سه‌رۆك نێچیرڤان بارزانى: ده‌بێ سیستمى فیدراڵى لە عێراق به ته‌واوى جێگیر ببێت
نوچەنێت:
به‌یانیى ئه‌مڕۆ چوارشه‌ممه (13/ئەیلوول/2023) سەرۆک نێچیرڤان بارزانى، سه‌رۆكى هه‌رێمى كوردستان، پێشوازى له ئەلێکساندەر شۆڵنبێرگ وه‌زیرى ده‌ره‌وه‌ى نه‌مسا و شاندێكى یاوه‌رى كرد.
سەرۆکایەتیى هەرێمى کوردستان لە ڕاگەیێندراوێکدا دەڵێت، له كۆبوونه‌وه‌یه‌كدا كه جێگرانى سه‌رۆك و به‌رپرسى فه‌رمانگه‌ى په‌یوه‌ندیه‌كانى ده‌ره‌وه‌ى هه‌رێمى كوردستان و نوێنه‌رى حكوومه‌تى هه‌رێمى كوردستان له نه‌مسا ئاماده‌ى بوون، "په‌یوه‌ندییه‌كانى نه‌مسا له‌گه‌ڵ عێراق و هه‌رێمى كوردستان، په‌یوه‌ندییه‌كانى هه‌ولێر ـ به‌غدا، كۆچى نایاسایى بۆ ئه‌ورووپا و دوایین پێشهاته‌كانى ناوچه‌كه به‌گشتى"، تاوتوێ كران.
سەبارەت بە پەیوەندییەکانى هەرێمى کوردستان و نەمسا، سەرۆک نێچیرڤان بارزانى، وێراى ئاماژه‌دان به په‌یوه‌ندیى له‌مێژینه‌ى هه‌ردوولا، "ستایشى پشتگیریى نه‌مسا له هه‌رێمى كوردستان و به‌رده‌وامیى گه‌شتیى ڕاسته‌وخۆى ئاسمانیى ڤیه‌ننا ـ هه‌ولێر، پیرۆزبایى و ده‌ستخۆشى له به‌ڕێز وه‌زیرى ده‌ره‌وه‌ى نه‌مسا كرد بۆ دووباره كردنه‌وه‌ى باڵیۆزخانه‌ى وڵاته‌كه‌یان له به‌غدا و داواى كرد نوێنه‌رایه‌تییه‌ك له هه‌رێمى كوردستان بكه‌نه‌وه، هه‌روه‌ها ئاماده‌ییى هه‌رێمى كوردستانى بۆ بره‌ودان به په‌یوه‌ندییه‌كانى له‌گه‌ڵ نه‌مسا له هه‌موو بواره‌كاندا" دووپات كرده‌وه.
ئەلێکساندەر شۆڵنبێرگ ڕایگەیاند، "وڵاته‌كه‌ى به بایه‌خه‌وه له په‌یوه‌ندییه‌كانى له‌گه‌ڵ عێراق و هه‌رێمى كوردستان ده‌ڕوانێت و كار بۆ ئه‌وه ده‌كه‌ن نوێنه‌رایه‌تییه‌ك له هه‌ولێر بكه‌نه‌وه"، هه‌روه‌ها جه‌ختى له‌وه كرده‌وه كه "كه‌رتى تایبه‌تى نه‌مسایى خوازیاره وه‌به‌رهێنان له هه‌رێمى كوردستان بكات. له‌مباره‌یه‌وه هه‌ردوولا هاوڕا بوون كه سه‌قامگیریى سیاسى و ئه‌منى گرنگه بۆ ڕاكێشانى سه‌رمایه‌گوزاریى بیانى و پێشكه‌وتنى ئابوورى. ده‌رباره‌ى كۆچى نایاساییش، هه‌ردوولا داكۆكییان له‌وه كرده‌وه كه بۆ ڕووبه‌ڕووبوونه‌وه‌ى كۆچى ناسایى، ده‌بێ هه‌ماهه‌نگیى هه‌مه‌لایه‌نه له‌نێوان وڵاتانى ئه‌ورووپا و ناوچه‌كه‌دا هه‌بێت."
ڕاگەیێندراوەکە دەڵێت، سه‌باره‌ت به كێشه‌كانى هه‌ولێر ـ به‌غدا، سه‌رۆك نێچیرڤان بارزانى دووپاتى كرده‌وه كه "ده‌بێ كێشه‌كان له‌سه‌ر بنه‌ماى ده‌ستوور چاره‌سه‌ر بكرێن و سیستمى فیدراڵى به ته‌واوى جێگیر ببێت، بۆ ئه‌و مه‌به‌سته‌ش گفتوگۆیه‌كى بنیاتنه‌ر له‌سه‌ر بنه‌ماى لێكگه‌یشتنى هاوبه‌ش بۆ چاره‌سه‌ر و تێپه‌ڕاندنى كێشه‌كان، به‌ڕێوه بچێت. هه‌روه‌ها جه‌ختی له په‌یوه‌ندیى دراوسێیه‌تیى باش له‌گه‌ڵ وڵاتانى دراوسێ و پاراستنى به‌رژه‌وه‌ندیى هاوبه‌ش كرده‌وه."
هەروەها ئەوەش هاتووە، چه‌ند پرسێكى دیكه‌ى جێى بایه‌خى هاوبه‌ش، ته‌وه‌رێكى دیكه‌ى كۆبوونه‌وه‌كه بوو.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment