به‌گوێره‌ى راپرسییه‌كان كێ سه‌رۆكى داهاتووى ئێرانه ؟
نوچه‌نێت
ئەمڕۆ یەکشەممە شەشی حوزەیرانی ٢٠٢١، ئاژانسی هەواڵی "تجارت نیوز" بڵاوی کردەوە، تا کاتژمێر ١١ی نیوەڕۆی ئەمڕۆ ڕاپرسییەکانی سەر ماڵپەڕەکانی چوار ئاژانسی هەواڵنێری "عەسر ئیران"، "ئیسنا"، "خەبەر ئۆنلاین" و "ئافتاب نیوز" دەربارەی براوەی یەکەمین دیبەیتی نێوان کاندیدەکانی سەرۆک کۆماریی دەری دەخەن لە سێ ماڵپەڕدا عەبدولناسر هیمەتی پێشەنگ بووە و لە ماڵپەڕێکیشدا ئیبراهیم ڕەئیسی.
هەڵبەت ماڵپەڕی "عەسر ئێران" دەربارەی ڕاپرسیەکەی خۆی کە لە ئێستادا ڕەئیسی وەک براوە هەڵبژێردراوە، نووسیویەتی: "لە دوو کاتژمێری سەرەتای دەستپێکردنی ڕاپرسییەکەدا، عەبدولناسر هیمەتی بە بەدەستهێنانی ٥٥ تا ٦٠ لە سەدی دەنگەکان لە پلەی یەکەمدا بوو. بەڵام، کتوپڕ ڕووبەڕووی هێرشی سایبەری بووینەوە و بەپێچەوانەی شێوازی ئاسایی چوونەسەرەوەی دەنگەکان، کتوپڕ ژمارەی دەنگەکان گەیشتە ٣ و پاشان ٤ هێندە و دەنگەکانی ڕەئیسی ٦٥٪یان تێپەڕاند و دەنگەکانی هێمەتی کەمبوونەوە بۆ ٢٠٪.
ئەو ماڵپەڕە ڕایگەیاندووە چەند ڕۆژ پێشتریش ڕووبەڕووی هێرشێکی سایبەری هاوشێوە بوونەتەوە.
نزیکەی ١٧٠٠ کەس لەو ڕاپرسییەدا بەشدارییان کردووە و ڕەئیسی نزیکەی ٦٩٪ و هیمەتی نزیکەی ١٧٪ی دەنگەکانیان بەدەست هێناوە.
بەڵام لە ماڵپەڕی ئاژانسی هەواڵی "ئیسنا"دا هیمەتی یەکەم و ڕەئیسی دووەمە.
هەروەها لە ماڵپەڕی "خەبەر ئۆنلاین"دا هیمەتی بە بەدەستهێنانی نزیکەی ٦٤٪ی دەنگەکان یەکەم و ڕەئیسی بە ٢٣٪ دووەم بووە.
لە ماڵپەڕی "ئافتاب نیوز"یشدا هیمەتی بە بەدەستهێنانی ٤٩٪ی دەنگەکان لە پلەی یەکەم و ڕەئیسی بە بەدەستهێنانی ٣٠٪ی دەنگەکان لە پلەی دووەمدا بووە.
سەرەڕای ئەوە، دوایین ڕاپرسی پێش ئەو دیبەیتە کە لە لایەن "ئیسپا" بڵاو کرایەوە نیشانی دەدا دەنگەکانی ڕەئیسی زیاترن. لەو ڕاپرسییەدا کە بە بەشداری زیاتر لە پێنج هەزار کەس ئەنجام درابوو، ٣٤.١٪ گوتبوویان "بێ گومان بەشداری هەڵبژاردنەکان دەکەم". لە ناو ئەو کەسانەدا، ٤٨.٦٪ ئیبراهیم ڕەئیسی، ٣.١٪ موحسێن ڕەزایی، ١.٦٪ سەعید جەلیلی، ١.٣٪ عەبدولناسر هیمەتی، ٠.٨٪ ئەمیر حوسەین قازی زادە هاشمی، ٠.٣٪ عەلیرەزا زاکانی و ٠.١٪ موحسێن مێهر عەلیزادەیان هەڵبژاردبوو و ٤١٪یش هێشتا بڕیاریان نەدابوو کە ئایا بەشداری هەڵبژاردنەکان دەکەن یان نا و ٣.٢٪یش وەڵامی پرسیارەکەیان نەدابووەوە.
جگە لەوە، "تجارت نیوز"یش بە شێوەی ئۆنلاین ڕاپرسییەکی سەبارەت بە براوەی هەڵبژاردنەکان ڕێخستووە کە تا ئێستا ڕەئیسی بە بەدەستهێنانی٦٣٪ی دەنگەکان پێشەنگە و موحسێن ڕەزایی بە بەدەستهێنانی ١٥٪ی دەنگەکان دووەمە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment