سه‌رۆك نێچیرڤان بارزانى: دۆخى عێراق ئه‌وپه‌ڕى دانایى ده‌وێت
نوچه‌نێت
ئه‌مڕۆ دووشه‌ممه 29/ئاب/2022 نێچیرڤان بارزانى سه‌رۆكى هه‌رێمى كوردستان په‌یامێكى له‌سه‌ر بارودۆخى عێراق بڵاوكرده‌وه و تێیدا هاتووه، "له نزیكه‌وه و به نیگه‌رانییه‌كى قووڵه‌وه له پێشهاته سیاسى و ئه‌منییه‌كانى ئه‌مڕۆى به‌غدا و چه‌ند شوێنێکی دیکه‌ی وڵات ده‌ڕوانین. داوا له هه‌موو لایه‌ك ده‌كه‌ین ئه‌وپه‌ڕى دان به خۆیاندا بگرن و ڕێگه نه‌ده‌ن دۆخه‌كه له‌وه زیاتر له كۆنترۆڵ ده‌ربچێت".
له به‌شێكى ترى په‌یامه‌كه‌دا سه‌رۆكى هه‌رێمى كوردستان، دووپاتى ده‌كاته‌وه كه بارودۆخی عێراق به شێوه‌یه‌كه پێویستى به دانایى و لۆژیك هه‌یه، سه‌رۆك نێچیرڤان بارزانى ده‌ڵێ، "دۆخى وڵات ئه‌وپه‌ڕى دانایى و گه‌ڕانه‌وه بۆ لۆژێك و ده‌سپێكردنى گفتوگۆیه‌كى نیشتمانى و به‌رپرسانه و هاریكاریى هه‌مووانى ده‌وێت بۆ ئه‌وه‌ى عێراق له‌و دۆخه سه‌خته ڕزگارى ببێت و كار له كار نه‌ترازێت.
له‌كۆتایى په‌یامه‌كه‌یشى دووپاتى ده‌كاته‌وه، كه هه‌رێمى كوردستان ئاماده‌یه پێشوازى له گفتوگۆى لایه‌نه سیاسییه‌كانى عێراق بكات و ده‌ڵێ، "دووپاتى ده‌كه‌ینه‌وه كه هه‌رێمى كوردستان وه‌ك هه‌میشه هاریكار ده‌بێت بۆ چاره‌سه‌رى و لێكگه‌یشتنى لایه‌نه عێراقییه‌كان، بۆیه دووباره هه‌موو هێز و لایه‌نه په‌یوه‌نداره عێراقییه‌كان بانگهێشت ده‌كه‌ین بۆ ئه‌وه‌ى بێن له هه‌ولێر كۆببنه‌وه و ده‌ست به گفتوگۆیه‌كى جددى بۆ تێپه‌ڕاندنى ئه‌م دۆخه ئاڵۆزه‌ى وڵات بكه‌ن".
ده‌قى راگه‌یێندراوه‌كه‌ى سه‌رۆكى هه‌رێمى كوردستان
له نزیكه‌وه و به نیگه‌رانییه‌كى قووڵه‌وه له پێشهاته سیاسى و ئه‌منییه‌كانى ئه‌مڕۆى به‌غدا و چه‌ند شوێنێکی دیکه‌ی وڵات ده‌ڕوانین. داوا له هه‌موو لایه‌ك ده‌كه‌ین ئه‌وپه‌ڕى دان به خۆیاندا بگرن و ڕێگه نه‌ده‌ن دۆخه‌كه له‌وه زیاتر له كۆنترۆڵ ده‌ربچێت.
خۆپیشاندانى ئاشتیانه مافێكى ده‌ستووریى پارێزراوه، به‌ڵام ئاڵۆزى و ڕاگرتنى دامه‌زراوه‌كانى ده‌وڵه‌ت هیچ كێشه‌یه‌ك چاره‌سه‌ر ناكات و دۆخه‌كه ئاڵۆزتر ده‌كات، بۆیه ده‌بێ شكۆى دامه‌زراوه‌كانى ده‌وڵه‌ت پارێزراو بێت و ڕێگرى له ئه‌رك و كاره‌كانیان نه‌كرێت.
هه‌روه‌ها له‌سه‌ر هێزه ئه‌منییه‌كان پێویسته به‌وپه‌ڕى ئاگایى و وشیارییه‌وه مامه‌ڵه له‌گه‌ڵ دۆخه‌كه‌دا بكه‌ن و ڕێگه نه‌درێت خۆپیشاندان و ڕووداوه‌كان ببنه هۆى تێكچوونى زیاترى دۆخى ئه‌منى و كه‌وتنه‌وه‌ى قوربانى له‌نێوان عێراقییه‌كاندا.
دۆخى وڵات ئه‌وپه‌ڕى دانایى و گه‌ڕانه‌وه بۆ لۆژێك و ده‌سپێكردنى گفتوگۆیه‌كى نیشتمانى و به‌رپرسانه و هاریكاریى هه‌مووانى ده‌وێت بۆ ئه‌وه‌ى عێراق له‌و دۆخه سه‌خته ڕزگارى ببێت و كار له كار نه‌ترازێت.
دووپاتى ده‌كه‌ینه‌وه كه هه‌رێمى كوردستان وه‌ك هه‌میشه هاریكار ده‌بێت بۆ چاره‌سه‌رى و لێكگه‌یشتنى لایه‌نه عێراقییه‌كان، بۆیه دووباره هه‌موو هێز و لایه‌نه په‌یوه‌نداره عێراقییه‌كان بانگهێشت ده‌كه‌ین بۆ ئه‌وه‌ى بێن له هه‌ولێر كۆببنه‌وه و ده‌ست به گفتوگۆیه‌كى جددى بۆ تێپه‌ڕاندنى ئه‌م دۆخه ئاڵۆزه‌ى وڵات بكه‌ن.
نێچیرڤان بارزانى
سه‌رۆكى هه‌رێمى كوردستان
2022/8/29
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment