ئەمریکا: له گفتوگۆکانی ڤیێنا ڕێگایەکی دوور و درێژمان ماوە
نوچه‌نێت
ئەمڕۆ چوارشەممە ٢١ی نیسانی ٢٠٢١، ئاژانسی هەواڵی "ڕادیۆ فەردا" بڵاوی کردووەتەوە ند پرایس دوێنێ سێشەممە لە کۆنفڕانسێکی ڕۆژنامەوانیدا لەو بارەوە ڕایگەیاند، "ڕێگایەکی دوور و درێژ لە بەردەمە. چاوەڕوانی سات و کاتی دژوار دەکەین".
دووەمین خولی گفتوگۆکانی ئێران و وڵاتانی ئەندامی ڕێککەوتنی ئەتۆمی کە ئەمریکا بە شێوەی ناڕاستەوخۆ تیایدا بەشدارە، ڕۆژی سێشەممە کۆتایی هات. بڕیارە شاندەکانی ئێران و ئەمریکا بە مەبەستی ڕاوێژ لەگەڵ بەرپرسانی باڵا بگەڕێنەوە بۆ وڵاتانی خۆیان.
شێوازی گەڕانەوەی ئێران و ئەمریکا بۆ ڕێککەوتنەکە تەوەری سەرەکی گفتوگۆکانە. ئیدارەی جۆ بایدن ڕایگەیاندووە بە نیازە بگەڕێتەوە بۆ ئەو ڕێککەوتنە، بەڵام مەرجی گەڕانەوەی ئەوەیە کە ئێران بە تەواوەتی بەڵێنەکانی خۆی جێبەجێ بکات. لە بەرانبەردا بەرپرسانی ئێران ڕایانگەیاندووە مەرجی جێبەجێکردنی بەڵێنەکانیان هەڵوەشانەوەی گەمارۆکانی ئەمریکایە.
سەرەڕای ئەوە، حەسەن ڕۆحانی سەرۆک کۆماری ئێران هەر دوێنێ (سێشەممە) ڕایگەیاندووە، گفتوگۆکان سەبارەت بە ڕێککەوتنی ئەتۆمی ٦٠ تا ٧٠ لەسەد سەرکەوتوو بوون و ئەگەر ئەمریکییەکان ڕاستگۆ بن لە ماوەیەکی کۆرتدا ئەو پرسە یەکلایی دەبێتەوە.
هەر لەو بارەوە، گوتەبێژی وەزارەتی دەرەوەی ئەمریکا گوتویەتی، لەم قۆناغەدا ڕێگایێکی زیاتر لەوەی کە تێمانپەڕاندووە لە بەردەممان ماوەتەوە.
ند پرایس، لە درێژەدا ڕەخنەی لە سیاسەتی "ئەوپەڕی گوشار"ی ئیدارەی دۆناڵد ترەمپ سەبارەت بە ئێران گرت و گوتی "ئەوە سیاسەتێکی ناسەرکەوتوو بوو".
گوتەبێژی وەزارەتی دەرەوەی ئەمریکا گوتی چاو لە دەستکەوتەکانی ئەو سیاسەتە بکەن و بەراوردی بکەن لەگەڵ ئەوەی بڕیار درابوو بە دەستی بهێنن. ئیدارەی ترەمپ نەیتوانی ئێران ناچار بکات بۆ ئیمزا کردنی ڕێککەوتنێکی نوێ.
هەروەها وتیشی، "لە ڕاستیدا، ئێران بەرنامە ئەتۆمییەکەی خێراتر کردەوە و هەندێ چالاکی ئەنجام داوە کە پێچەوانەی بەڵێنەکانی ڕێککەوتنە ئەتۆمییەکەن".
هەر لەو بارەوە، جیک سۆلیڤان ڕاوێژکاری ئاسایشی نیشتمانیی کۆشکی سپی ڕۆژی یەکشەممە گوتبووی، ئەمریکا کاتێ سزاکان هەڵدەوەشێنێتەوە کە دڵنیا بێتەوە و بۆی ئاشکرا بێت ئێران بە تەواوەتی بەڵێنەکانی جێبەجێ دەکات.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment