‌گوێره‌ى ئاماره فه‌رمییه‌كانى توركیا، له كۆى 132 ناوچه‌ى گڕگرتوو، 125 یان كۆنتڕۆڵ كراون، تا ئێستا هه‌شت كه‌س گیانیان له ده‌ست داوه و زیاتر له 800 كه‌سیش سووتاون و چاره‌سه‌ریان وه‌رگرتووه و 10 هه‌زار كه‌سیش له زێدى خۆیان دوورخراونه‌ته‌وه.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment