نێچیرڤان بارزانى: ده‌بێت هه‌موو لایه‌نه‌كان له‌و په‌لامارانه بێنه‌ده‌نگ
.jpg)
نوچه‌نێت
ئه‌مڕۆ چوارشه‌م سێى ئادار، هێرشێكى مووشه‌كى كرایه سه‌ر بنكه‌ى عه‌ین ئه‌سه‌د له رۆژئاواى ئه‌نبار و له‌ئه‌نجامدا كه‌سێكى به‌ڵێنده‌ر له هاوپه‌یمانى نێوده‌وڵه‌تى گیانى له‌ده‌ست دا.
نێچیرڤان بارزانى سه‌رۆكى هه‌رێمى كوردستان له په‌یامێكدا سه‌ركۆنه‌ى هێرشه‌كه ده‌كات، كه ئه‌مه ده‌قه‌كه‌یه‌تى:
زۆر به توندى سه‌ركۆنه‌ى ئه‌و هێرشه مووشه‌كییه ده‌كه‌م كه ئه‌مڕۆ چوارشه‌ممه هێزه‌كانى هاوپه‌یمانیى نێوده‌وڵه‌تى به سه‌ركردایه‌تیى ئه‌مه‌ریكا له بنكه‌ى عه‌ینولئه‌سه‌دى ئاسمانى له پارێزگاى ئه‌نبار له عێراق كرده ئامانج و له ئه‌نجامدا به‌ڵێنده‌رێك گیانى له ده‌ست دا. سه‌ره‌خۆشى له خانه‌واده و كه‌سوكارى قوربانییه‌كه ده‌كه‌م، له‌م كاته سه‌خته‌دا هاوسۆز و هاوخه‌میانم.
دووباره‌بوونه‌ى به‌رده‌وامى په‌لاماردان و هێرش له‌سه‌ر هێزى هاوپه‌یمانیى نێوده‌وڵه‌تیى دژى داعش كه له‌سه‌ر داواى حكوومه‌تى عێراقى فیدرأڵ بۆ پشتگیرى و هاوكاریكردنى له به‌ره‌نگاربوونه‌وه‌ى تیرۆر له عێراقن، به ته‌واوى دژى به‌رژه‌وه‌ندییه‌كانى عێراقه و ئارامى و سه‌قامگیریى وڵات و ئێستا و داهاتووى ده‌خاته مه‌ترسییه‌كى ڕاسته‌قینه‌وه.
بێگومان عێراق له دۆخى ئێستایدا هێشتا پێویستى به به‌رده‌وامیى هاوكارى و یارمه‌تیدانى ئه‌مه‌ریكا و هاوپه‌یمانیى نێوده‌وڵه‌تییه بۆ ڕێگرى له به‌هێزبوونه‌وه‌ى داعش و له‌ناوبردنى یه‌كجاره‌كیى ئه‌و ڕێكخراوه تیرۆرستییه‌ى ڕۆژ به ڕۆژ هه‌ڕه‌شه و مه‌ترسییه‌كه‌ى زیاتر ده‌بێت و كرده سه‌ربازییه‌كان و جموجووڵه تیرۆرستییه‌كانى فراونتر ده‌بن.
داوا له حكوومه‌ت و په‌رله‌مان و هێز و لایه‌نه سیاسییه‌كان و پێكهاته و گه‌لانى عێراق ده‌كه‌م به‌رامبه‌ر ئه‌م هێرش و په‌لامارانه بێنه ده‌نگ و ڕێگه نه‌درێت له‌سه‌ر حیسابى به‌رژه‌وه‌ندییه‌كان و داهاتووى ئه‌وان، عێراق بكرێته گۆڕه‌پانى پێكدادان و یه‌كلاكردنه‌وه‌ى ململانێكان.
نێچیرڤان بارزانى
سه‌رۆكى هه‌رێمى كوردستان
2021/3/3
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment