لایه‌نه‌ ناڕازییه‌كان دووپات له‌سه‌ر به‌رده‌وامبوونى خۆپیشاندانه‌كان ده‌كه‌نه‌وه‌ عێراق ناوچەکە و جیهان

نوچه‌نێت

وێراى ئه‌و هه‌وڵه‌ى شه‌وى رابردوو بۆ تیرۆركردنى مسته‌فا كازمى دراوه‌، لایه‌نه‌ ناڕازییه‌كان دووپات له‌سه‌ر به‌رده‌وامبوونى خۆپیشاندانه‌كان له‌ دژى ئه‌نجامى هه‌ڵبژاردنى پێشوه‌خته‌ى عێراق ده‌كه‌نه‌وه‌ و هادى عامریش "لایه‌نى سێیه‌م" تۆمه‌تبار ده‌كات.

عامرى: لایه‌نى سێیه‌م له‌ پشت ئه‌و رووداوه‌ ده‌وه‌ستێ

ئه‌مڕۆ یه‌كشه‌ممه‌ حه‌وتى تشرینى دووه‌م "نۆڤێمبه‌ر" سه‌عد سه‌عدى سه‌ركرده‌ له‌ میلیشیاى عه‌سائیبى ئه‌هلى حه‌ق له‌ لێدوانێكى بۆ شه‌فه‌ق نیوز دووپاتى ده‌كاته‌وه‌، ئه‌وان وه‌ك لایه‌نى ناڕازى له‌ ئه‌نجامى هه‌ڵبژاردنى پێشوه‌خته‌ى په‌رله‌مانى عێراق، گوێ به‌ رووداوه‌كانى شه‌وى رابردوو ناده‌ن و له‌سه‌ر خۆپیشاندانه‌كانیان به‌رده‌وام ده‌بن.

هاوكات هادى عامرى سه‌رۆكى هاوپه‌یمانى فه‌تح و میلیشیاى به‌در هه‌ڵوێستى خۆى له‌سه‌ر هه‌وڵى تیرۆركردنى كازمى راگه‌یاندووه‌ و ده‌ڵێ، "لایه‌نى سێیه‌م له‌ پشت ئه‌و رووداوه‌ ده‌وه‌ستێ له‌ پێناو تێكه‌ڵكردنى دۆسیه‌كان و هه‌ڵگیرسانى ئاژاوه‌".

به‌ره‌به‌یانى ئه‌مڕۆ هێرش كرایه‌ سه‌ر ماڵى مسته‌فا كازمى سه‌رۆك وه‌زیرانى عێراق، به‌ڵام جگه‌ له‌ زیانى ماددى هیچ زیانێكى گیانى نه‌بوو.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین