سه‌ركرده گیراوه‌كه‌ى حه‌شد زانیارییه‌كان ئاشكرا ده‌كات
نوچه‌نێت
رۆژنامه‌ى شه‌رق ئه‌وسه‌ت ئه‌مڕۆ شه‌ممه پێنجى حوزه‌یران له سه‌رچاوه‌یه‌كى نزیك له لیژنه‌ى لێكۆڵینه‌وه زانیارى ئه‌وه‌ى وه‌رگرتووه، قاسم موسلیح سه‌ركرده له میلیشیاكانى حه‌شدى شه‌عبى كه 25ى مانگى رابردوو به تۆمه‌تى تیرۆر گیراوه، له دانپێنانه‌كانى تۆڕێكى تیرۆركردنى ئاشكرا كردووه.
سه‌رچاوه‌كان باسیان له‌وه كردووه بارودۆخه‌كه وه‌ك ئه‌وه‌یه سندووقى ره‌شى میلیشیاكان به‌ده‌ست لیژنه‌كه‌وه بێت.
دووپاتیشى ده‌كه‌نه‌وه كه موسلیح دانپێنانێكى گرنگ و ده‌گمه‌نه‌ى له‌سه‌ر پێشێلكارییه ترسناكه‌كان به لیژنه‌كه داوه و لێكۆڵه‌ره‌وه‌كان ئێستا مامه‌ڵه له‌گه‌ڵ ژماره‌یه‌كى زۆر زانیارى ده‌كه‌ن.
له راپۆرته‌كه‌ى شه‌رق ئه‌وسه‌ت ئاماژه بۆ ئه‌وه كراوه موسلیح هاوكارى لیژنه‌كه‌ى كردووه لیستێكى تیرۆركردن ئاشكرا بكات كه ده‌یان چالاكوان و رۆژنامه‌نووسى تێدایه و ئه‌و تیرۆركردنانه له‌لایه‌ن تۆڕێكى چه‌كدارى سه‌ربه سه‌ركرده باڵاكان ئه‌نجام دراوه، ئه‌و تۆڕه دامه‌زراوه ئه‌منییه‌كانى عێراقى هاككردووه و پارێزبه‌ندى خۆى له‌و ده‌زگایانه وه‌رگرتووه.
قاسم موسلیح فه‌رمانده‌ى لیواى تفووفى حه‌شدى شه‌عبى و به‌رپرسى ئۆپراسیۆنه‌كانى ئه‌نبار له‌ناو حه‌شدى شه‌عبى به‌ره‌به‌یانى 25ى مانگى رابردوو له‌لایه‌ن هێزه عێراقییه‌كانه‌وه ده‌ستگیركرا، هه‌رچه‌نده میلیشیاكان فشاریان خسته سه‌ر مسته‌فا كازمى سه‌رۆك وه‌زیرانى عێراق به ئامانجى به‌ردانى، به‌ڵام شكستیان هێنا و تا ئێستا موسلیح گیراوه.
له راپۆرتى شه‌رق ئه‌وسه‌ت پێشبینى كراوه هه‌نگاوه‌كانى حكومه‌تى داهاتووى عێراق له دۆسیه‌ى موسلیح كاردانه‌وه‌یه‌ك له‌لاى میلیشیاكان دروست ده‌كات و به تایبه‌تى كه ئه‌و میلیشیایانه به‌نیازن له 13ى ئه‌م مانگه به بیانووى ساڵیادى دامه‌زراندنیان له 13ى حوزه‌یران گه‌وره‌ترین نمایشى سه‌ربازى بكه‌ن.
.jpg)
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment