نێچیرڤان بارزانى: شۆڕشى ئه‌یلوول ئیراده‌یه‌كى پۆڵایین و له‌بننه‌هاتووى بۆ گه‌لى كوردستان دروستكرد
نوچەنێت:
ئەمڕۆ شەممە (11)ى ئەیلوولى (2021)دا، نێچیرڤان بارزانى، سەرۆکى هەرێمى کوردستان پەیامێکى لە یادى (60)مین ساڵەى هەڵگیرسانى شۆڕشى ئەیلوول بڵاوکردەوە و تێیدا هاتووە، "شۆڕشى مه‌زنى ئه‌یلوول و كاریگه‌رى و پێگه و ده‌نگدانه‌وه‌ى له‌سه‌ر ئاستى ناوچه‌كه و جیهان، بوونه بنه‌مایه‌ك كه ڕێككه‌وتنى 11ى ئازار و هه‌موو ده‌سكه‌وت و پێشكه‌وتنه‌كانى دواترى گه‌لى كوردستانى له‌سه‌ر بنیات نران."
دەقى پەیامى نێچیرڤان بارزانى، سەرۆکى هەرێمى کوردستان:
له یادى شه‌ست ساڵه‌ى هه‌ڵگیرسانى شۆڕشى مه‌زنى ئه‌یلوولدا، به ڕێز و شكۆوه یادى ڕێبه‌رى شۆڕش بارزانیى نه‌مر و هاوه‌ڵانى و ته‌واوى شه‌هیدانى شۆڕش و كوردستان ده‌كه‌ینه‌وه، سڵاو و دروود بۆ گیانى پاكیان ده‌نێرین و سه‌رى ڕێز و نه‌وازش له‌به‌رده‌میاندا داده‌نوێنین.
شۆڕشى مه‌زنى ئه‌یلوول، ماكى شۆڕشه‌كانى كوردستانه كه له یه‌كێك له سه‌رده‌مه هه‌ره سه‌خته‌كانى مێژوودا هه‌موو چین و توێژ و پێكهاته‌كانى كوردستانى له‌ژێر سه‌ركردایه‌تییه‌كى جێى باوه‌ڕ و متمانه و له ئیراده‌یه‌كى یه‌كگرتوودا كۆكرده‌وه بۆ ئه‌وه‌ى پێكه‌وه و له‌پێناو یه‌ك ئامانجدا به‌ره‌نگارى سته‌م و داپڵۆسین ببنه‌وه و داواى ئازادى و مافه‌كانیان بكه‌ن.
شۆڕشى مه‌زنى ئه‌یلوول ئیراده‌یه‌كى پۆڵایین و له‌بننه‌هاتووى له گه‌لى كوردستاندا دروست كرد كه ئیتر هه‌رگیز نه‌ده‌بوو بشكێت، بۆیه ته‌نانه‌ت دواى گه‌له‌كۆمه‌كى نێوده‌وڵه‌تییش له شۆڕش، زۆرى نه‌خایاند گه‌لى كوردستان ڕیزه‌كانى ڕێكخسته‌وه و دووباره هاته‌وه كۆڕى خه‌بات و تێكۆشان و ڕووبه‌ڕووى هه‌موو هێز و چه‌ك و زه‌بر و زه‌نگێكى ده‌سه‌ڵاتى ئه‌وساى عیراق بووه.
شۆڕشى مه‌زنى ئه‌یلوول و كاریگه‌رى و پێگه و ده‌نگدانه‌وه‌ى له‌سه‌ر ئاستى ناوچه‌كه و جیهان، بوونه بنه‌مایه‌ك كه ڕێككه‌وتنى 11ى ئازار و هه‌موو ده‌سكه‌وت و پێشكه‌وتنه‌كانى دواترى گه‌لى كوردستانى له‌سه‌ر بنیات نران، ده‌سكه‌وتى هه‌ره مه‌زنیش دروستكردنى شانازى و ناسنامه‌ى نیشتمانى و نه‌ته‌وه‌یى و ئیراده و گیانى به‌ره‌نگارى و به‌رده‌وامى بوو كه گه‌لى كوردستانى به ئه‌مڕۆ گه‌یاند.
با یادى شۆڕشى مه‌زنى ئه‌یلوول كه شۆڕشى ته‌واوى گه‌لى كوردستان بوو، بكه‌ینه هه‌وێن و بنه‌ماى یه‌كڕیزى و ته‌بایى و پێكه‌وه‌ژیانى هه‌موو پێكهاته‌كانى كوردستان و به هه‌مان گیانى شۆڕش، له‌پێناو ئاینده‌یه‌كى باشتر و چه‌سپاندنى فیدراڵى و پاراستنى قه‌واره‌ى هه‌رێمى كوردستان و ده‌ستكه‌وكانیدا، پێكه‌وه هه‌نگاو بنێین و كار بكه‌ین.
هه‌میشه به‌رز و شكۆدار بێت یادى شۆڕشى مه‌زنى ئه‌یلوول و سڵاو و دروود بۆ گیانى پاكى شه‌هیدان.
نێچیرڤان بارزانى
سه‌رۆكى هه‌رێمى كوردستان
11ى ئه‌یلوولى 2021
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment