Nuce Logo

نوچەنێت

کۆمەڵی G7، بڕیاری وەستاندنی پاڵپشتییە داراییەکانیان بۆ ئەو پرۆژانەی بە خەڵووز کاردەکەن دەرکرد. ئامانج لەو بڕیارەی کۆمەڵەکە، کەمکردنەوەی ڕێژەی بەرهەمهێنانی گازی کاربۆنی دژی ژینگەیە..

دەرکردنی ئەو بڕیارەیە لە لایان 7 وڵاتی زلهێزی ئابووری، بە هەنگاوێكی گرنگ داندەرێت لە کەمکردنەوەی کاریگەرییەکان و بەرزبوونەوەی پلەکانی گەرمای گۆی زەوی بە رێژەی 1.5 پلە، ئەمەیش بە واتایی جیبەجێکردن و پابەند بوونی ئەو  7وڵاتە زلهێزەی جیهان بە رێککەوتنامەی پاریس بۆ پاراستنی ژینگە دێت.

لەو بارەیەوە وڵاتانی ئەندام لە کۆمەڵی G7، رایانگەیاند" پرۆژەکانی وەبەرهێنان لە خەڵووز، چارەسەر نیە و پێوستە ڕابگیرێن".

هەروەها دووپاتیان کردەوە" پابەندین بە هەنگاوەکانی وەستاندنی هەر پاڵپشتیەکی دارایی بۆ هەر پرۆژەیەکی نوێ لەو بوارەدا  تا کۆتاییەکانی ساڵی 2021، بەسەرجەم رێکارەکانی بازرگانی و بە بازارکردنی خەلووز"

کۆمەڵی G7 کە هەریەکە لە وڵاتانی" ئەمریکا، بەریتانیا، کەنەدا، فەرەنسا، ئەڵمانیا، ئیتاڵیا، یابان. تیایدا ئەندامن، هاورا بوون لە پەلەکردن لە بڕگەکانی ڕێککەوتنامەی پاریس بۆ پاراستنی ژینگە. شرۆڤەکارە جیهانییەکان ئەو هەنگاوەی کۆمەڵەی G7، بە پرۆژەی سەرەکی و فشارە بەردەوامەکانی وڵاتی ئەڵمانیا دەناسێنن، چونکە لە ماوەی رابردوودا وەک وڵاتێکی پیشەسازی جیهانی، هەوڵی زۆری داوە بۆ دەرکردنی ئەو بڕیارەی کۆمەڵکە.  بە تایبەت دوای ئەوەی ئەڵمانیا دیدگای وڵاتەکەی بۆ 2030 لەکەمکردنەوەی ڕێژەی بەرهەمهێنانی کاربۆن ڕاگەیاند.

ئامانجی ئەڵمانیا کەمکردنەوەی ڕێژەی ٪65ـی بەرهەمهێنانی کاربۆنە تا ساڵی 2030، هەروەها گەیشتنە بە سیاسەتی سفر كاربۆنی تاساڵی 2045.

سەبارەت بە گرنگی خەڵووز  بۆ وڵاتانی جیهان دەگەڕێتەوە بۆ بەکاربردنی لە بەرهەمهێننای وزەدا.بە جۆرێک جگە لە بەکاربردنە سەرەکییەکانی ئەو ماددەیە، بە سەرچاوەیەکی سەرەکی بەرهەمهێنانی کارەبای جیهانی دادەنرێت، بەڵام وڵاتان لە هەوڵی کەمکردنەوەی ڕێژەی بەکاربردنی خەڵووزن لە بەرهەمهێنانی کارەبادا و پلانیان گۆڕینی خەڵووزە بە گازی سروشتی، بەڵام ئاستنەگەکانی بەردەم بەرهەهێنان و هەناردەکری گازی سروشتی، وێرای پرۆژەکانی گازی سروشتی لە نێوان ساڵانی 2010 بۆ 2017، ئاستی بەکارهێنانی خەلووز لە بەرهەمهێنانی کارەبادا بە رێژەی ٪40 کەمیکردووە و پشت بە گازی سروشتی دەبەسترێت،

 بەڵام زیادبوونی ژمارەی دانیشتوان و  تێچوەکانی بەرهەمهێنانی گاز و ئاڵۆزییە سیاسیەکانی نێوان بەرهەمهێنەرەکانی گازی سروشتی، فاکتەرن لە پشت بەستنی زیاتر بە خەڵوز تا ساڵی ، 2050.، بە تایبەت لە هیندستان و چین ، کە رێژەی ٪75 بەرهەمهێنانی کارەبا پشت بە خەڵووز دەبەستێت. بۆیە ئەو بڕیارە دەکرێت کار بکاتە سەر پرۆژەکانی وڵاتە بەکاربەرە سەرەکییەکانی خەڵووز لە جیهاندا.