بۆچى نێچیرڤان بارزانى سه‌ردانى ئوردن ده‌كات؟
نوچه‌نێت
ئه‌مڕۆ چوارشه‌ممه 23ى حوزیران نێچیرڤان بارزانى سه‌رۆكى هه‌رێمى كوردستان سه‌ردانى ئوردنى كرد و له لایه‌ن شا عه‌بدوڵاى دووه‌م شاى ئوردن پێشوازى لێكرا.
به‌گوێره‌ى راگه‌یێندراوێكى سه‌رۆكایه‌تى هه‌رێمى كوردستان كه ئێواره‌ى ئه‌مڕۆ بڵاوكراوه‌ته‌وه سه‌رۆكى هه‌رێم و شاى ئوردنى هاشمى چه‌ندان بابه‌تى گرنگیان باس كردووه.
ئاژانس و رۆژنامه به‌ناوبانگه عه‌ره‌بییه‌كان له‌وانه ئاژانسى هه‌واڵى سعوودى و ئاژانسى هه‌واڵى كوێتى و رۆژنامه‌ى ده‌ستوورى ئوردنى باسیان له سه‌ردانه‌كه كردووه.
رۆژنامه‌ى "صدى البلد"ى میسڕى راپۆرتێكى بڵاوكردووه‌ته‌وه، له ناونیشانه‌كه‌ى ده‌پرسێ، " سه‌رۆكى كوردستانى عێراق له شانیشنى هاشمى چى ده‌كات؟" رۆژنامه‌كه له وه‌ڵامدا باس له گرنگى په‌یوه‌ندى نێوان هه‌رێمى كوردستان و ئوردن ده‌كات. پێیوایه ئه‌و سه‌ردانه له چوارچێوه‌ى ئه‌و په‌یوه‌ندییه دێرینه دێت كه له‌نێوان هه‌رێمى كوردستان و ئوردن ده‌كات.
رۆژنامه‌كه له چه‌ند خاڵێك باس له به‌هێزى ئه‌و په‌یوه‌ندییه ده‌كات له‌وانه:
یه‌كه‌م: په‌یوه‌ندى هه‌رێمى كوردستان و ئوردن دێرینه بۆ سه‌رده‌مى شا حوسێن بن ته‌ڵاڵ شاى كۆچكردووى ئوردن ده‌گه‌ڕێته‌وه. ئه‌م وڵاته شه‌ش جار داوه‌تى سه‌رۆك مه‌سعود بارزانى كردووه كه دوایین جار له 2019 بوو.
دووه‌م: نێچیرڤان بارزانى په‌یوه‌ندییه‌كى به‌هێزى له‌گه‌ڵ شا عه‌بدوڵاى دووه‌م هه‌یه، له مانگى كانوونى دووه‌مى 2018 كۆبوونه‌وه‌یه‌كى تریان كردووه.
سێیه‌م: ئوردن له 2011 كونسوڵخانه‌ى خۆى له هه‌رێمى كوردستان كردووه‌ته‌وه.
چواره‌م: له‌و كاته‌ى له مانگى نیسان ده‌نگۆى كۆده‌تایه‌ك له ئوردن هه‌بوو، سه‌رۆكى هه‌رێمى له په‌یامێكدا پاڵپشتى خۆى بۆ سه‌قامگیرى ئوردن دووپات كردووه‌ته‌وه.
پێنجه‌م: ئه‌و كاته‌ى ریفراندۆمى سه‌ربه‌خۆى كوردستان له ساڵى 2017 ئه‌نجام دراوه، ئوردن دژایه‌تى نه‌كردووه و به بڕیارێكى ناوخۆى زانیوه.
شه‌شه‌م: په‌یوه‌ندییه‌كى ئابوورى له‌نێوان هه‌رێمى كوردستان و ئوردن هه‌یه و 110 كۆمپانیاى ئوردنى له هه‌رێمى كوردستان كار ده‌كه‌ن.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment