رێبوار بابكه‌یى: سه‌ردانى ماكرۆن بۆ هه‌رێمى كوردستان بایه‌خێكى سیاسى و دیپلۆماسى هه‌یه
سیهام میران – تایبەت بە نوچەنێت
بڕیاره ئیمانوێل ماكرۆنى سه‌ره‌تاى هه‌فته‌ى داهاتوو به‌شدارى له كۆنگره‌ى به‌غدا بۆ وڵاتانى دراوسێ و ناوچه‌كه له به‌غدا بكات، له‌و كاته‌یشدا سه‌ردانى هه‌رێمى كوردستان بكات. پێشتر ماكرۆن جارێك سه‌ردانى به‌غداى كردووه، به‌ڵام له ماوه‌ى سه‌رۆكایه‌تى خۆى هیچ سه‌ردانێكى هه‌رێمى كوردستانى نه‌كردووه.
د. رێبوار بابكه‌یى:
له خراپترین بارودۆخ ماكرۆن په‌نجه‌ره‌ى
په‌یوه‌ندییه‌كانى له‌گه‌ڵ هه‌رێمى كوردستان كردووه‌ته‌وه
ئه‌مڕۆ پێنجشه‌ممه 26 ى ئاب له‌سه‌ر گرنگى ئه‌و سه‌ردانه بۆ هه‌رێمى كوردستان، د. رێبوار بابكه‌یى سه‌رۆكى لیژنه‌ى پەیوه‌ندییه‌كان و ره‌وه‌ندى كوردى له په‌رله‌مانى كوردستان له لێدوانێكى بۆ نوچه‌نێت باسى له گرنگى ئه‌و سه‌ردانه كرد و گوتى، "سەردانە چاوەڕوانکراوەکەى سه‌رۆك ماکرۆن بۆ هەرێمی کوردستان دەبێتە رووداوێکی دیبلۆماسی زۆر گەورە، هەروەک چۆن پێشتریش سەرۆکی پێشووى فه‌ڕه‌نسا سەردانی هەرێمی كردووه. ئه‌و سه‌ردانه‌ى ماكرۆن دەرخەری ئەو راستیەیە کە پەیوەندییەکی قوڵ و تووند و پتەو لەنێوان هەرێمی کوردستان و فەڕەنسا هەیە، فەڕەنسا دۆستێکی زۆر نزیکی هەرێمی کوردستانە. ستراتیژیەتی فەرەنسا بەرانبەر هەرێمی کوردستان لەوە سەرچاوە دەگرێت کە پێگەی هەرێمی کوردستان جێگەی بایەخی ستراتیژی فەڕەنسایە. هەرگیز فەڕەنسا دەستبەرداری هەرێمی کوردستان نابێت و لە هەر کاتێک هەرێم پێویستی بە فەڕەنسا بێت، بەرگری لە هەرێمی کوردستان دەکات".
به‌بڕواى ئه‌م په‌رله‌مانتاره ئه‌و په‌نجه‌ره‌یه‌ى له په‌یوه‌ندى نێوان هه‌رێمى كوردستان و ماکرۆن كراوه‌ته‌وه له خراپترین كات بووه ئه‌ویش له كاتى رووداوه‌كانى 16ى ئۆكتۆبه‌رى 2017 بوو. رێبوار بابكه‌یى ده‌ڵێ، "کاتێك عەبادی ویستی هەرێمی کوردستان بنکۆڵ بکات و گەمارۆی هەرێمی کوردستانی دابوو لە ئاسمان و لەسەر زەمینیش بە پاڵشتی حەشدی شەعبی ویستیان هەولێر داگیر بکەن، لە کاتێکدا عەبادی ویستی هەموو دەرگاکان بەرووی هەرێمی کوردستان دابخات، فەڕەنسا و ماکرۆن ساڵی ٢٠١٧ پەنجەرێك دەکەنەوە بەرووی هەرێمی کوردستان و جارێکی تر هەرێمی کوردستان ده‌كه‌نه ئەو هەرێمەی کە پەیوەندی نەپچرێت لەگەڵ دەرەوە".
له‌كۆتایى لێدوانه‌كه‌ى د. رێبوار بابكه‌یى دووپاتى كرده‌وه كه سه‌ردانه‌كه‌ى ماكرۆن لەرووی سیاسی و دیپلۆماسی و مەعنەوی گرنگە و پاڵپشتیەکی مەزن دەبێت بۆ هەرێمی کوردستان چونکە فەڕەنسا وڵاتێکە ئەندامی هەمیشەی ئەنجومەنی ئاسایشی نێودەوڵەتییە، هێزێکی گەورەیە لەسەر ئاستی یەکێتی ئه‌وروپا. سه‌ره‌راى ئه‌م گرنگیانه‌یش گرنگییه‌كى ترى هه‌یه كه ئه‌م په‌رله‌مانتاره باسى ده‌كات و ده‌ڵێ، "جگە لەوە کە حکومەتی عێراقیش دەخاتە به‌رده‌م راستیەکەوە کە بە هیچ شێوەیەک بیر لەوە نەکاتەوە بە ئامرازی تایفی و ئامرازی سیاسی مامەڵە لەگەڵ هەرێمی کوردستان بکات"
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment