سوپای ئیسرائیل بۆ دانیشتووانی خان یونس: ماڵەکانتان جێبهێڵن عێراق ناوچەکە و جیهان

نوچەنێت

لە فەرمانێکی نوێدا سوپای ئیسرائیل داوا لە دانیشتووانی خان یونس دەکات بە زووترین کات ماڵەکانیان جێبهێڵن، چونکە هێرشەکان لە لایەن سوپای ئیسرائیلەوە بۆ سەر ئەو ناوچەیە فراوانتر دەبێت.

ڕۆژی یەکشەممە (28/ کانوونی دووەم/2024) ماڵیەڕی (جەزیرە) بڵاوی کردەوە، سوپای ئیسرائیل لە فەرمانێکی نوێدا ڕایگەیاندووە، "پێویستە دانیشتووانی خان یونس، چەند گەڕەکێکی نزیک لە ناوەراستى ئەو گەڕەكە بە زووترین کات ماڵەکانیان جێبهێڵن بەرەو ئەلمەواسی بڕۆن کە پێشتریش سەدان هاووڵاتی پێیان گوترا بوو بۆ ئەو ناوچەیە بڕۆن.

پێشتر هێزی ئاسمانی ئیسرائیل ئاماژەى بەوە کردەوە، بۆ ئەمڕۆ یەکشەممە هێرشەکان چڕتر دەبێتەوە بەردەوامی دەبێت. 

چاوەڕوان دەکرێت خان یونس و فەڵەستین ئەمڕۆ ڕۆژێکی سەخت تێبپەڕێنن، چەندین هاووڵاتی سڤیل بەهۆی هێرشەکانەوە بەناچاری ماڵەکانیان جێبهێڵن و بەرەو شوێنی ديكە بڕۆن، و هێڕشەکان گیان لەدەستدان و برینداری لێبکەوێتەوە.

لە حەوتى ی ئۆکتۆبەری ساڵى رابردوو هێزەکانی حەماس هێرشیان کردە سەر سوپای ئیسرائیل، وەزارەتی تەندروستی غەزە دەڵێت بەهۆی جەنگەکەوە تاوەکو ئێستا "(26) هەوزار و (،422) فەڵەستینی کوژراون،  (65) هەزار (87) هاووڵاتی برینداربوون کە لە نێویاندا ژن و منداڵی زۆر هەن. كە تەنیا لە ماوەی (24) کاتژمێری ڕابردوودا (165) فەڵەستینی کوژراون و (290) کەسیش برینداربوون، هەروەها تاوەکو ئەمڕۆ نزیکەی (%85) دانیشتووانی فەڵەستین ئاوارە بوون.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین