سەرۆک نێچیرڤان بارزانى: بە خێرایى پێداویستییەکانى هێزەکانى پێشمەرگە دابین بکرێ
.jpg)
نوچەنێت:
ئێوارەى ئەمڕۆ دووشەممە شەشى کانوونى یەکەمى (2021)، سەرۆک نێچیرڤان بارزانى، سەرۆکى هەرێمى کوردستان و فه‌رمانده‌ى گشتیى هێزى پێشمه‌رگه له سه‌رۆكایه‌تیى هه‌رێمى كوردستان لەگەڵ فەرماندە سەربازییەکان کۆبووەوە، کە تێدا هەر یەک لە جێگرانى سه‌رۆك، وه‌زیرانى پێشمه‌رگه و ناوخۆ، فه‌رمانده‌ى یه‌كه‌كانى حه‌فتا و هه‌شتا و فه‌رمانده باڵاكانى پێشمه‌رگه به‌شدار بوون.
سەرۆکایەتیى هەرێمى کوردستان لە ڕاگەیێندراوێکدا دەڵێت، "له سه‌ره‌تاى كۆبوونه‌وه‌كه‌دا سه‌رۆكى هه‌رێمى كوردستان پرسه و سه‌ره‌خۆشى ئاراسته‌ى خانه‌واده و كه‌سوكارى سه‌ربه‌رزى شه‌هیدان كرد و هاوخه‌مى له‌گه‌ڵیاندا ده‌ربڕى، هه‌روه‌ها هیواى زووچاكبوونه‌وه‌ى بۆ برینداران خواست."
هەروەها لە کۆبوونەوەکەدا جەخت لەسەر ئەوە کرایەوە، کە" تیرۆرستان سوود له‌و بۆشایى و كه‌لێنه وه‌رده‌گرن كه له ناوچه‌كانى نێوان پێشمه‌رگه و هێزه‌كانى سوپاى عیراقدا هه‌یه و تیرۆستان بۆ هێرش و په‌لاماردان ده‌یقۆزنه‌وه و لێیانه‌وه دزه ده‌كه‌ن تا له‌و سنووره په‌لامارى پێشمه‌رگه و خه‌ڵكى سڤیلى ناوچه‌كه بده‌ن."
لە بەشێکى ڕاگەیێندراوەکەى سەرۆکایەتیى هەرێمدا هاتووە، "سه‌رۆك نێچیرڤان بارزانى فه‌رمانى دا كه بۆ دۆخى هه‌نووكه‌یى، به هه‌ماهه‌نگى له‌گه‌ڵ حكوومه‌تى هه‌رێمى كوردستان و لایه‌نه په‌یوه‌نداره‌كان به‌په‌له پێداویستییه خێراكان، بۆ داهاتووش پێداویستییه‌كانى دیكه‌ى پێشمه‌رگه دابین بكرێن و فه‌رمانده و لایه‌نه په‌یوه‌نداره‌كانى ڕاسپارد به خێرایى دۆخى به‌ره‌كان و خاڵه‌كانى ڕووبه‌ڕووبوونه‌وه له‌گه‌ڵ تیرۆرستان ڕێكبخرێنه‌وه و كه‌موكوڕى و كه‌لێنه‌كان پڕ بكرێنه‌وه، له سه‌رتاسه‌رى میحوه‌ره‌كانیش ئه‌وپه‌ڕى هاریكارى و هه‌ماهه‌نگى له‌نێوان پێشمه‌رگه‌دا هه‌بێت."
فه‌رمانده‌ى گشتیى هێزى پێشمه‌رگه، لە کۆبوونەوەکەدا، "ئه‌وپه‌ڕى سوپاس و پێزانین و ده‌ستخۆشى پێشكه‌ش به پێشمه‌رگه قاره‌مانه‌كانى كوردستان كرد كه به خوێن و گیان به‌رگرى له هه‌رێمى كوردستان و ده‌سكه‌وته‌كانى ده‌كه‌ن و قاره‌مانانه ڕووبه‌ڕووى دژومێنكى دڕنده ده‌بنه‌وه."
سەرۆکى هەرێمى کوردستان، جه‌ختیشى له‌وه كرده‌وه كه به "خۆڕاگرى و به‌ره‌نگاربوونه‌وه‌ى پێشمه‌رگه، دوژمن ده‌به‌زێت و له‌ناوده‌چێت."
سەرۆک نێچیرڤان بارزانى، "خه‌ڵكى كوردستانى دڵنیا كرده‌وه كه پێشمه‌رگه به هه‌موو توانایه‌ك به‌رگرییان لێده‌كات و سه‌رۆكایه‌تى و حكوومه‌ت و هه‌موو لایه‌نه په‌یوه‌نداره‌كانى هه‌رێمى كوردستانیش، هه‌موو هاوكارى و پشتگیرییه‌كى پێویست بۆ سه‌ركه‌وتنى پێشمه‌رگه دابین ده‌كه‌ن."
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment