بەرپرسى پێشووى دادگاى گرتووخانەى سیدنایا دەستگیر کرا
نوچە نێت
ئەمڕۆ پێنجشەممە (26/ كانوونى يەکەم/2024) ماڵپەڕى (حوڕە) بڵاوى کردووە، ئیدارەى چالاکییە سەربازییەکانى سووریا راگەیاند، لەدواى شەڕپێدادان لەگەڵ پاشماوەى دەسەڵاتدارانى پێشووى سووریا بەرپرسى پێشووى دادگاى مەیدانى گرتووخانەى سیدنایاى لە دەوروبەرى تەڕتوس دەستگیرکرد.
هاوپەیمانى نیشتیمانى سووریا دەستگیرکردنەکەى پشتڕاست کردۆوتەوە و لە لاپەڕەى خۆى لە تۆڕى کۆمەڵایەتى ئێکس نووسیوویەتى، یەکێک لە تاوانبارەکانى دەسەڵاتى ئەسەد و بەرپرسى لە سێدارەدانى هەزاران کەس لە زیندانى سیدنایا دەستگیرکرا، لە بەشێکى دیکەى هاتووە، ئەو هەنگاوە بۆ بەرەو چەسپاندنى دادوپەروەرى و لێپرسینەوەى تاوانبارانى دژ بەگەلى سووریا هەنگاوێکى گرنگە.
کەنجۆ بەڕێوەبەرى دادگاى سەربازى بوو لە سووریا و لە ریزى هێزەکانى دەسەڵاتى سەربازیى بوو پلەکانى بڕى بوو تا گەیشتبوو بە دادوەرێکى دیارى سەربازیى.
لە (2011) محەمەد کەنجۆ جێگرى فەرماندەى گشتى سەربازیى بوو لە دادگاى سەربازیى بوو، ئەرکى دادگاییکردنى سەربازانى و هاووڵاتیانى دەستگیرکراو بوو، تۆمەتبارە بە دەرکردنى هەزاران بڕیارى لە سێدارەدان و فەرمانى زیندانى هەتاهەتایى.
دەسەڵاتدارانى ئێستاى سووریا تۆمەتباری دەکەن بە پێشێلکردنى مافى سووریەکان و دەرکردنى فەرمانى لە سێدارەدانى کەسانى بێتاوان، بە پشبەستن بە دانپێدانانى بەزۆر لە لایەن دەزگا ئەمنییەکان.
ناوەندى پێشێلکردنى تاوانەکان لە سووریا لە راپۆرتێکدا دەڵێت، ئەو بەرپرسە ئەمنییە تۆمەتبارە بە مامەڵەى نامرۆیى لەگەڵ زیندانییان و وەرگرتنى پارە لە کەسوکاریان ئەوەش بۆتە هۆى ئەوەى پارە و سامانێکى زۆر کۆبکاتەوە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment