سعوودیە پلانێکی بە مەبەستی کۆتاییهێنان بە قەیرانی یەمەن خستە ڕوو
نوچه‌نێت
بە پێی هەواڵێکی "شەرق ئەوسەت"، فەیسەڵ بن فەرحان وەزیری دەرەوەی سعوودیە ڕۆژی دووشەممه ٢٢ی ئادار ڕایگەیاند ئەو پلانە ئاگربەستی خێرا لەژێر چاودێری ڕێکخراوی نەتەوە یەکگرتووەکان لە خۆ دەگرێ. هەروەها کەمکردنەوەی گەمارۆکان لەسەر بەندەری حوده‌یدە و پێدانی داهاتی باجی ئەو بەندەرە لە ڕێگای حسێبێکی بانکی هاوبەشەوە بە پێی ڕێککەوتنی ستۆکهۆڵم لە خۆ دەگرێ.
وەزیری دەرەوەی سعوودیە وتیشی: دەستپێکردنەوەی کاری فڕۆکەخانەکان بۆ چەند وڵاتی هەرێمی و نێودەوڵەتی لە فڕۆکەخانەی یەمەنەوە و هەروەها دەستپێکردنەوەی گفتوگۆ سیاسییەکان بە مەبەستی کۆتاییهێنان بەو قەیرانە خاڵەکانی تری ئەو دەستپێشخەرییەن.
فەیسەڵ لە میانەی کۆنفڕانسێکی ڕۆژنامەوانیدا وتی: "سعوودیه وێرای دەربڕینی نیگەرانی خۆی سەبارەت بە ئاسایش و سەقامگیری یەمەن و ناوچەکە و پشتیوانی جدی و کردەیی لە ئاشتی و کۆتاییهێنان بە قەیرانی یەمەن و بەرزبوونەوەی ڕێژەی ڕەنج و نەهامەتی لە وڵاتی برامان یەمەن، و لە ئاراستەی پشتیوانیکردن لە هەوڵە سیاسییەکان بۆ گەیشتن بە ڕێگاچارەیەکی سیاسیی هەمەلایەنە لە نێوان لایەنەکانی شەڕی یەمەن بە پێێ گفتوگۆکانی سویسڕا، جنێڤ، کوەیت و ستۆکهۆڵم، دەستپێشخەری وڵاتەکەمان بۆ کۆتاییهێنان بە قەیرانی یەمەن و گەیشتن بە ڕێگا چارەیەکی سیاسیی هەمەلایەنە ڕادەگەیەنین".
بە وتەی بن فەرحان، دەستپێکردنەوەی گفتوگۆکان لەنێوان لایەنەکان لەژێر چاودێری ڕێکخراوی نەتەوە یەکگرتووەکان و بە پێی بڕیارنامەی ٢٢١٦ی ئەنجومەنی ئاسایشی نەتەوە یەکگرتووەکان، پلانی کەنداو و ڕێوشوێنەکانی جێبەجێکردنی ئەو پلانە و ئەنجامەکانی گفتوگۆی هەمەلایەنەی نیشتمانیی لە یەمەن بابەتەکانی ترن کە لەو پلانەدا ئاماژەیان پێکراوە.
وه‌زیرى ده‌ره‌وه‌ى سعوودیه لە وەڵامی پرسیارێکدا ڕایگەیاند کە ئەو دەستپێشخەرییە لە کاتی ڕاگەیاندنییەوە دەچێتە قۆناغی کردەیی و چارەنووسی بەستراوەتەوە بە قەبووڵکردن یان ڕەتکردنەوەی لە لایەن حوسییەکانەوە. ئاماژەی بەوەش کرد کە ڕاوەستاندنی پێکدادانەکان پێویستی بە پابەندی هەموو لایەنەکان هەیە.
هەروەها وتی سعوودیه لەگەڵ کۆمەڵگەی نێودەوڵەتی بە مەبەستی گوشارخستنە سەر حوسییەکان بۆ قەبووڵکردنی ئەو دەستپێشخەرییە کار دەکات، چونکە کۆتاییهێنان بە پێکدادانەکان تاقە ڕێگای پێشکەوتنە.
پێشبینی ئەوەشی کرد کە ویلایەتە یەکگرتووەکانی ئەمریکا و کۆمەڵگەی جیهانی پشتیوانی ئەو پێشنیازە بکەن و هەوڵی سەرکەوتنی بدەن.
وەزیری دەرەوەی سعوودیه ڕایگەیاند ئەو پلانە لە چوارچێوەی هەوڵەکانی مارتین گریفیتس نێردەی تایبەتی ڕێکخراوی نەتەوە یەکگرتووەکان لە یەمەن و تیموتی لێندرکینگ نوێنەری تایبەتی ئەمریکا لە یەمەن و ڕۆڵی پۆزەتیڤی وڵاتی عەمان دەستی پێکردووە.
فەیسەڵ بن فه‌رحان داوای لە حکومەتی یەمەن و حوسییەکان کرد کە ئەو پلانە قەبووڵ بکەن. هەروەها دەستێوەردانی ئێرانی لە یەمەن ئیدانە کرد و وتی هۆکاری درێژبوونەوەی شەڕی یەمەن، دەستێوەردانەکانی ئێران بووە لە ڕێگای پشتیوانیکردن لە میلیشیا حوسییەکان و ناردی مووشەک و چەک و ڕاوێژکاریی سەربازیی و پێشێلکردنی بڕیارنامەکانی ئەنجومەنی ئاسایشی نەتەوە یەکگرتووەکان.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment