"دادگاى خودا چاوه‌ڕوانى كۆڵن پاول ده‌كات"
نوچه‌نێت
دوێنێ كۆڵن پاول وه‌زیرى پێشووترى ده‌ره‌وه‌ى ئه‌مریكا به نه‌خۆشى كۆرۆنا، له ته‌مه‌نى 84 ساڵى مرد. ئه‌و پیاوه له شه‌ڕى دووه‌مى كه‌نداو له ساڵى 1991 سه‌رۆكى ده‌سته‌ى سوپاسالاریى هاوبه‌شى هێزه‌كانى ئه‌مریكا بوو، سه‌رپه‌رشتى ده‌ركردنى هێزه‌كانى عێراقى له كوێت ده‌كرد. دواتر له جه‌نگى 2003 ئه‌و كات وه‌زیرى ده‌ره‌وه‌ى ئه‌مریكا بوو، له وته‌یه‌كدا له‌به‌رده‌م ئه‌نجومه‌نى ئاسایشى نێوده‌وڵه‌تى رژێمى ئه‌و كاتى عێراقى وه‌ك هه‌ڕه‌شه‌یه‌ك بۆ سه‌ر ئاسایشى نێوده‌وڵه‌تى وه‌سف كرد، گوایه چه‌كى كۆمه‌ڵكوژى هه‌یه.
پۆلیتیكۆ: ئه‌و چه‌كانه‌ى پاول عێراقى به هه‌بوونيان تۆمه‌تبار ده‌كرد ئێستایش نه‌دۆزرانه‌وه
به‌هۆى ئه‌م دوو رووداوه‌وه كه ئاراسته‌ى مێژووى عێراقیان به ته‌واوى گۆڕى، عێراقییه‌كان كۆڵن پاول ده‌ناسن و یادگاری تاڵیان له‌گه‌ڵى هه‌یه. ئه‌مڕۆ سێشه‌ممه 19ى تشرینى یه‌كه‌م "ئۆكتۆبه‌ر" ماڵپه‌ڕى شه‌فه‌ق نیوز به‌شێكى له راپۆرتێك بڵاوكردووه‌ته‌وه، كه له‌لایه‌ن گۆڤارى پۆلیتیكۆى ئه‌مریكى له‌سه‌ر كاره‌كته‌رى كۆڵن پاول له لاى عێراقییه‌كان كراوه.
به‌گوێره‌ى راپۆرته‌كه بێت، رقى عێراقییه‌كان له‌و گوته‌یه‌یه كه كۆڵن پاول له به‌رده‌م ئه‌نجومه‌نى ئاسایشى نێوده‌وڵه‌تى له‌سه‌ر مه‌ترسییه‌كانى سه‌دام پێشكه‌شى كرد. كاتێك بۆڕیه‌كى له‌به‌رده‌م خۆى دانابوو گوایه نموونه‌یه‌ك له چه‌كه كوشنده‌كانى سه‌دام و سه‌دام چه‌ندان چه‌كى بایۆلۆژى هه‌یه. پۆلیتیكۆ ده‌ڵێ، "ئێستایشى له‌گه‌ڵدا بێت ئه‌م چه‌كانه نه‌دۆزرانه‌وه".
ئه‌و گوته‌یه‌ى پاول له ئه‌نجومه‌نى ئاسایشى نێوده‌وڵه‌تى، به بڕواى راپۆرته‌كه هۆكارى شكستى سیاسى ئه‌و پیاوه بوو. گۆڤاره ئه‌مریكییه‌كه باس له‌وه ده‌كات چه‌ندان جار خودى پاول هه‌ڵسه‌نگاندنى جیاوازى بۆ ئه‌م رووداوه هه‌بووه، له‌وانه له 2011 پێیوابوو، "ئه‌مه خاڵى شه‌رمه‌زارییه له تۆمارى ئه‌و" دواتریش له ساڵى 2012 ده‌ڵێ، "ئه‌مریكا سه‌ركه‌وتنى به‌ده‌ستهێناوه، چونكه دیكتاتۆرى تۆقێنه‌ره‌كه‌ى عێراق نه‌ما".
كۆڵن پاول: شه‌ڕى عێراق خاڵى شه‌رمه‌زارییه له تۆمارى من
ئه‌مانه تووڕه‌یى عێراقییه‌كان ناڕه‌وێنێته‌وه، ئه‌وان پێیانوایه ئێستایش به‌هۆى وته‌كانى كۆڵن پاوله‌وه مه‌ینه‌تى ده‌بینین، مونه‌ته‌زه‌ر زه‌یدى كه رۆژنامه‌نووسه و له 2008 له كۆنگره‌یه‌كى رۆژنامه‌وانى له عێراق پێڵاوه‌كانى له جۆرج ده‌بڵیوبوش گرت، ده‌ڵێ، "خه‌مبارم به‌وه‌ى كۆڵن پاول بێ دادگاییكردن له‌سه‌ر تاوانه‌كانیان له عێراق مرد، به‌ڵام دڵنیام دادگاى خودا چاوه‌ڕوانى ده‌كات".
مه‌ریم ژنێكى ته‌مه‌ن 51 ساڵه‌یه و نووسه‌رێكى عه‌ره‌به له هه‌رێمى كوردستان ده‌ژیت. گۆڤاره‌كه زانیاریی زیاترى له‌سه‌ر ئه‌و ژنه بڵاونه‌كردووه‌ته‌وه كه له‌باره‌ى كۆڵن پاول ده‌ڵێ، "درۆ، درۆ، درۆى كرد، ئێمه‌یش تووشى ئه‌و جه‌نگانه بووین كه كۆتاییان نایه‌ت".
عه‌قیل روبه‌یعى كه دوكانداره و خه‌ڵكى به‌غدایه له راپۆرته ئه‌مریكییه‌كه، باس له‌وه ده‌كات به‌لایه‌وه گرنگ نییه پاول له قسه‌كانى په‌شیمان بووه‌ته‌وه یان نا، روبه‌یعى ده‌ڵێ، "په‌شیمانى بۆ ئێمه داد نادات، وڵاته‌كه به ته‌واوى وێران بووه، ئێمه باجه‌كه‌ى ده‌ده‌ین، له‌گه‌ڵ ئه‌وه‌یش ده‌ڵێم خوا لێى خۆشبێت".
گۆڤارى پۆلیتیكۆ باس له‌وه ده‌كات نه‌وه‌ك ته‌نیا له عێراق، به‌ڵكو عێراقییه‌كان پێیانوایه گوته‌كه‌ى كۆڵن پاوڵ له ئه‌نجومه‌نى ئاسایشى نێوده‌وڵه‌تى كاریگه‌رى له‌سه‌ر ته‌واوى رووداوه‌كانى دواترى رۆژهه‌ڵاتى ناوه‌ڕاست هه‌بووه.
راپۆرته‌كه له‌كۆتاییدا ئاماژه بۆ ئه‌وه ده‌كات، دوور له تووڕه‌یى عێراقییه‌كان له كۆڵن پاوڵ، دوێنێ له چه‌ندان شوێنى ترى دنیا ستایشى كۆڵن پاول كراوه، له‌وانه هایكۆ ماس وه‌زیرى ده‌ره‌وه‌ى ئه‌ڵمانیا به "به‌رپرسێكى پاكى سیاسه‌تى ده‌ره‌وه‌ى ئه‌مریكا" وه‌سفى ده‌كات.
عێراقییه‌كان پاول به درۆزن و هۆكارى مه‌ینه‌تیه‌كانى خۆیان ده‌زانن
له‌گه‌ڵ ئه‌وه‌یشدا به‌رپرسان له بیریان نه‌چووه، كه شه‌ڕى عێراق كاره‌كته‌رى كۆڵن پاولى شێواندووه، له‌وانه مارى رۆبینسۆن سه‌رۆكى پێشووى ئیرله‌ندا ده‌ڵێ، "پیاوێكى نایاب و به ئاكار بوو، به شێوه‌یه‌كى خراپ له چوارچێوه‌ى شه‌ڕى عێراق له ئه‌نجوومه‌نى ئاسایش فریو درا".
له‌سه‌ر هه‌مان بابه‌ت رۆژنامه‌ى گاردیانى به‌ریتانى ئه‌مڕۆ بابه‌تێكى بڵاوكردووه‌ته‌وه به ناونیشانى "دادگاى خودا چاوه‌ڕوانى كۆڵن پاول ده‌كات" به‌گوێره‌ى راپۆرتێكى BBC بابه‌ته‌كه‌ى گاردیان له‌لایه‌ن مارتن شۆلۆڤ نووسراوه و كۆلن پاول به رووخسارى داگیركاریى ئه‌مریكا له عێراق وه‌سف كراوه، كه به هۆى ئه‌و داگیركارییه‌وه تا ئێستا 200 هه‌زار كه‌س له عێراق بوونه‌ته قوربانیی و جگه له‌مه‌یش ئه‌و وڵاته 20 ساڵه له ئاژاوه‌یه‌كى ناوخۆدا ده‌ژیت و له ته‌واوى ناوچه‌كه‌یش شڵه‌ژانى دروستكردووه.
كۆڵن پاول له ساڵى 1937 له نیویۆرك له‌دایكبووه‌ن دایك و باوكى به ره‌چه‌ڵه‌ك خه‌ڵكى جامایكان. پاول به‌شدارى جه‌نگى ڤیتنامى كردووه و له‌سه‌رده‌مى رۆناڵد ریگان بووه راوێژكارى ئاسایشى نه‌ته‌وه‌یى ئه‌مریكا و به بچووكترین ئه‌مریكى و یه‌كه‌م ره‌شپێست داده‌نرێت كه بووه سه‌رۆكى ده‌سته‌ى سوپاسالاریى هاوبه‌ش له سەردەمی سه‌رۆكايەتى جۆرج بوشى باوك و دواتریش له سه‌رده‌مى جۆرج ده‌بڵیوبوش وه‌زیرى ده‌ره‌وه‌ى ئه‌مریكا بوو. دوێنێ دووشه‌ممه 18ى تشرینى یه‌كه‌م كۆچى دوایى كرد.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment