ئه‌مریكا ده‌ستى به‌سه‌ر دوو ملیۆن به‌رمیل نه‌وتى ئێران داگرت
نوچه‌نێت
ئەو نەوتە لە کەنارەکانی بەندەری "فوجیرە"ی ئیمارات لە کەشتی "ئاشیلاس" دەستی بەسەردا گیرابوو و گوێزرابووەوە بۆ ئەمریکا.
لێکدانەوەی ئامارە بڵاوکراوەکانی ئاژانسی زانیاری وزەی ویلایەتە یەکگرتووەکانی ئەمریکا لە کۆتایی هەفتەدا ڕابردوودا، دەرخەری ئەوەیە ئەو وڵاتە زیاتر لە یەک ملیۆن بەرمیل نەوتی خاوی ئێرانی لە مانگی ئاداردا فرۆشتووە.
بە لەبەرچاوگرتنی ئەوەی کە ئێران چەندین ساڵە لەژێر گەمارۆکانی ئەمریکادایە، ئەو ڕاپۆرتە بووەتە هۆی سەرسوڕمانی فرۆشیاران و کڕیارانی بازاڕی نەوت.
بەگوێرەی بەڵگەکانی دادگاکانی ئەمریکا، ئێران ویستوویەتی ئەو نەوتە بە چین بفرۆشێت و بڕیار وابووە لەسەر نەوتهەڵگرەکە بنووسرێت "نەوتی خاوی سووکی بەسرە" و لە عێراقەوە بگوازرێتەوە.
بەڵگەکانی دادگاکان دەرخەری ئەوەن ئیدارەی ئەمریکا سەرەتا ئەو بارە نەوتەی گواستووەتەوە بۆ هیوستۆنی تەکساس و زیاتر لە دوو ملیۆن بەرمیل نەوتی خاوی ئەو بارەی بە نرخی ١١٠ ملیۆن دۆلار فرۆشتووە. واتە هەر بەرمیلێک بە نزیکەی ٥٥ دۆلار.
وەزارەتی دادی ئەمریکا پێشتر ڕایگەیاندووە پارەی فرۆشتنی ئەو بارە نەوتە دەخرێتە سندووقی پشتیوانیکردن لە قوربانیانی تیرۆریزم لە ئەمریکا.
ئیدارەی ئەمریکا لە ساڵی ٢٠١٥دا و بە مەبەستی پێدانی غەرامە بەو کەسانەی کە بوونەتە قوربانی گرووپە تیرۆریستییەکان یان تیرۆریزم دەوڵەتی، ئەو سندووقەی دامەزراند.
بە پێێ ئەو ڕاپۆرتانەی کە پێشتر بڵاو ببوونەوە، حوکمی دەستگرتن بەسەر ئەو نەوتهەڵگرەدا لە ئیدارەی دۆناڵد ترەمپ و پێش هاتنە سەردەسەڵاتی جۆ بایدن دەر کراوە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment