پارێزەری دەمیرتاش: هیواخوازین سەڵاحەدین دەمیرتاش لەنێومان بێت تورکیە

نوچە نێت

لە سۆشیال میدیاکانی تورکیا بە چڕی باس لەوەدەکەن سەلاحەدین دەمیرتاش، هاوسەرۆکی پێشووی هەدەپە کە لەئێستادا لە زیندانییەکانی ئەدیرنە لە زیندانە لەم جەژنە ئازاد بکرێت.

ئەمڕۆ پێنجشەممە (27/ئاداری/2025) ماڵپەڕی (بیرگونبڵاویکردەوە، ئازادکردنی دەمیرتاش لە جەژن بۆتە ترێندی سۆشیال میدیای تورکیا، ئەم دەنگۆیانە لەدوای ئەوەدێت برایەکی دەمیرتاش لە لاپەرەی خۆی لە تۆری کۆمەڵایەتی سەبارەت بە ئازادکردنی دەمیرتاش ڕایگەیاندبوو، "بەڵکو بەیانی یان لە بەیانی زووتر، إن شاءالله ئازاد دەبێت.

لەدوای ئەو ڕاگەیاندنەی سلێمان دەمیرتاش ئاماژەی بەوەش کردووە، "ئەو لێداوانەم لەسەر بنەمایەکی کۆنکرێتی نەبووە، بەڵام دەکرێت ئەم ڕووداوە بەزووترین کات ڕووبدات، ئەوەی ئاماژەم پێکردووە ئەو نادادپەروەریەیە کە بەدڵنیایەوە ڕۆژێک کۆتایی پێدێت."

لە لایەکی دیکە عەبدوڵرەحمان کەرەبوڵت پارێزەری دەمیرتاش دەڵێت، "ئینشاڵڵا سەڵاحەدین دەمیرتاش لە جەژن لەگەڵمان دەبێت."

لەگەڵ بڵاوبونەوەی ئەو پۆستە لەنێو میدیاکانی تورکیا بە چڕی باس لە ئازادکردنی دەمیرتاش لە جەژن دەکرێت، زۆرێکیش پێیان وایە گرژییەکانی ناوخۆیی تورکیا و دەستگیرکردنی سەرۆکی شارەوانی ئەستەمبۆڵ لەوانەیە کاریگەری هەبێت و وا لە دەسەڵاتدارانی تورکیا بکات دەمیرتاش ئازاد بکەن. 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین