سەرۆک نێچیرڤان بارزانى: حكوومه‌تى عیراق له‌به‌رده‌م ئه‌ركێكى یاسایى و ئه‌خلاقی دایە بۆ قه‌ره‌بۆکردنەوەى كه‌سوكارى ئه‌نفالكراوان
.jpg)
نوچەنێت:
ئەمڕۆ پێنجشەممە (14/نیسان/2022) سەرۆک نێچیرڤان بارزانى، سەرۆکى هەرێم کوردستان لە پەیامێکدا بە بۆنەى ڕۆژى شاڵاوى ئەنفال دەڵێت، "باشترین یاد و به‌رزڕاگرتنى یادى شه‌هیدانى ئه‌نفال و ته‌واوى شه‌هیدانى كوردستان، ته‌بایى و پێكه‌وه‌یى و یه‌كڕیزیى هێز و لایه‌نه كوردستانییه‌كان و پێكهاته‌كانیه‌تى له‌پێناو مسۆگه‌ركردن و پاراستنى مافه ده‌ستوورییه‌كان و قه‌واره‌ى سیاسى و فیدرالى و داهاتووى هه‌رێمى كوردستاندا."
دەقى په‌یامى سه‌رۆكى هه‌رێمى كوردستان له یادى شاڵاوه‌كانى ئه‌نفالدا:
ئه‌مڕۆ 14ى نیسان به‌وپه‌ڕى ڕێز و شكۆوه یادى (182) هه‌زار هاووڵاتیى بێتاوانى كوردستان ده‌كه‌ینه‌وه و سه‌رى ڕێز و نه‌وازش له‌به‌رده‌م گیانى پاكى شه‌هیداندا داده‌نوێنین كه ساڵى 1988 له یه‌كێك له دڕندانه‌ترین تاوانه‌كانى مێژوودا، ده‌سه‌ڵاتى ئه‌وساى عیراق جینۆسایدى كردن و گیانیان سپارد.
ئه‌نفال كه به هه‌شت قۆناخ ژماره‌یه‌كى زۆرى ناوچه‌كانى هه‌رێمى كوردستانى گرته‌وه، تا هه‌تایه په‌ڵه‌یه‌كى ڕه‌شه به نێوچه‌وانى مێژوو و ئه‌نجامده‌رانییه‌وه و به‌رپرسیاریه‌تیى ته‌واوى مرۆڤایه‌تییه كه هه‌رگیز ڕێگه نه‌دات ئه‌م تاوانانه له هیچ شوێنێكى سه‌رزه‌مین دووباره ببنه‌وه و به هه‌موو شێوه‌یه‌ك ڕێى لێ بگیرێت.
له كاتێكدا هه‌رێمى كوردستان به دۆخێكى هه‌ستیاردا تێده‌په‌ڕێت، باشترین یاد و به‌رزڕاگرتنى یادى شه‌هیدانى ئه‌نفال و ته‌واوى شه‌هیدانى كوردستان، ته‌بایى و پێكه‌وه‌یى و یه‌كڕیزیى هێز و لایه‌نه كوردستانییه‌كان و پێكهاته‌كانیه‌تى له‌پێناو مسۆگه‌ركردن و پاراستنى مافه ده‌ستوورییه‌كان و قه‌واره‌ى سیاسى و فیدرالى و داهاتووى هه‌رێمى كوردستاندا.
له كاتێكدا دادگای باڵای تاوانه‌كانی عیراق ئه‌نفالى به جینۆساید و تاوانى دژى مرۆڤایه‌تى و تاوانى جه‌نگ ناساندووه، له‌م یاده‌دا داواكارین و دووپاتى ده‌كه‌ینه‌وه كه حكوومه‌تى فیدرالیى عیراق له‌به‌رده‌م ئه‌ركێكى یاسایى و ئه‌خلاقى و مرۆییدایه بۆ ئه‌وه‌ى قه‌ره‌بۆى لێقه‌وماوان و كه‌سوكارى ئه‌نفالكراوان بكاته‌وه تا هه‌ندێك له برینه‌كانیان ساڕێژ ببن.
له هه‌رێمى كوردستانیش هه‌رچى له توانادایه ده‌بێ خزمه‌تى باشترى خانه‌واده و كه‌سوكارى ئه‌نفالكراوان بكرێت و هه‌وڵه‌كان بۆ ئاوه‌دانكردنه‌وه‌ى ناوچه ئه‌نفالكراوه‌كان و گێڕانه‌وه‌ى ڕوفاتى شه‌هیدان به‌رده‌وام بن. هه‌روه‌ها له‌سه‌ر ئاستى نێوده‌وڵه‌تیش له هه‌وڵه‌كانمان به‌رده‌وام ده‌بین بۆ ناساندنى ئه‌نفال وه‌ك جینۆساید.
سڵاو و دروود له گیانى پاكى شه‌هیدان و یادیان به خێر.
نێچیرڤان بارزانى
سه‌رۆكى هه‌رێمى كوردستان
14/4/2022
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment