سەرۆک نێچیرڤان بارزانى: باشترین یاد و وه‌فادارى بۆ شه‌هیدانى هه‌ڵه‌بجه یەکڕێزیی لایەنەکانە
.jpg)
نوچەنێت:
ئەمڕۆ چوارشەممە (16/ئادار/2022)، سەرۆک نێچیرڤان بارزانى، سەرۆکى هەرێمى کوردستان لە (34)مین ساڵیادى کیمیابارانکردنى هەڵەبجەدا پەیامێکى بڵاوکردەوە و تێیدا دەڵێت، "ده‌بێ له‌م هه‌موو ڕوویه‌كه‌وه زیاتر خزمه‌تى هه‌ڵه‌بجه بكرێت و له‌م یاده‌دا داوا ده‌كه‌ین ده‌وڵه‌تى عیراق وه‌ك ئه‌رك و پابه‌ندیى یاساییى خۆى، خێزان و كه‌سوكارى شه‌هیدان، ئه‌و قوربانییانه‌ى هێشتا له ژیاندان و ژینگه‌ى هه‌ڵه‌بجه قه‌ره‌بۆ بكاته‌وه و چیتر پشتگوێ نه‌خرێن."
دەقى پەیامى سەرۆک نێچیرڤان بارزانى له یادى كیمیابارانكردنى هه‌ڵه‌بجه‌ى شه‌هید دا:
ئه‌مڕۆ شازده‌ى ئازار، به‌وپه‌ڕى شكۆوه یادى زیاتر له پێنج هه‌زار شه‌هیدى هه‌ڵه‌بجه ده‌كه‌ینه‌وه و سه‌رى ڕێز و نه‌وازش له‌به‌رده‌م گیانى پاكیاندا داده‌نوێنین. ئه‌وان به‌رله 34 ساڵ له یه‌كێك له سامناكترین تاوانه‌كانى مێژوودا، بوونه قوربانیى ده‌ستى ڕژێمى ئه‌وساى عیراق كه به چه‌كى قه‌ده‌غه‌كراوى كیمیایى، دڕندانه كۆمه‌ڵكوژ كران، هه‌زارانى دیكه‌ش بریندار و ده‌ربه‌ده‌ر بوون كه هه‌ر یه‌كێكیان چیرۆك و به‌سه‌رهاتێكى دڵته‌زێنى هه‌یه.
كاره‌ساتى كیمیابارانكردنى هه‌ڵه‌بجه، تاهه‌تایه سیمبولى سته‌ملێكراویى میلله‌تێكى قوربانییه، كه ته‌نیا تاوانى ئه‌وه‌یه له‌سه‌ر خاكى ڕه‌سه‌نى خۆى و له‌ژێر ئاسمانى خۆیدا، داواى ژیان و ئازادى و دادپه‌روه‌رى ده‌كات. میلله‌تێك كه ڕۆڵێكى گه‌وره‌ى له مێژوو و شارستانیى ناوچه‌كه‌دا گێڕاوه و هه‌میشه ده‌ستى دۆستایه‌تى و مرۆڤپه‌روه‌رى و ئاشتى و پێكه‌وه‌ژیان و لێبورده‌یى بۆ هه‌مووان درێژ كردووه.
كیمیابارانكردنى هه‌ڵه‌بجه، هه‌وڵێكى دیكه‌ى بێهووده و بێئه‌نجامى تاوانكارانى مێژوو بوو، تا ئیراده‌ى پۆڵایینى گه‌لى كوردستان بۆ ئازادى و سه‌رفرازى تێكبشكێنن، به‌ڵام وه‌ك هه‌میشه به خۆڕاگرى مایه‌وه و ئیراده‌ى ژیان و هه‌ستانه‌وه و به‌رده‌وامیى گه‌لى كوردستان، شكستى به خه‌یاڵى ئه‌وان هێنا و بۆ ژیان و ئازادى و سه‌رفرازى تێهه‌ڵچووه‌وه.
ده‌بێ له‌م هه‌موو ڕوویه‌كه‌وه زیاتر خزمه‌تى هه‌ڵه‌بجه بكرێت و له‌م یاده‌دا داوا ده‌كه‌ین ده‌وڵه‌تى عیراق وه‌ك ئه‌رك و پابه‌ندیى یاساییى خۆى، خێزان و كه‌سوكارى شه‌هیدان، ئه‌و قوربانییانه‌ى هێشتا له ژیاندان و ژینگه‌ى هه‌ڵه‌بجه قه‌ره‌بۆ بكاته‌وه و چیتر پشتگوێ نه‌خرێن، هه‌موو هه‌نگاوه‌كانى به‌پارێزگابوونى ته‌واو بكات، تا به‌و شێوه‌یه كه‌مێكیش بێت له خه‌میان كه‌م بكاته‌وه.
هه‌روه‌ها داوا ده‌كه‌ین كۆمه‌ڵگه‌ى نێوده‌وڵه‌تى و جیهانى پێشكه‌وتوو، له هه‌وڵى به‌رده‌وامدا بن بۆ ئه‌وه‌ى ڕێگه نه‌درێت كاره‌ساتى هه‌ڵه‌بجه له هیچ شوێنێكى دیكه‌ى سه‌رزه‌مین دووباره ببێته‌وه و چه‌كى كۆمه‌ڵكوژ و به‌رهه‌مهێنانى، یه‌كجارى و به ته‌واوى قه‌ده‌غه بكرێت و به هه‌موو شێوه‌یه‌ك ڕێگه له به‌كارهێنانى بگیرێت.
دووپاتى ده‌كه‌ینه‌وه: باشترین یاد و وه‌فادارى و ڕێز بۆ گیانى شه‌هیدانى هه‌ڵه‌بجه و ته‌واوى كوردستان، ئه‌وه‌یه هه‌موو هێز و لایه‌ن و پێكهاته‌كانى كوردستان یه‌كڕیز و ته‌با بن و پێكه‌وه كار بكه‌ن تا ته‌واوى مافه ده‌ستوورییه‌كانى گه‌لى كوردستان به‌ده‌ست بهێنین و فیدرالى و قه‌واره‌ى ده‌ستووریى هه‌رێمى كوردستان بپارێزین، هه‌موو لایه‌كیش وانه له په‌نده‌كانى مێژوو ببینین و بۆ ئێستا و داهاتوویه‌كى باشتر، بیانكه‌ینه ڕێنیشانده‌ر.
سڵاو و دروود بۆ گیانى شه‌هیدان.
نێچیرڤان بارزانى
سه‌رۆكى هه‌رێمى كوردستان
16ى ئازارى 2022
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment