سەرۆک نێچیرڤان بارزانى: شۆڕشى ئه‌یلوول گێڕانه‌وه‌ى ناسنامه‌ى نه‌ته‌وه‌یى و نیشتمانیى گه‌لى كوردستان بوو
.jpg)
نوچەنێت:
ئەمڕۆ یەکشەممە (11/ئەیلوول/2022) سەرۆک نێچیرڤان بارزانى، سەرۆکى هەرێمى کوردستان لە پەیامێکدا له بارەى شۆڕشى ئەیلوول دەڵێت، "نموونەیەکی جوانتری شۆرش ئەوەبوو كه لە سەرکەوتندا له‌خۆبایى نەبوو، بەڵکو سەرکەوتنی کرده دەرفەتێكى زیاترى لێبوردەیی و خەباتی هاوبەش و یەکخستنەوەی زیاتری ناوماڵی کوردستانییان."
دەقى پەیامى سەرۆک سه‌رۆك نێچیرڤان بارزانى بۆ یادى شۆڕشى ئه‌یلوول:
ئه‌مڕۆ به ڕێز و شكۆوه یادى شه‌ست و یه‌ك ساڵه‌ى هه‌ڵگیرسانى شۆڕشى مه‌زنى ئه‌یلوول و ڕێبه‌رى شۆڕش بارزانیى نه‌مر و هاوه‌ڵانى و هه‌موو ئه‌و قاره‌مانانه ده‌كه‌ینه‌وه كه له‌پێناو ئازادیى گه‌ل و وڵاته‌كه‌یاندا گیانیان به‌خشى. سڵاو بۆ خانه‌واده‌ى سه‌ربه‌ر‌زى شه‌هیدان و هه‌موو ئه‌و پێشمه‌رگه و خه‌باتگێڕانه ده‌نێرین كه له ڕۆژانى سه‌خت و دژوارى شۆڕشدا دڵسۆزانه و خۆنه‌ویستانه ڕه‌نجیان كێشا و خزمه‌تیان كرد.
شۆڕشى ئه‌یلوول، گێڕانه‌وه‌ى ناسنامه‌ى نه‌ته‌وه‌یى و نیشتمانیى گه‌لى كوردستان بوو. شۆڕشى هه‌موو چین و توێژ و پێكهاته‌كان بوو كه له‌ژێر ڕابه‌رایه‌تى و سه‌ركردایه‌تییه‌كى یه‌كگرتوودا هه‌مووانى كۆكرده‌وه. له یه‌كێك له سه‌ختترین قۆناغه‌كانى مێژووى گه‌لى كوردستان و ناوچه‌كه‌دا، به ئیراده و بڕوایه‌كى پۆڵایینه‌وه ڕووبه‌ڕووى دوژمن بووه‌وه. ده‌وڵه‌تى عێراقى ناچار كرد دان به مافه‌كانى گه‌لى كوردستاندا بنێت و ببێته بنا‌غه‌یه‌ك بۆ هه‌موو ده‌ستكه‌وته‌كانى دواترى. نموونەیەکی جوانتری شۆرش ئەوەبوو كه لە سەرکەوتندا له‌خۆبایى نەبوو، بەڵکو سەرکەوتنی کرده دەرفەتێكى زیاترى لێبوردەیی و خەباتی هاوبەش و یەکخستنەوەی زیاتری ناوماڵی کوردستانییان.
شۆڕشى ئه‌یلوول بۆ دۆست و نه‌یاران و بۆ هه‌موو جیهانى سه‌لماند كه هیچ هێز و توانایه‌كى سه‌ربازى ناتوانێت ئیراده‌ى گه‌لى كوردستان بۆ ژیان و ئازادى بشكێنێت. نهێنى و هێزى سه‌ركه‌وتنى شۆڕش، ته‌بایى و یه‌كڕیزیى هه‌موو پێكهاته‌كانى گه‌لى كوردستان بوو، بۆیه له‌م یاده‌دا جه‌خت له یه‌كڕیزى و ته‌بایى و كارى پێكه‌وه‌یى له‌نێوان هه‌موو پێكهاته و هێزه سیاسییه‌كانى كوردستاندا ده‌كه‌ینه‌وه. ئه‌وه تاقه ڕێگه‌ى پاراستنى ماف و ده‌ستكه‌وته ده‌ستوورییه‌كانى هه‌رێمى كوردستان و چه‌سپاندنى سیستمى فیدراڵى و داهاتوویه‌كى باشتره.
شكۆدار بێت یادى شۆڕشى مه‌زنى ئه‌یلوول و دروود و سڵاو بۆ گیانى پاكى شه‌هیدان.
نێچیرڤان بارزانى
سه‌رۆكى هه‌رێمى كوردستان
2022/9/11
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment