سەرۆک نێچیرڤان بارزانى: داوا له پارتى و یه‌كێتى دەکەم هه‌رچى كێشه و ناكۆكى هه‌یه به‌لاوه بنێن
نوچەنێت:
ئەمڕۆ یەکشەممە (1/ئایار/2022) سەرۆک نێچیرڤان بارزانى، سەرۆکى هەرێمى کوردستان لە پەیامێکدا جەژنى ڕەمەزان لە موسڵمانى کوردستان و عێراق و جیهان پیرۆز دەکات و دەشڵێت، "داوا له پارتى و یه‌كێتى وه‌ك دوو هێزى سه‌ره‌كى و هه‌موو لایه‌نه كوردستانییه‌كان ده‌كه‌م جه‌ژن بكه‌نه ده‌رفه‌تێك و له‌سه‌ر بنه‌ماى به‌رژه‌وه‌ندیى باڵاى گه‌ل و وڵات، هه‌رچى كێشه و ناكۆكى هه‌یه به‌لاوه بنێن."
دەقى په‌یامى سه‌رۆك نێچیرڤان بارزانى له جه‌ژنى ڕه‌مه‌زانى پیرۆزدا:
هاتنه‌وه‌ى جه‌ژنى ڕه‌مه‌زان به گه‌رمى له هه‌موو موسڵمانان له كوردستان، عیراق و جیهان پیرۆز ده‌كه‌م. هیواى جه‌ژن و پشوویه‌كى ئارام و ئاسووده بۆ هه‌مووان ده‌خوام.
جه‌ژن له كاتێكدا ده‌گه‌ڕێته‌وه كه دۆخى عیراق و هه‌رێمى كوردستان ئه‌وپه‌ڕى پێویستى به مانا و به‌هاكانى جه‌ژنه له لێبورده‌یى، ئاشته‌وایى، به‌خۆداچوونه‌وه و پێكهاتنه‌وه. بۆیه با هه‌موومان ئه‌م جه‌ژنه بكه‌ینه ده‌رفه‌تێك بۆ هاریكارى و لێكگه‌یشتن، تا له‌سه‌ر ئاستى عیراق و هه‌رێمى كوردستان ده‌ست له‌ناو ده‌ست، قه‌یران و ئاڵۆزییه‌كان تێپه‌ڕێنین و قۆناغێكى تازه‌ى پێكه‌وه‌یى ده‌ستپێ بكه‌ین، ده‌سكه‌وته‌كان و ئێستا و داهاتووى هه‌رێمى كوردستان بپارێزین.
له هه‌رێمى كوردستان له هه‌موو كاتێك زیاتر پێویستیمان به پێكه‌وه‌یى، ته‌بایى و یه‌كڕیزییه. بۆیه داوا له پارتى و یه‌كێتى وه‌ك دوو هێزى سه‌ره‌كى و هه‌موو لایه‌نه كوردستانییه‌كان ده‌كه‌م جه‌ژن بكه‌نه ده‌رفه‌تێك و له‌سه‌ر بنه‌ماى به‌رژه‌وه‌ندیى باڵاى گه‌ل و وڵات، هه‌رچى كێشه و ناكۆكى هه‌یه به‌لاوه بنێن، خۆیان له هه‌ڵمه‌ت و په‌لامارى میدیایى و یه‌كترشكاندن بپارێزن. پێكه‌وه، یه‌كڕیز و ته‌با، هاریكار و هاوئاهه‌نگ بن تا له‌سه‌ر ئاستى عیراقیش پێگه و ڕۆڵ و كاریگه‌رییان هه‌بێت.
با جه‌ژن بۆ هه‌مووان له هه‌رێمى كوردستان و عیراق ببێته مایه‌ى خێر و خۆشى و كردنه‌وه‌ى ده‌رگایه‌كى ئاسووده‌یى و ئارامى و سه‌قامگیرى. جه‌ژن له هه‌مووان پیرۆز بێت، هه‌موو ساڵێك به خۆشى.
نێچیرڤان بارزانى
سه‌رۆكى هه‌رێمى كوردسان
1/5/2022
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment