توێژینه‌وه‌یه‌ك چه‌ند پێشبینیه‌كى نه‌رێنێ بۆ ئه‌نجامى هه‌ڵبژاردنه‌كان ده‌كات
.jpg)
نوچه‌نێت
حكومه‌تى نوێ ده‌كه‌وێته هاوینى داهاتوو
ئه‌مڕۆ چوارشه‌ممه 20ى تشرینى یه‌كه‌م "ئۆكتۆبه‌ر" رۆژنامه‌ى مه‌داى عێراق به زمانى عه‌ره‌بى ئه‌و توێژینه‌وه‌یه‌ى بڵاوكردووه‌ته‌وه، كه له‌سه‌ر ئه‌نجامى هه‌ڵبژاردنى پێشوه‌خته‌ى عێراق له لایه‌ن ماڵپه‌ڕى WPR بۆ سیاسه‌تى نێوده‌وڵه‌تى كراوه. ئه‌وه‌ى جێى سه‌رنج بێت توێژینه‌وه‌كه وێراى ئه‌وه‌ى پێیوایه هه‌ڵبژاردن هاوسه‌نگى هێزه سیاسییه‌كانى عێراقى گۆڕیوه، به‌ڵام به‌و ئاسته نییه كه گۆڕانكاریى گه‌وره‌ى لێ چاوه‌ڕوان بكرێت، بۆیه چه‌ند پێشبینیه‌كى خراپ له پێكهێنانى حكومه‌ت ده‌كات.
له‌سه‌ره‌تاوه ئاماژه بۆ ئه‌وه كراوه، لایه‌نه‌كان بۆ پێكهێنانى حكومه‌ت ده‌ستیان به دانوستاندن كردووه، به‌ڵام دانوستاندنه‌كانیان ئاسان نییه و به پێچ وپه‌نایه، بۆیه "پێشبینى ده‌كرێت بۆشایى حكومى له‌نێوان هه‌ڵبژاردنى 10ى تشرینى یه‌كه‌م و سوێندخواردنى ده‌ستوورى حكومه‌تى نوێ تا هاوینى ساڵى داهاتوو درێژ ببێته‌وه".
توێژینه‌وه‌كه به دوورى نازانێ له‌م بۆشاییه‌دا توندوتیژى رووبدات له وڵاتێك كه چه‌ندان گرووپى میلیشیایى تێدایه، ده‌شڵێ، "دواى چه‌ند مانگێگ له دانوستاندن و سازشكردن ئه‌نجامى به‌ده‌ستهاتوو پێكهێنانى حكومه‌تێكى ته‌وافوقى نیشتمانى ده‌بێت، به سه‌رۆكێكى لاوازه‌وه، كه به‌م حكومه‌ته رێگه به هه‌موو لایه‌نه‌كان ده‌درێت به براوه و دۆڕاوه‌وه، به‌شداریى له ده‌سكه‌وته‌كانى رژێمى به‌شبه‌شێنه و گه‌نده‌ڵى و هه‌ڵاتن له به‌رپرسیارێتى كارگێرى عێراق بكه‌ن".
سه‌رۆك وه‌زیرانى داهاتوو لاواز ده‌بێت
به بڕواى توێژینه‌وه‌كه‌ى WPR دوو پێوه‌ر بۆ ئه‌نجامدانى گۆڕانێكى واتادار هه‌یه، یه‌كه‌میان ئه‌وه‌یه سه‌رۆك وه‌زیرانێكى به‌هێز هه‌بێت، دووه‌میان ئه‌وه‌یه كۆتایى به رژێمى به‌شبه‌شێنه‌ى سیاسى بهێنرێت. سه‌باره‌ت به هه‌ر دوو پێوه‌ر توێژینه‌وه‌كه گه‌شبین نییه.
توێژینه‌وه‌كه ده‌ڵێ، "یه‌كێك له هۆكاره هه‌ر گرنگه‌كان بۆ كارگێرییه‌كى باشترى ئه‌م وڵاته، بوونى سه‌رۆك وه‌زیرانێكى به‌هێزه كه بنكه‌یه‌كى سیاسى سه‌ربه‌خۆى هه‌بێت و بتوانێ به شێوه‌یه‌كى مكوڕ هه‌ڵسوكه‌وت بكات. سه‌درییه‌كان له‌میانه‌ى بانگه‌شه‌ى هه‌ڵبژاردن به‌ڵێنیان دابوو، ئه‌گه‌ر براوه بن ئه‌وا سه‌رۆك وه‌زیرانێكى به‌هێز له خۆیان دابنێن، به‌ڵام له‌وانه‌یه ئه‌و به‌ڵێنه بشكێنن، به‌هۆى دانوستاندن و رێككه‌وتنه‌كان، یانیش له‌به‌رئه‌وه‌ى له بنه‌ڕه‌تدا به‌لایانه‌وه باش نه‌بێت به‌رپرسیارێتى ده‌سه‌ڵاتى عێراق له ئه‌ستۆ بگرن".
بۆ پێوه‌رى دووه‌م "نه‌هێشتنى رژێمى به‌شبه‌شێنه" راپۆرته‌كه باس له‌وه ده‌كات ئه‌و به‌شبه‌شێنه وایكردووه ته‌واوى حزبه‌كان به‌شدار بن له ده‌سه‌ڵات و ده‌سكه‌وته‌كانى، هه‌ر یه‌كێك له‌م رژێمه بێبه‌ش بكرێت، ئه‌وا ناڕه‌زایى ده‌رده‌بڕێت و له دژى گۆڕانكارییه‌كه ده‌وه‌ستێته‌وه، بۆیه "ناتوانرێ خه‌یاڵى ئه‌وه بكرێت به بێ خوێن كۆتایى به رژێمێك بهێنرێت كه پشت به به‌شبه‌شێنه ده‌به‌ستێت".
تاكه ئومێد چییه؟ به بڕوا توێژینه‌وه‌كه ده‌ركه‌وتنى هێزێكى ئۆپۆزیسیۆنه له‌ناو په‌رله‌مان كه له سه‌ربه‌خۆكان و چالاكوانان پێكدێت. بێگومان ئه‌وان رووبه‌ڕووى كۆسپ و هه‌ڕه‌شه و توندوتیژى ده‌بنه‌وه، به‌ڵام له‌كۆتاییدا چالاكییه‌كانیان گۆڕانكارییه‌ك له گوتارى سیاسى عێراق ده‌هێنێته ئاراوه و رۆشنبیرییه‌كى ئۆپۆزسیۆنى رێكوپێك پێكده‌هێنێ.
له‌كۆتایى توێژینه‌وه‌كه هاتووه، "هه‌موو ئه‌مانه به‌شێكن له لیستى ئه‌و بابه‌ته سه‌ره‌كیانه‌ى كه له‌دواى هه‌ڵبژاردن ده‌كه‌ون سه‌نگى مه‌حه‌كه‌وه، چاوه‌ڕوانی ئه‌وه‌یان لێ ده‌كرێت به‌ره‌و باشتر بچن ئه‌گه‌ر بۆ ماوه‌یه‌كى كه‌میش بێت. به‌شێك له بۆچوونى عێراقییه‌كان له‌گه‌ڵ ئه‌وه‌یه ده‌سه‌ڵاتێكى به‌هێزى جێبه‌جێكردن هه‌بێت، تا بتوانێ ئه‌وه‌ى شكاوه چاكى بكاته‌وه. كه‌چى هه‌ندێكى تر ده‌پرسن گرنگى ته‌واوى دیموكراسى عێراق له‌چى دایه؟ به‌ڵام له‌گه‌ڵ هه‌موو ئه‌و سڵكردنه‌وه و هۆكارانه‌ى دڵه‌ڕاوكێ، هێشتا ئومێدێك هه‌یه و پێشبینى روودانى هه‌ندێك چاكسازيى بۆ باشتركردنى به‌ڕێوه‌بردنى وڵاته‌كه ده‌كرێت، ئه‌مه‌یش له‌سه‌ر خواستنى دانوستادنى سیاسى ئه‌م چه‌ند مانگه ده‌وه‌ستێته‌وه".
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment