سەرۆك نێچیرڤان بارزانی: جەژنی ئەکیتۆ دەرفەتێکی نوێیە بۆ بەهێزکردنی خۆشەویستی لەنێو پێکهاتەکانی گەلی کوردستاندا
نوچە نێت
ڕۆژی سێشەممە (1/نیسان/2025) سەرۆك نێچیرڤان سەرۆكی هەرێمی كوردستان بە بۆنەی جه‌ژنه‌کانی ئه‌کیتۆ پەیامێكی بڵاوكردەوە و تییدا هاتووە، "جارێکی دیکە له هه‌رێمى كوردستان جەخت لە پابەندیی هەمیشەییمان به پاراستنی ماف و ئازادییەکان و بره‌ودان به كولتوورى فره‌ڕه‌نگى و پێکەوەژیانی ئاشتییانە و لێبورده‌یى و یه‌كترقبووڵكردن لەنێو هەموو پێکهاتە ئایینی و نەتەوەییەکانى كوردستاندا دەکەینەوە."
دەقی راگەیێندراوەکەی سەرۆك نێچیرڤان بارزانی، سەرۆکی هەرێمی کوردستان:
بە بۆنەی سه‌ری ساڵی نوێی 6775ی بابلی ـ ئاشووری و جه‌ژنه‌کانی ئه‌کیتۆوه، گه‌رمترین پیرۆزبایى پێشکەش بە هاووڵاتییانی خۆشه‌ویستى کلدان و ئاشووری و سریان لە کوردستان و عێراق و سەرانسەری جیهان دەکەم، هیوادارم جەژن و پشوویه‌کی خۆش و ئارام به‌سه‌ر به‌رن.
جەژنی ئه‌کیتۆ بۆنەیەکی مێژوویی و دێرینى شارستانیی به‌هاداره، قووڵاییی رەگی کولتووری و مرۆییی یەکێک لە دێرینترین پێکهاتەکانی ناوچەکەمان نیشان ده‌دات کە له به‌ره‌به‌یانى مێژووه‌وه بەشدارییان لە دروستکردنی شارستانییەته‌كانی ناوچەکە و پاراستنی فرەڕه‌نگییه‌کەیدا، کردووە.
لەم بۆنەیەدا، جارێکی دیکە له هه‌رێمى كوردستان جەخت لە پابەندیی هەمیشەییمان به پاراستنی ماف و ئازادییەکان و بره‌ودان به كولتوورى فره‌ڕه‌نگى و پێکەوەژیانی ئاشتییانە و لێبورده‌یى و یه‌كترقبووڵكردن لەنێو هەموو پێکهاتە ئایینی و نەتەوەییەکانى كوردستاندا دەکەینەوە.
با ئەم ساڵ جەژنی ئەکیتۆ دەرفەتێکی نوێ بێت بۆ پته‌وكردن و بەهێزکردنی خۆشەویستی و ژیانی هاوبەش و رێزله‌یه‌كگرتن لەنێو هەموو پێکهاتەکانی گەلی کوردستاندا، هه‌روه‌ها سەرچاوەی هیوایەک بێت بۆ داهاتوویەکی باشترى پڕ لە گەشەسەندن و ئارامى و ئاسووده‌یى بۆ هەمووان.
جەژنی ئه‌کیتۆ له هه‌موو لایه‌ك پیرۆز بێت، هەموو ساڵێك به خۆشى.
نێچیرڤان بارزانی
سەرۆکی هەرێمی کوردستان
1ی نیسانی 2025
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment