سەرۆک نێچیرڤان بارزانى: ده‌بێ به‌رژه‌وه‌ندیی گه‌لی کوردستان ئامانجی سه‌ره‌کیی هه‌موومان بێت
نوچەنێت:
ئەمڕۆ شەممە (31/کانوونى یەکەم/2022) سەرۆک نێچیرڤان بارزانى، سەرۆکى هەرێمى کوردستان بە بۆنەى هاتنەوەى سەرى ساڵى پەیامێکى بڵاوکردەوە و تێیدا هاتووە، "با له‌گه‌ڵ ده‌ستپێكردنى ساڵى تازه‌دا، یه‌كڕیزى، ته‌بایى، پێكه‌وه‌یى، یه‌كترقبووڵكردن و هاریكاریى هاوبه‌ش، بكه‌ینه لاپه‌ڕه‌یه‌كى نوێى په‌یوه‌ندیى نێوان هێز و لایه‌نه سیاسییه‌كان و هه‌موو پێكهاته‌كانى هه‌رێمى كوردستان."
دەقى پەیامى سه‌رۆك نێچیرڤان بارزانى بە بۆنەى ساڵى تازه‌ى زایینى:
ساڵى تازه‌ى زایینى له خانه‌واده‌ى سه‌ربه‌رزى شه‌هیدان، پێشمه‌رگه قاره‌مانه‌كان و هێزه ئه‌منییه‌کان، له ته‌واوى گه‌لى كوردستان و عێراق و جیهان پیرۆز ده‌كه‌م. ئومێده‌وارم ساڵى به‌دیهاتنى هیواكان و سه‌ركه‌وتن, بڕانه‌وه‌ى شه‌ڕ و ئاڵۆزى و په‌تا و ناوخۆشییه‌كان بێت، ئارامى و ئاسایش و سه‌قامگیرى، باڵ به‌سه‌ر ته‌واوى مرۆڤایه‌تیدا بكێشێت.
ده‌بێ به‌رژه‌وه‌ندیی گه‌لی کوردستان، ئامانجی سه‌ره‌کیی هه‌موومان بێت. با له‌گه‌ڵ ده‌ستپێكردنى ساڵى تازه‌دا، یه‌كڕیزى، ته‌بایى، پێكه‌وه‌یى، یه‌كترقبووڵكردن و هاریكاریى هاوبه‌ش، بكه‌ینه لاپه‌ڕه‌یه‌كى نوێى په‌یوه‌ندیى نێوان هێز و لایه‌نه سیاسییه‌كان و هه‌موو پێكهاته‌كانى هه‌رێمى كوردستان. پێكه‌وه كار بكه‌ین بۆ پاراستن و مسۆگه‌ركردنى مافه ده‌ستوورییه‌كان و فیدراڵى و چاره‌سه‌ركردنى كێشه‌كان له‌گه‌ڵ حكوومه‌تى فیدراڵى عێراق له‌سه‌ر بنه‌ماى ده‌ستوور.
دووپاتى ده‌كه‌ینه‌وه كه هه‌رێمى كوردستان ئه‌رك و به‌رپرسیاریه‌تیى هاوبه‌شى خۆى جێبه‌جێ ده‌كات و وه‌ك هه‌میشه فاكته‌رى ئارامى و سه‌قامگیرى ده‌بێت، بۆ هه‌موو هاوكارییه‌كیش ئاماده‌یه له‌پێناو ڕووبه‌ڕووبوونه‌وه‌ى ته‌حه‌دییه‌كان و چاره‌سه‌ركردنى كێشه‌كانى وڵاتدا، بۆ به‌دیهێنانى ئارامى و سه‌قامگیریى سیاسى و ئه‌منى له عێراق، به شێوه‌یه‌ك ماف و شایسته‌كانى هه‌موو پێكهاته‌كانى وڵات پارێزراو بن.
له‌گه‌ڵ وڵاتانى دراوسێ و ناوچه‌كه و دۆستان و هاوپه‌یمانیى نێوده‌وڵه‌تى، بره‌و به په‌یوه‌ندییه‌كانمان له‌سه‌ر بنه‌ماى ڕێزله‌یه‌كگرتن و به‌رژه‌وه‌ندیی هاوبه‌ش ده‌ده‌ین. له هاریكاریى هاوبه‌ش به‌رده‌وام ده‌بین بۆ ڕووبه‌ڕووبوونه‌وه‌ى مه‌ترسییه‌كانى تیرۆر و نه‌هێشتنى تیرۆرستان. پێكه‌وه كار ده‌كه‌ین بۆ چه‌سپاندنى ئاشتى و ئارامى و سه‌قامگیرى.
كار ده‌كه‌ین بۆ باشترکردنی ژیان و گوزه‌رانی هاووڵاتیان، بۆ قووڵكردنه‌وه‌ى زیاترى فره‌یى، پێكه‌وه‌ژیان، لێبورده‌یى، پاراستنى دیموكراسى، مافه‌کانی مرۆڤ، یه‌کسانی و ئازادییه‌كان. به ئومێد و گه‌شبینییه‌وه له ساڵى نوێ و داهاتوو ده‌ڕوانین. هیواى ته‌ندروستییه‌كى باش، سه‌ركه‌وتن، شادى و كامه‌رانى بۆ هه‌مووان ده‌خوازم.
نێچیرڤان بارزانى
سه‌رۆكى هه‌رێمى كوردستان
2022/12/31
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment