توركیا هەوڵى بەهێزکردنى پێگەى خۆى لەبوارى وزە دەدات
نوچە نێت
وەرگێرانى: ئیسماعیل تەها
راپۆرتەكان پێشبینی دەكەن لە (2050) بەرهەمهێنانی گازی سرووشتی لە ئەوروپا پاشەكشە بكات، لەو نێوەندەدا توركیا بەهۆی دۆزینەوەی گاز لە ناوخۆی وڵاتەکەیى و پلاندانان بۆ بەرهەمهێنانی، خۆی ئامادە دەكات بۆ ئەوەى ببێت بە یەكێك لە لایەنە سەرەكییەكانی كەرتی گاز لەو ناوچەیە.
بەگوێرەی ئەو راپۆرتی كۆڕبەندی وڵاتانی هەناردەی گاز لەژێر ناونیشانی (دیدگای 2050) بڵاوى کردۆتەوە، چاوەڕوان دەكرێت لەو ساڵەدا بڕی بەرهەمهێنانی گازی سرووشتی بگاتە پێنج تریلیۆن و (317) ملیار مەتر چوارگۆشە.
ئەو راپۆرتە ئاماژە بەوە دەكات، ناوچەی رۆژهەڵاتی ناوەڕاست لە داهاتوو قەبارەی بەرهەمهێنانی گازی دەگاتە (416) ملیار مەتر چوارگۆشە، پاشان ئۆراسیا كە قەبارەكەی (362) ملیار مەتر چوارگۆشەیە، ئەفریقیا قەبارەكەی (250) ملیار مەتر، ئەمەریكای باكوور (107) ملیار مەتر، ئاسیا و زەریای هێمن (91) ملیار، ئەمەریكای لاتین (87) ملیار مەتر.
چاوەڕوان دەكرێت لە ئەوروپا بڕی بەرهەمهێنان بۆ (119) ملیار مەتر چوارگۆشە دابەزێت، ئەوەش وادەكات توركیا ببێتە لایەنێكی سەرەكی لە بەرهەمهێنانی گاز لەو ناوچەیە.
ئەو ناوەندە ئاماژە بەوەش لە (2023) توركیا لە پاڵ مۆزەمبیق و تەنزانیا لەبواری بەرهەمهێنانی گاز گەشەی بەرچاوی كردووە، ئەوەش وادەكات بەشێوەیەكی فراوان كاریگەری لەسەر هاوكاری گازی جیهانی هەبێت.
راپۆرتی كۆڕبەندی وڵاتانی هەناردەی گازی سرووشتی جەخت لەسەر ئەوە دەكەنەوە، كە توركیا وەك بەرهەمهێنەری گازی سرووشتی دەركەوت، كارییش لەسەر جێبەجێكردنی پلانی زیادكردنی بەرهەمهێنانی ناوخۆیی و كەمكردنەوەی تێچووی هاوردەی وزە دەكات.
بەگوێرەی ئەو راپۆرتە بەرهەمهێنانی گاز لە ساڵی (2022) گەیشتۆتە (400) ملیۆن مەتر چوارگۆشە، ئەوەش لە كاتێدایە بەهۆی كێڵگەی سەكاریای گازی سروشتی كە لە ساڵی (2023) گەیشتە یەك ملیار و (300) ملیۆن مەتر چوار گۆشە.
بەگوێرەی داتاكانی دەستەی رێكخستنی بازاڕی وزەی توركی بەرهەمهێنانی ساڵانە لە ساڵی رابردوو گەیشتە دوو ملیار و (26) ملیۆن مەتر چوارگۆشە.
سەبارەت بە پلانی داهاتووی توركیا راپۆرتەكەی وڵاتانی هەناردەی گازی سرووشتی ئاماژە بەوە دەكات، ئەنقەرە پلانی زیادكردنی بەرهەمهێنانی لە كێڵگەی سەكاریا هەیە، چاوەڕوان دەكرێت لە قۆناغی دووەم لە چەند ساڵی داهاتوو دەست پێ بكات، پێشبینی دەكرێت بەرهەمهێنانی ئەو كێڵگەیە بگاتە نۆ ملیار مەتر چوارگۆشە، تا دەگاتە ساڵی (2025) لە میانەی پەرەپێدانی دۆزینەوەی نوێ و بەرهەمهێنان لە كێڵگەی سەكاریان بگاتە (17) ملیار مەتر چوارگۆشە.
راپۆرتەكە روونیشی كردۆتەوە كێڵگەی سەكاریا تاوەكوو ساڵی (2025) بەرهەمهێنان تێیدا بەرەوام دەبێت، ئەوەش وادەكات ببێتە كۆڵەگەیەكی سەرەكی هاوكاری ناوخۆیی گازی سرووشتی.
ئەو راپۆرتە جەخت لەسەر ئەوەش دەكاتەوە، توركیا تاكە وڵاتە گەشەی بەرچاوی لەبواری خواست لەسەر گازی سرووشتی بەخۆیەوە دیوە، ئەگەری بەهێزیش ئەوەیە ببێتە هۆی بەهێزبوونی ئابووری و فراوانبوونی تۆڕەكانی گواستەوە و دابەشكردنی گاز و دۆزینەوەی ناوخۆیی و دەرفەتی زیاتر بۆ هاوكردنی گاز، خواست لەسەر گازیش لە توركیا تەركیزی گەورەی لەسەر كەرتی بەرهەمهێنانی كارەبا و پیشەسازییە، ئەوەش بەشداری لە پاڵپشتی ئامانجەكانی پەیوەست بە وزە و گەشەی پیشەسازی دەبێت.
لە بەشێكی دیكەی ئەو راپۆرتە جەخت لەسەر ئەوەش دەكاتەوە، كە توركیا خاوەنی ژێرخانی بەهیزە بۆ هاوكاری گازی سرووشتی وە هێلەكانی گواستەوە و وێستگەی هەڵگرتنی گازی شل، ئەوەش وا دەكات ببێتە ناونەندێی سراتیژی وەزە، سەربارەت بە هاوردەی گازیش لە (2025) بڕەكەی دەگاتە (69) ملیار مەتر چوارگۆشە.
سەرچاوە: ماڵپەڕى ئەنادۆڵ
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment