وەزارەتى ناوخۆ بۆ بنبڕکردنى فرۆشتنى سیمکارتى بێ مۆڵەت چەند ڕێنماییەک دەردەکات
نوچەنێت:
ئەمڕۆ یەکشەممە (24/تەممووز/2022) وەزارەتى ناوخۆ و گواستنەوە و گەیاندنى هەرێمى کوردستان ڕاگەیێندراوێکى بڵاوکردەوە و تێیدا، "به‌مه‌به‌ستی دانانی میكانیزمه‌كانی جێبه‌جێكردنی بڕیاری سه‌رۆكایه‌تی ئه‌نجومه‌نی وه‌زیران ژماره(110 له 1/9/2021) تایبه‌ت به رێكخستنی میكانیزمه‌كانی فرۆشتنی توێژاڵی ئه‌لیكترۆنی (سیم كارت) له‌لایه‌ن كۆمپانیاكانی بواری گه‌یاندن (مۆبایل و ئینته‌رنێت) بۆ ئه‌وه‌ی سیم كارتی بێ خاوه‌ن نه فرۆشرێت له بازاڕه‌كان كه هندێك جار ده‌بێته سه‌رچاوه‌ی هه‌ڕه‌شه و تاوان له هاووڵاتیانی هه‌رێمی كوردستان . بۆ نه هێشتنی دیارده‌ی فرۆشتنی سیم كارتی بێ مۆڵه‌ت له بازاڕه‌كانی هه‌رێمی كوردستان، وه‌زاره‌تی ناوخۆ به هه‌ماهه‌نگی له‌گه‌ڵ وه‌زاره‌تی گواستنه‌وه‌و گه‌یاندن و ده‌زگای ئاسایشی هه‌رێمی كوردستان هه‌ڵسا به ده‌رچوواندنی رێنمایی ژماره (8)ی ساڵی (2021)."
لە بەشێکى ترى ڕاگەیێندراوەکەدا هاتووە، "مۆڵه‌تی یه‌ك مانگ له (24/7/2022) تا (23/8/2022) ده‌درێته سه‌رجه‌م كۆمپانیاكانی پێشكه‌شكردنی خزمه‌تگوزاری په‌یوه‌ندی( مۆبایل و ئینته‌رنێت) به ئاگاداركردنه‌وه‌ی بریكاره‌كانی فرۆشتنی سیم كارت له بازاڕه‌كان (سه‌ره‌كی و لاوه‌كی) به‌مه‌به‌ستی ده‌رهێنانی مۆڵه‌ت له وه‌زاره‌تی ناوخۆ و به ڕه‌زامه‌ندی ئاسایشی تایبه‌تمه‌ند كه له رێنماییه‌كه‌دا ده‌قنووسكراوه."
دەقى ڕاگەیێندراوەکەى هاوبەشى وه‌زاره‌تی ناوخۆ و وەزارەتی گواستنەوە و گەیاندن:
به‌مه‌به‌ستی دانانی میكانیزمه‌كانی جێبه‌جێكردنی بڕیاری سه‌رۆكایه‌تی ئه‌نجومه‌نی وه‌زیران ژماره(110 له 1/9/2021) تایبه‌ت به رێكخستنی میكانیزمه‌كانی فرۆشتنی توێژاڵی ئه‌لیكترۆنی (سیم كارت) له‌لایه‌ن كۆمپانیاكانی بواری گه‌یاندن (مۆبایل و ئینته‌رنێت) له هه‌رێمی كوردستان بۆ ئه‌وه‌ی سیم كارتی بێ خاوه‌ن نه فرۆشرێت له بازاڕه‌كان كه هندێك جار ده‌بێته سه‌رچاوه‌ی هه‌ڕه‌شه و تاوان له هاووڵاتیانی هه‌رێمی كوردستان . بۆ نه هێشتنی دیاره‌ی فرۆشتنی سیم كارتی بێ مۆڵه‌ت له بازاڕه‌كانی هه‌رێمی كوردستان، وه‌زاره‌تی ناوخۆ به هه‌ماهه‌نگی له‌گه‌ڵ وه‌زاره‌تی گواستنه‌وه‌و گه‌یاندن و ده‌زگای ئاسایشی هه‌رێمی كوردستان هه‌ڵسا به ده‌رچوواندنی رێنمایی ژماره (8)ی ساڵی (2021) تایبه‌ت به‌م بابه‌ته پاڵپشت به گه‌ڵاڵه‌نامه‌ی تایبه‌ت به رێكخستنی میكانیزمه‌كانی فرۆشتنی تویژاڵی سیمی ئه‌لكترۆنی (سم كات) كه ده‌رچوو له لایه‌ن ده‌سته‌ی راگه‌یاندن و گه‌یاندنی حكومه‌تی فیدڕاڵ (CMC) بۆ بنبڕكردنی فرۆشتنی سیم كارت له بازاڕه‌كان به‌ده‌ر له میكانیزمه یاساییه‌كانی فرۆشتن و به خاوه‌نكردنیان به پێی بایۆمه‌تری ئه‌لیكترۆنی.
بۆ جێبه‌جێ كردنی بڕیار و رێنمایی ئاماژه‌پێدراو له سه‌ره‌وه ئه‌م رێكارانه‌ی خواره‌وه ده‌گیرێنه‌به‌ر.
1. مۆڵه‌تی یه‌ك مانگ له (24/7/2022) تا (23/8/2022) ده‌درێته سه‌رجه‌م كۆمپانیاكانی پێشكه‌شكردنی خزمه‌تگوزاری په‌یوه‌ندی( مۆبایل و ئینته‌رنێت) به ئاگاداركردنه‌وه‌ی بریكاره‌كانی فرۆشتنی سیم كارت له بازاڕه‌كان ( سه‌ره‌كی و لاوه‌كی ) به‌مه‌به‌ستی ده‌رهێنانی مۆڵه‌ت له وه‌زاره‌تی ناوخۆ و به ڕه‌زامه‌ندی ئاسایشی تایبه‌تمه‌ند كه له رێنماییه‌كه‌دا ده‌قنووسكراوه.
2. له رۆژی (24/8/2022) به دواوه ده‌ست ده‌كرێت به هه‌ڵمه‌تی داخستنی گشت ئه‌و شوێنانه‌ی كه سیم كارت ده‌فرۆشن مۆڵه‌تییان نییه له‌لایه‌ن لیژنه هاوبه‌شه‌كانی قائیمقامیه‌ته‌كان له پارێزگاو ئیداره سه‌ربه‌خۆكان فرۆشتنی سیم كارت بێ مۆڵه‌ت قه‌ده‌غه ده‌كرێت به هه‌موو شێوه‌یه‌ك و له میانه‌ی ئه‌و مانگه وه‌زاره‌تی گواستنه‌وه‌و گه‌یاندن كه‌مپینێكی راگه‌یاندن ئه‌نجامده‌دات له گشت هۆكاره‌كانی راگه‌یاندنی (بیسترا و بینراو) بۆ ئاگاداركردنه‌وه‌ی هاووڵاتیان به پێویستی تۆماركردنی سیمكارته‌كانیان كه به ناوی خۆیان نییه به‌پێی رێنمایی سه‌ره‌وه .
3. له دوای جێبه جێكردنی میكانیزمی سه‌ره‌وه لیژنه‌كانی به‌دواداچوون كه له رێنماییه‌كه‌دا هاتووه، كاری پێویست ئه‌نجامده‌ده‌ن سه‌باره‌ت به پشكنین و سه‌ردان بۆ بازاره‌كان بۆ دڵنیابوون له ڕاده‌ی جێبه‌جێكردنی ئه‌م رێنماییه به سه‌رپه‌رشتی خودی پارێزگار و سه‌رپه‌رشتیاری ئیداره سه‌ربه‌خۆیه‌كان .
داوا له هاووڵاتیان و كۆمپانیاكانی بواری پێشكه‌شكردنی خزمه‌تگوزاری په‌یوه‌ندی(مۆبایل و ئینته‌رنێت) ده‌كه‌ین كه هاوكار و پابه‌ندبن به جێبه‌جێكردنی رێنمایی سه‌ره‌وه بن به‌مه‌به‌ستی سه‌رخستنی ئه‌م پڕۆسه‌یه له پێناو به‌رژه‌وه‌وه‌ندی هاووڵاتیان و كه‌مكردنه‌وه‌ی ئه‌و گیروگرفتانه‌ی كه په‌یوه‌ندیان به (سیم كارت)ی بێ خاوه‌نه‌وه هه‌یه .
راگەیاندنی هاوبەشی
وەزارەتی ناوخۆ و وەزارەتی گواستنەوە گەیاندن
حکومەتی هەرێمی کوردستان
24/7/2002
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment