ئەمریکا داوا لە ئێران دەکات چیتر چەک بۆ حوسییەکان دابین نەکات
نوچەنێت
رۆژی سێشەممە (14/ئایار/2024) رادیۆفەردا لە هەواڵێکدا بڵاویکردۆتەوە، رۆبێرت وود، جێگری باڵیۆزی ئەمریکا لە ئەنجوومەنی ئاسایشی نەتەوە یەکگرتووەکان رایگەیاند: ئەگەر ئەم دامەزراوەیە خوازیاری کۆتاییهێنان بە شەڕی ناوخۆی یەمەنە، دەبێت بە کۆی دەنگ "داوا لە ئێران بکات، کە دەست لە کردەوە تێکدەرانەکانی خۆی هەڵبگرێت و جەخت لەوە بکاتەوە، کە ئێران ناتوانێت لە پشت حوسییەکانەوە خۆی حەشار بدات.
جێگری باڵیۆزی ئەمریکا لە ئەنجومەنی ئاسایش دەڵێت، بەڵگەی زۆر بوونی هەیە، کە دەیسەلمێنێت ئێران بە پێشێلکردنی سزاکانی نەتەوە یەکگرتووەکان، چەکی پێشکەوتوو، لەوانە مووشەکی بالیستیک و کروز بۆ حوسییەکان دابین دەکات.
وود ئاماژە بەوە دەکات، کە بۆ جەختکردنەوە لەسەر نیگەرانییەکانی ئەنجوومەنی ئاسایش لەبارەی پێشێلکارییەکانی گەمارۆی سەر چەک و تەقەمەنی، پێویستە هەوڵ و کردەوەی زیاتر بۆ جێبەجێکردنی بڕیارنامەکان و رێگریکردن لە سەرپێچیکارانی سزاکان ئەنجام بدەین.
حوسییەکان دەڵێن، هێرشەکانیان بۆ سەر کەشتیوانی نێودەوڵەتی لە دەریای سوور و کەنداوی عەدەن، بە مەبەستی فشارخستنە سەر ئیسرائیل بۆ کۆتاییهێنان بە شەڕی غەززەیە، کە تا ئێستا زیاتر لە 35 هەزار فەلەستینی بەهۆیەوە گیانیان لەدەستداوە، ئەنجام دەدرێت.
ئیدارەی دەریاوانی ئەمریکا لە کۆتایی مانگی نیسان رایگەیاند، حوسییەکان لە نۆڤەمبەری ساڵی رابردووەوە تاکو نیسان، زیاتر لە 50 هێرشیان بۆ سەر کەشتیوانی نێودەوڵەتی ئەنجامداوە و دەستیان بەسەر کەشتییەکدا گرتووە و کەشتییەکی دیکەشیان نوقم کردووە.
هێرشەکانی حوسییەکانی سەر بە ئێران بۆ سەر رێڕەوی کەشتیوانی نێودەوڵەتی لە دەریای سوور، بووەتە هۆی ئەوەی گواستنەوەی جیهانی لە رێگەی کەناڵی سوئێزەوە تووشی کێشە بووە و کۆمپانیاکانی کەشتیوانی ناچارکردووە، رێگای دوورتر و گرانتر لە نزیک باشووری ئەفریقا هەڵبژێرن.
سەرچاوە: رادیۆفەردا
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment