ئەردۆغان: پاڵپشتى یەکخستنى هەسەدە لەگەڵ ئیدارەى نوێى سووریا دەکەین
نوچە نێت
ئەمڕۆ هەینى (28/ ئادار/ 2025) ماڵپەڕى (ئەنادۆڵ) بڵاوى کردووە، سەرۆک کۆمارى تورکیا و ڤلادمێر پووتین بە تەلەفۆن گفتوگۆیان کردووە، تێیدا جەختیان لەسەر ئاشتى و سەقامگیرى هەمیشەیى و یەکپارچەیى خاکى سووریا کردۆتەوە.
دەربارەى ریککەوتنى هێزەکانى سووریاى دیموکرات (هەسەدە) و ئیدارەى نوێى سووریا، ئەردۆغان جەختى لەسەر ئەوە کردۆتەوە پاڵپشتى یەکخستنى هێزەکانى سووریاى دیموکرات لەگەڵ ئیدارەى ناوەندى سووریا دەکات.
سەبارەت بە کۆتاییهاتنى جەنگى رووسیا ــ ئۆکراینا ئەردۆغان ئامادەیى تورکیا بۆ پێکشەشکردنى هەموو جۆرە هاوکارییەک دەربڕیوە بۆ میواندارى دانوستاندنەکانى ئاشتى لەگەڵ ئۆکراینا بۆ ئاشتاییەکى هەمیشەیى.
بەگوێرەىراگەیێندراوى سەرۆکایەتى تورکیا، هەردوو سەرۆک گفتوگۆیان لەسەر پرسە ناوچەیى و هەرێمیەکان کردووە، ئەنقەرە بە بایەخەوە سەیرى گرنگى هەماهەنگى لەگەڵ مۆسکۆ دەکات سەبارەت بە پرسى سووریا.
لەو گفتوگۆیانە ئەردۆغان جەختى لەسەر ئەوەش کردۆتەوە، ئەنقەرە و مۆسکۆ دەتوانن پێکەوە کۆنتڕۆڵى ئەو هەوڵانە بکەن کە کار لە جیاوازى تائیفى دەکات بە ئامانجى هەڵوەشاندنەوەى یەکپارچەیى خاکى سووریا.
هەر لەو پەیوەندییە تەلەفۆنییە گفتوگۆیان لەسەر هەماهەنگى بۆ لادانى سزاسەپێندراوەکانى سەر سووریا بە شێوەیەکى کامڵ کردووە.
دەربارەى هەماهەنگى تورکیا و رووسیا لە چارەسەرى پرسە هەرێمییەکان ئەردۆغان پێى وایە هەڵگرى بایەخێکى سەرەکییە و ئەنقەرەش چاودێرى ئاراستەى کۆتاییهاتنى جەنگى بەردەوامى رووسیا و ئۆکراینا دەکات.
سەرۆک کۆمارى تورکیا گوتوویەتى، هەنگاوى نیەت باشانەى لەپێناو پاراستنى جووڵەى بازرگانى لە دەریاى رەش، کاریگەرى لەسەر پڕۆسەى ئاشتى دەبێت، تورکیا ئەوەى لە ئەستۆى بێت بۆ رێگرى لەوەى دەریاى رەش ببێتە گۆڕپانى ململانێکان دەیکات.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment