خوولى په‌رله‌مان ته‌واو بوو هه‌ندێك په‌رله‌مانتار تا ئێستا په‌رله‌مانیان نه‌دیوه
سیهام میران – تایبەت بە نوچەنێت
خوولى چواره‌مى په‌رله‌مانى عێراق به‌ره‌و ته‌واوبوون ده‌چێت، چونكه له 10ى مانگى تشرینى یه‌كه‌مى داهاتوو هه‌ڵبژاردنى پێشوه‌خته به‌ڕێوه‌ده‌چێت و ده‌بێت تا ئه‌و كاته‌یش په‌رله‌مان خۆى هه‌ڵبوه‌شێنێته‌وه، كه‌چى به‌گوێره‌ى زانیارییه‌كان هه‌ندێك له په‌رله‌مانتاران تا ئێستا به‌شدارى دانیشتنه‌كانى په‌رله‌مانیان نه‌كردووه.
ژماره‌ى ئه‌و په‌رله‌مانتارانه ده‌گاته 20 كه‌س، به‌ڵام چه‌ند كه‌سێكیان زۆر دیارن، له‌وانه نوورى مالیكى سه‌رۆكى هاوپه‌یمانى ده‌وڵه‌تى یاسا، راكان جبوورى پارێزگارى كه‌ركووك، ئه‌سعه‌د عیدانى پارێزگارى به‌سره و چه‌ندان به‌رپرسى تر.
سه‌لیم هه‌مزه شووشكه‌یى ئه‌ندامى لیژنه‌ى یاسایى له په‌رله‌مانى عێراق له لێدوانێكى تایبه‌ت به "نوچه‌نێت" باسى له‌وه كرد، ته‌نیا له‌م خووله نییه، به‌ڵكو له خووله‌كانى تریش ئه‌م دیارده‌یه هه‌بووه، ئه‌و په‌رله‌مانتاره كورده گوتى، "سیسته‌مى ئەو پەرلەمانەی وا بووە لە خوولەکانی پێشتریش بە تایبەت ئەوانەی کە سەرۆك حزب و به‌رپرسى سه‌ربازى بوون لە پەرلەمان ناویان هەبووە، تەنیا رۆژی سوێندخواردن هاتوونە و هیچی تر پەرلەمانیان نەبینیوەتەوە. هەندێکی تریش تەنیا بۆ پارێزبەندی پەرلەمان دێت، ئەوەش بووه‌تە سوننەتێکی خراپ لەناو پەرلەمان"
وه‌ك په‌رله‌مانتاران باسى ده‌كه‌ن، تا ئێستا لێكۆڵینه‌وه له‌گه‌ڵ ئه‌و په‌رله‌مانتارانه نه‌كراوه، سه‌لیم هه‌مزه گوتى، "بەشێکیاک لە بەرپرسه سه‌ربازییه‌كانن لە خوولی پێشووتر و لەو خوولەش بەشی زۆریان کە نایەنە پەرلەمان خەڵکی سادە نین، یان پارێزگارە یاخود سه‌رۆكى پارتێكه، ئەوانەن کە دەوام ناکەن".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment