سوپاى ئيسرائيل ئامارى نوێى كوژراوانى  لە غەزە راگەياند عێراق ناوچەکە و جیهان

نوچەنێت

سوپاى ئيسرائيل لە راگەيێندراوێكدا ئاشكراى كرد، لە شەڕ و پێكدادەنەكانى ناوەڕاست و باشوورى كەرتى غەزە سێ سەبازيان كوژراوە، بەوەش لە حەوتى ئۆكتۆبەوە تا ئێستا (501) سەربازيان كوژراوە.

ئەمڕۆ پێنجشەممە (28/ كانوونى دووەم/ 2023) ماڵپەڕى (ئاڕتى) بڵاوى كردەوە، سوپاى ئيسرائيل لە راگەيێندراوێكدا ئامارێكى نوێى ژمارەى كوژرانى بڵاوكردەوە، لە راگەيێندراوەكە كوژرانى سێ سەربازى ديكەى لە كەرتى غەزە راگەياندووە.

سەبارەت بە ناسنامەى كوژراوەكان لە راگەيێندراوەكە هاتووە، عەساف بنحاس فەرماندەى يەدەگ، تەمەن (22) ساڵ لە باشوورى غەزە كوژراوە.

هەروەها نيار زيساك ئەفسەرى تەمەن (24) لە ليواى زريپۆش لە كەتبيەى (52) لە ناوەڕاستى غەزە كوژراوە.

يەكێكى ديكە لە كوژراوەكان بە ناوى دەڤير دايڤيد، بە پلەى رائيد تەمەن (32) جێگرى فەرماندەى كەتيبەى (198) لە ناوەڕاستى غەزە كوژراوە.

بەگوێرەى ماڵپەڕى واينتى ئيسرائيلى سێ سەربازى ديكە لە دوو كەتيبەى جياوازى سەبە ليواى ناحال برينداربوونە، كە برينەكانيان سەختە.

بەگوێرەى دواين ئامارى لەدواى هێرشەكانى حەوتى ئۆكتۆبەر تاوەكوو ئێستا (501) ئيسرائيلى كوژراون، كە بەشێكى لە هێرشى يەكەم كوژراون.

دەربارەى بريندارەكانيش لە سوپاى ئيسرائيل، ماڵپەڕى سوپاى ئيسرائيل بڵاوى كردەوە، كۆى گشتى بريندارەكان لە كەرتى غەزە (898) سەرباز برينداربوو، كە برينى (203) مەترسيدارە.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین