لێژنه‌ى مافى مرۆڤی پەرلەمان: ئه‌شكه‌نجه‌دان له گرتووخانه‌كانى هه‌رێم هه‌یه
.jpg)
لاڤین عومه‌ر، تایبه‌ت به نوچه‌نێت
رۆمیۆ هه‌كارى: یاسایه‌ك بۆ به‌ره‌نگاربوونه‌وه‌ى ئه‌شكه‌نجه‌دان داده‌نێین
لێژنه‌ى كاروبارى كۆمه‌ڵایه‌تى و داكۆكى له مافى مرۆڤ له په‌رله‌مانى كوردستان خه‌ریكه پڕۆژه‌یاسایه‌ك بۆ به‌ره‌نگاربوونه‌وه‌ى ئه‌شكه‌نجه‌دان ئاماده دەكات، سه‌باره‌ت به پێویستبوونى ئه‌و پڕۆژه‌یاسایه، دوێنێ شه‌ممه 31ى ته‌مووز رۆمیۆ هه‌كارى سه‌رۆكى لیژنه‌كه له لێدوانێكى تایبه‌ت به "نوچه‌نێت" باسى له بوونى ئه‌شكه‌نجه‌دان له هه‌رێمى كوردستان كرد و گوتى، "مەبەستمان هەموو ئەشکەنجەدانێکە، ئێمە باس لە ئەشکەنجە دەکەین، لەبەر ئەوەی لە هەرێمی کوردستان هیچ یاساک نییە تایبەت بە ئەشکەنجەدان، لەبەر ئەوە چەندین جار کۆبوونەوەمان کردووە تەنانەت چەند جارێکیش رێکخراوەکانمان بانگکردووە، جارێک 11 رێکخراومان بانگکردووە جارێکی دیکەش 17 رێکخراو، لەو رێکخراوانەی کە کار لەسەر ئەشکەنجەدان لە هەرێمی کوردستان دەکەن".
رۆمیۆ هه‌كارى له لێدوانه‌كه‌ى باسى له‌وه كرد لێژنه‌كه‌یان سه‌رقاڵى ئاماده‌كارییە بۆ ئه‌وه‌ى له‌دواى ته‌واوبوونى پشووى په‌رله‌مان پڕۆژه‌یاسایه‌ك بۆ به‌ره‌نگاربوونه‌وه‌ى ئه‌شكه‌نجه‌دان به سه‌رۆكایه‌تى په‌رله‌مان بدات. رۆمیۆ هه‌كارى گوتى، "ئێمه بڕیارمان داوه، دوای پشووی پەرلەمان، کار لەسەر مەسەلەی ئەشکەنجەدان بکەین، بۆیە ئێمە ئەو هەموو کاروچالاکییەكان له بواره‌دا ده‌كه‌ین، بۆ ئەوەى پڕۆژە یاسایەک گەڵاڵە بکەین و دواتر وەکو لێژنە بیدەینە دەستەی سەرۆکایەتی پەرلەمان بۆ ئەوەی دانیشتنێکی تایبەتی لەسەر بکرێت".
له‌كۆتایى لێدوانه‌كه‌ى راشكاوانه رۆمیۆ هه‌كارى ئاماژه‌ى به‌وه‌دا ئه‌شكه‌نجه‌دان له كوردستان بوونى هه‌یه و به‌ڵام له جاران كه‌متره، ئه‌و په‌رله‌مانتاره گوتى، "لە هەرێمی کوردستان پێویستە یاسایەکمان هەبێت یاسای بەرەنگاربوونەوەی ئەشکەنجەدان، بەڵێ ئەشکەنجەدان هەیە لە گرتووخانەکان، لە چاکسازییەکان، لە گرتن و گواستنەوە و لە زۆر شوێن هەیە. راستە بە بەراورد لەگەڵ پێشوو ئێستا وا خەریکە کەم دەبێتەوە بەڵام ئێمەش هەوڵ دەدەین نەمێنێت".
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment