فينلەندا داوا دەكات دۆسيەى ئەندامبوونى لە ناتۆ لە سويد جيابكرێتەوە
نوچەنێت
ئەمڕۆ سێشەممە (24/ كانوونى دووەم/ 2023) ماڵپەڕى (ئاڕتى) بڵاويكردەوە وەزيرى دەرەوەى فينلەندا ئاماژەى بەوەكرد، دانوستاندنەكانى سويد و توركيا بۆ وەرگرتنى ستۆكهۆڵم لە دوو هەفتەى داهاتوو دەوەستێت، پێويستە حكومەتى فينلەندا بير لەوە بكاتەوە بەبێ سويد ببێتە ئەندام لە ناتۆ
دواى ئەوەى حكومەتى سويد رێگەى دا راسمۆس باڵودان، سەرۆكى پارتى هارد كۆرس لەبەردەم باڵيۆزخانەى توركيا لە ستۆكهۆڵم قورئان بسووتنێت، پەيوەندييەكان ئەو دوو وڵاتە ئاڵۆزتربوو، لەبەرانبەردا وەزارەتى بەرگرى توركيا سەردانى وەزيرى بەرگى سويدى بۆ ئەنقەرە هەڵوەشاندەوە.
لەلايەكى ترەوە حكومەتى توركياش رايگەياندووە، سويد دوو بژاردەى لەبەردەستە، يا دەبێتە قوربانى پەكەكە ياخود دەبێت پابەند بێت بە ياداشتى سێقۆڵى.
لەبەرانبەردا ينس ستۆڵتنبێرگ، ئەميندارى هاوپەيمانى ناتۆ رەخنەى توند لە رەجەب تەيب ئەردۆغان دەگرێت و دەڵێت، "ئازادى بيروبۆچوون و ئازادى رادەربڕين بەهايەكى بەنرخ لە سويد و هەموو وڵاتانى هاوپەيمانى ناتۆ، ئەو كارە ناشايستانە راستەوخۆ بە ناسايى داناندرێن."
ستۆڵتنبێرگ جەخت لەسەر ئەوە دەكاتەوە حكومەتى سويدى زۆر بەڕوونى ئەو كارەى سەركۆنەكردووە، بۆيە پێويست ناكات دواى ئەو هەموو هەنگاوە پرۆسەى رەزامەندى وەرگرتنى ئەو دوو وڵاتە لە ناتۆ شكست پێبهێندرێت.
دەربارەى هەوڵەكانيش ئەميندارى هاوپەيمانى ناتۆ ئاماژەى بەوە كرد، لەگەڵ سويد و فينلەندا و توركياش لەسەر هێڵين، تا ئێستا لە كۆى (30) وڵاتى ئەندام لەو رێكخراوە پەرلەمانى (28) وڵات رەزامەنديان لەسەر وەگررتنى ئەو دوو وڵاتەداوە، تەنيا پەرلەمانى هەنگاريا و توركيا ماوە رەزامەندى دەربڕن.
سەبارەت بە هەڵوێستى توركياش گوتى، "سەرەڕاى سووتاندنى قورئان لەبەردەم باڵيۆزخانەى توركيا لە ستۆكهۆڵم بەڵام توركيا تا ئێستا هاوكارێكى زۆرباشى دانوستاندنەكانى وەرگرتنى ئەو دوو وڵاتەيە."
بە پاساوى داڵدەدانى لايەنگرانى پەكەكە و يەپەگە تا ئێستا توركيا رێگە نادات سويد و فينلەندا ببن بە ئەندامى هاوپەيمانى ناتۆ.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment