رۆژنامه‌یه‌كى عه‌ره‌بى: كازمى له رێككه‌وتنێك له‌گه‌ڵ كورد شكستى هێناوه
نوچه‌نێت
ئه‌مڕۆ شه‌ممه 26ى حوزه‌یران رۆژنامه‌ى عه‌ره‌بى جه‌دید كه له له‌نده‌ن ده‌رده‌چێت، راپۆرتێكى بڵاوكردووه‌ته‌وه و باس له جێبه‌جێنه‌كردنى رێككه‌وتننامه‌ى شنگال ده‌كات.
له‌سه‌ره‌تاى راپۆرته‌كه ئاماژه بۆ ئه‌وه كراوه وێراى ئه‌وه‌ى پێنج ساڵ به‌سه‌ر رزگاركردنى شنگال له‌ده‌ست تیرۆریستانى داعش تێپه‌ڕیوه، كه‌چى تا ئێستا ئه‌و شاره خاڵى گرژیى ئه‌منییه له‌نێوان لایه‌نه سیاسیه‌كان.
په‌رله‌مانتارێك:
بارودۆخى شنگال ده‌رخه‌رى لاوازیى حكومه‌تى فیدڕاڵییه
له نۆى مانگى تشرینى یه‌كه‌مى رابردوو به پاڵپشتى نه‌ته‌وه یه‌كگرتووه‌كان رێككه‌وتنى شنگال له‌نێوان حكومه‌تى عێراق و حكومه‌تى هه‌رێمى كوردستان كراوه، كه‌چى وه‌ك راپۆرته‌كه دووپاتى له‌سه‌ر ده‌كاته‌وه، ئه‌و رێككه‌وتنه تا ئێستا جێبه‌جێ نه‌كراوه.
راپۆرته‌كه‌ى عه‌ره‌بى جه‌دید ده‌ڵێ، "له 16ى ئایارى ئه‌مساڵ رێككه‌وتنه‌كه خراوه‌ته بوارى جێبه‌جێكردنه‌وه" كه‌چى چه‌ندان به‌رپرس و شاره‌زا بۆ رۆژنامه‌كه گوتوویانه ئه‌و رێككه‌وتنه ته‌نیا مه‌ره‌كه‌بى سه‌ر كاغه‌زه.
به‌گوێره‌ى ئه‌و زانیارییانه‌ى رۆژنامه‌كه بڵاوى كردووه‌ته‌وه، چیاى شنگال به‌ده‌ست چه‌كدارانى په‌كه‌كه‌وه‌یه، هه‌رچه‌نده له كۆتایى ئادارى رابردوو حكومه‌تى عێراق دوایین ده‌رفه‌تى بۆ ده‌ستنیشانكردوون كه له شوێنه‌كه‌ى خۆیان بڕۆن و ده‌رفه‌ته‌كه‌یش تا سه‌ره‌تاى نیسان بووه، كه‌چى تا ئێستا له شوێنى خۆیانن.
سه‌باره‌ت به میلیشیاكانى حه‌شدى شه‌عبیش له راپۆرته‌كه هاتووه، ژماره‌یان له پێش رێككه‌وتنه‌كه زیاتر بووه و ئێستا 40 باره‌گاى حه‌شدى شه‌عبى له شاره‌كه هه‌ن.
محه‌ما خه‌لیل قائیمقامى شنگال باسى له‌وه كردووه نزیكه‌ى 75% خه‌ڵكى شنگال هێشتا ئاواره‌ن و ته‌نانه‌ت ئه‌وانه‌ى گه‌ڕاونه‌ته‌وه جارێكى تر بیر له جێهێشتنى شاره‌كه ده‌كه‌نه‌وه.
دیار به‌روارى په‌رله‌مانتارى عێراق له لێدوانێكى بۆ رۆژنامه‌كه گوتوویه‌تى، "شنگال به‌شێكه له‌و ئاڵنگارییانه‌ى رووبه‌ڕووى حكومه‌تى مسته‌فا كازمى ده‌بێته‌وه و كه ئه‌و حكومه‌ته شكستى هێناوه له‌وه‌ى هێزه چه‌كداره‌كان ده‌ربكات". دیار به‌روارى ده‌شڵێ، "رێككه‌وتنى شنگال به‌ڵگه‌یه‌كه بۆ لاوازى حكومه‌تى فیدڕاڵى له به‌غدا".
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment