حەماس سەگ بۆ هێرشكردنە سەر سوپاى ئيسرائيل بەكاردەهێنێت
نوچەنێت
رۆژى (چوارى شوبات/ 2024) ماڵپەڕى (عەرەبى 21) بڵاوى كردەوە، رۆژنامەى يەديعوت ئەحرەنوتى ئيسرائيلى ئاشكراى كردووە، سوپاى ئيسرائيل فەرمانى دەركردووە، كە بە هەستيارييەوە سەگەكان لە هەندێك شوێن بۆ كارى پشكنين بەجێبهێڵن، چونكە چەكدارانى حەماس لە هەندێك شوێن سەگى گەورەيان بەرەڵا كردووە، ئەوەش بەربەست بۆ سەگە ئيسرائلييەكان درووست دەكات، زۆرجاريش بۆتە هۆى كشوتنى سەگەكان.
رۆژنامەكە ئەوەشى نووسيووە، سوپاى ئيسرائيل دانى بەوەداناوە، كە تا ئێستا (17) سەگى راهێندراويان لە يەكەى عۆكيتس كوژراون.
يەديعوت ئەحرەنوت، جەخت لەسەر ئەوەش دەكاتەوە، قسە لەسەر ئەو دياردەيە هەيە، كە شتێكى نا ئاساييە و بەربەستى بۆ كارى سەگەكانى يەكەى عوكيتس درووستكردووە، كە بۆ پشكنينى پێشەكى رەوانەى شوێنەكانى دەكەن، بۆ دڵنيابوون لە نەبوونى بۆمبى چێندراو و ياخود چەكدارانى حەماس لە بۆسەدابن.دەشڵێت، ئەو دياردەيە لە سەرەتاى جەنگەوە نەبوو، ئەو كاتە تەنيا سەربازانى ئيسرائيلى سەگيان بەكاردەهێنا.
بەگوێرەى رۆژنامەكە سەگەكانى ئەو يەكەيە سەگى لێهاتوون ئاستى راهێنانيان زۆر بەرزە، گوێ بە دەنگى تەقە و هەبوونى گيانلەبەرى ديكەى وەك سەگ و پشيلە نادەن، بەڵام ئەو سەگانەى غەزە هەوڵى هێرشكردنە سەريان دەدەن، ئەوەش دەبێتە درووستكردنى بە بەربەست بۆيان.
سەبارەت بە چارەسەريش، رۆژنامەى يەديعوت ئەحەرنووت نووسيوويەتى، تاوەكوو ئيستا هەواڵگرى ئيسرائيل هيچ ئاماژەيەكى سەبارەت بە بەكارهێنانى چۆنيەتى ئەو سەگانە لە غەزە دژ بە سوپاى وڵاتەكەى نەداوە.
پێشتر سوپاى ئيسرائيل سوودى زۆرى لەو سەگە راهێندراوانەى بۆ دۆزينەوەى كۆگاى چەك و تەقەمەنى و شوێنى چەكدارانى بزووتنەوەى حەماس وەردەگرت، بەڵام لەدواى ئەو هێرشانەى ماوەى رابردوو سوپاى ئيسرائيل بەربەستى زۆرى بۆ درووستبووە.
لە سێ حەفتەى رابردوو لاى كەمى سوپاى ئيسرائيل سێ رووداوى جياوازى تۆماركردووە، كە سەگەكانيان بە پەت و زنجيرى درێژ لەناو هەندێك خانوو و شوێنى سەربازەكانى پێى دەگەن تۆماركردووە.
وەزارەتى جەنگى ئيسرائيل كار لەسەر كڕينى بڕێكى زۆرى سەگى راهێندراو لە وڵاتانى ئەڵمانيا و هۆڵندا دەكات، چاوەڕوان دەكرێت لە ماوەى چەند مانگێك ئەو سەگانە بگەن.
لە مانگى ئۆكتۆبەرى ساڵى رابردوو گرووپێكى چەكدارى بزووتنەوەى حەماس دزەيان كردە ناو ئيسرائيل و ژمارەيەك خەڵك و سەربازييان بە بارمتەگرت، لەدواى ئەوە سوپاى ئيسرائيل هێرشيان كردە سەر كەرتى غەزە تا ئێستا هێرشەكان بەردەوامن، بەگوێرەى دواين ئامار (27) هەزار و (131) كەس كوژراون، هەروەها (66) هەزار و (287) كەسيش برينداربوون.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment