پووتین: ئامادەین نێوەندگیرى ئەمەریکا و ئێران بکەین عێراق ناوچەکە و جیهان

نوچە نێت

دیمترى بیسکۆڤ، گوتەبێژى کۆشکى کرملین رایگەیاند، رووسیا لە قۆناغى داهاتوو رۆڵى نێوەندگیرى لەنێوان ئەمەریکا و ئێران دەبینێت.

ئەمڕۆ چوارشەممە (پێنجى ئادار/ 2025) ماڵپەڕى (حوڕە) بڵاوى کردەوە، گوتەبێژى کۆشکى کرملین رایگەیاند، ڤلادمێر پوتین سەرۆکى رووسیا ئامادەیى خۆى دەربڕیووە لە قۆناغى داهاتوو لەسەر پرسى چەکى ئەتۆمى ئێران نێوەندگیرى لە ئەمەریکا  و ئێران بکات.
بەگوێرەى چەند سەرچاوەیەک مۆسکۆ پێشنیارى رۆڵى نێوەندگیرى کردووە، بەڵام تاوەکووە ئێستا کەس داواى لێنەکردووە دەست بەکارەکانى بکات.
کرملین جەختى لەسەر ئەوەش کردۆتەوە، پووتین ئامادەیە هەموو هەوڵێک بۆ سەرخستنى هەوڵەکانى بخاتەگەڕ تاوەکوو لەسەر پڕۆگرامە ئەتۆمییەکەى ئێران بگەنە چارەسەر.
بیسکۆف جەختى لەسەر ئەوەش کردۆتەوە، رووسیا پێیوایە پێویستە ئەمەریکا و ئێران هەموو ناکۆکییەکانیان لە رێگەى دانوستاندن چاسەر بکەن، بۆ ئەوەش مۆسکۆ ئامادەیە بەشدار بێت لە بەدیهێنانى چارەسەرەکانیان.
سەربارەت بە بۆچوونى ئەمەریکا، تاوەکوو ئێستا کۆشکى سپى هیچ لێدوانێکى لەسەر ئەو داوایە نەداوە، پێشتر مەسعوود پزیشکیان، سەرۆک کۆمارى ئێران رایگەیاند، تاران بیر لە دەستپێکردنەوەى گفتوگۆکان دەکاتەوە لەگەڵ ئەمەریکا.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین