سەرۆک نێچیرڤان بارزانى: ئه‌نفالى بارزانییه‌كان هێزێكى گه‌وره‌ترى به‌خشیه به‌رخودانى گه‌لى كوردستان
.jpg)
نوچەنێت:
ئەمڕۆ یەکشەممە (31/تەممووز/2022) سەرۆک نێچیرڤان بارزانى، سەرۆکى هەرێمى کوردستان لە پەیامێکدا ڕاگەیاند، "ئه‌مڕۆ له‌م یاده‌دا كه ڕوفاتى سه‌د ئه‌نفالكراوى بارزانى به خاكى پیرۆزى نیشتمان ده‌سپێرین، دڵ و هۆش و خه‌یاڵم لاى دایك و هاوسه‌ر و خوشكانى جگه‌رسووتاوى ئه‌نفالكراوان و منداڵ و كه‌سوكاریانه، هاوسۆز و هاوخه‌میانم."
دەقى په‌یامەکەى سه‌رۆك نێچیرڤان بارزانى، سەرۆکى هەرێمى کوردستان له یادى ئه‌نفالى بارزانییاندا:
ئه‌مڕۆ له سى و نۆ ساڵه‌ى یادى جینۆساید و ئه‌نفالكردنى هه‌شت هه‌زار مێردمنداڵ و گه‌نج و پیاوى سڤیلى بارزانیدا، سه‌رى ڕێز و نه‌وازش له‌به‌رده‌م گیانى پاكى ئه‌نفالكراواندا داده‌نوێنین، به‌وپه‌ڕى شكۆوه یادیان ده‌كه‌ینه‌وه.
سڵاو و ڕێز بۆ خێزان و كه‌سوكاریان ده‌نێرین كه دواى ئه‌و تاوان و مه‌رگه‌ساته، به‌رگه‌ى ژیانێكى زۆر سه‌خت و تاڵیان گرت و هه‌زاران دایكى سه‌ربه‌رز، به ته‌نیا و بێچاره ئه‌ركى بژێو و په‌‌روه‌رده‌كردنى منداڵانیان كه‌وته ئه‌ستۆ و نه‌وه‌یه‌كى دڵسۆزیان پێگه‌یاند. ئه‌و دایكانه مایه‌ى شانازین و ده‌ستیان ماچ ده‌كه‌م.
وه‌ك چۆن هه‌موو ئه‌و تاوان و مه‌رگه‌ساتانه‌ى مێژوو نه‌یانتوانى ئیراده‌ى گه‌لى كوردستان بۆ ژیان و مانه‌وه بشكێنن، بێسه‌روشوێنكردن و ئه‌نفالى بارزانییه‌كانیش هێزێكى گه‌وره‌ترى به‌خشیه به‌رخودانى گه‌لى كوردستان و تێكۆشانى له‌پێناو ئازادیدا و تاوانبارانى ئه‌نفال نابوود بوون.
ئه‌مڕۆ له‌م یاده‌دا كه ڕوفاتى سه‌د ئه‌نفالكراوى بارزانى به خاكى پیرۆزى نیشتمان ده‌سپێرین، دڵ و هۆش و خه‌یاڵم لاى دایك و هاوسه‌ر و خوشكانى جگه‌رسووتاوى ئه‌نفالكراوان و منداڵ و كه‌سوكاریانه، هاوسۆز و هاوخه‌میانم. سوپاس و پێزانین بۆ خه‌ڵكى جوامێر‌ى هه‌ولێر و هه‌موو ئه‌وانه‌ى یارمه‌تیى كه‌سوكارى ئه‌نفالكراوانیان دا.
سڵاو و دروود بۆ گیانى پاكى شه‌هیدان، یادیان هه‌میشه به خێر.
نێچیرڤان بارزانى
سه‌رۆكى هه‌رێمى كوردستان
2022/7/31
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment